Иртәнге чыгарылыш
“Россия – Ислам дөньясы” Халыкара икътисад форумында Ислам хезмәттәшлеге оешмасы илләре Яшь дипломатларының IX форумы башланды. Сөйләшүләрнең төп темасы – Җиңү дипломатиясе. Катнашучыларга видеоэлемтә аша Россия тышкы эшләр министры Сергей Лавров мөрәҗәгать итте.
Татарстан Рәисе Рөстәм Миңнеханов Ислам хезмәттәшлеге оешмасы илләренең Яшь дипломатлары форумында катнашучылар белән очрашты. Яшь дипломатлар форумын уздыру күркәм традициягә әйләнде. Казан 2022 һәм 2023 елларда Яшь дипломатларның глобаль форумнары башкаласы булды, узган ел Казан БРИКС саммитын кабул итте.
«Казан» агросәнәгать паркы территориясендә Халыкара Хәләл-ярминкәсе ачылды.ТантанадаТатарстан Рәисе Рөстәм Миңнеханов, форумның мактаулы кунакларыкатнашты. Сәүдәмәйданчыгындахәләл дөнья стандартларына туры килә торган азык-төлек, кием-салым, аксессуарлар, косметика, башка товарлар тәкъдим ителгән.
Көндезге чыгарылыш
Казанда «Россия – Ислам дөньясы» уналтынчы Халыкара икътисадый форумы дәвам итә. Быелгы форумның төп темасы «Цифрлаштыру — яңа чынбарлык һәм хезмәттәшлекне киңәйтү өчен мөмкинлек» дип атала. Бүген форумның пленар утырышы үткәрелә.
Казанда «Россия – Ислам дөньясы” XVI Халыкара икътисадый форумында эшлекле сессия утырышлары башланды. Программада 20 тема буенча 140 утырыш үткәрү каралган. Өченче ел рәттән федераль статуста узучы форумга 103 ил вәкилләре катнаша.
Татарстан мәктәпләре укучылары Россия командасы составында химия фәне буенча Бразилиядә узган Менделеев халыкара олимпиадасында ике алтын медаль яулады. Җиңүчеләр – Альберт Семенов белән Рәшит Фәсхетдиновны Казан аэропортында республика мәгариф министры Илсур Һадиуллин, педагоглар, ата-аналар каршылады.
Кичке чыгарылышлар
“Казан Экспо” мәйданчыгында “Россия – Ислам дөньясы” XVI халыкара икътисадый форумын һәм хәләл күргәзмәсен ачу тантанасы булды. Тантанада Россия Федерациясе Хөкүмәте Рәисе урынбасары Марат Хөснуллин, Татарстан Рәисе Рөстәм Миңнеханов, Ислам Хезмәттәшлеге Оешмасы генераль секретаре урынбасары Әхмәд Кавеса Сенгендо катнашты.
“Россия – Ислам дөньясы” XVI халыкара икътисадый форумы кунаклары хәләл күргәзмә экспозициясе белән танышты. Бу Россиядә инвестиция һәм инфраструктура проектларының иң зур халыкара күргәзмәсе. Катнашучылар үз продукцияләрен һәм технологияләрен тәкъдим итеп кенә калмыйча, бизнесменнар, инвесторлар, төрле илләр вәкилләре белән эшлекле багланышлар урнаштыра ала.
Татарстан Рәисе Рөстәм Миңнеханов «СИБУР» җәмгыяте идарәсе вәкиле Павел Ляхович һәм «Группа Полипластик» җәмгыяте президенты Лев Гориловский белән очрашты. Алар «Җылы ил» проектын гамәлгә ашыру һәм коммуналь инфраструктураны заманчалаштыру программасын үтәү мәсьәләләре буенча фикер алышты.
“Казан Экспо” мәйданчыгында “Россия – Ислам дөньясы” XVI халыкара икътисадый форумын һәм хәләл күргәзмәсен ачу тантанасы булды. Тантанада Россия Федерациясе Хөкүмәте Рәисе урынбасары Марат Хөснуллин, Татарстан Рәисе Рөстәм Миңнеханов, Ислам Хезмәттәшлеге Оешмасы генераль секретаре урынбасары Әхмәд Кавеса Сенгендо катнашты.
“Россия – Ислам дөньясы” XVI халыкара икътисадый форумы кунаклары хәләл күргәзмә экспозициясе белән танышты. Бу Россиядә инвестиция һәм инфраструктура проектларының иң зур халыкара күргәзмәсе. Катнашучылар үз продукцияләрен һәм технологияләрен тәкъдим итеп кенә калмыйча, бизнесменнар, инвесторлар, төрле илләр вәкилләре белән эшлекле багланышлар урнаштыра ала.
Малайзия Премьер-министры Әнвәр Ибраһим “Россия_Ислам дөньясы” Халыкара форумында катнашу өчен Казанга килде. Татарстан Рәисе Рөстәм Миңнеханов мөхтәрәм кунак белән очрашты.
