Иртәнге чыгарылыш
Татарстан Рәисе Рөстәм Миңнеханов Казан Ратушасында «Идел-Янцзы» форматындагы төбәкара хезмәттәшлек Советы утырышында катнашучыларга сәламләү сүзе белән мөрәҗәгать итте. Утырышны Россия Президентының Идел буе федераль округындагы Тулы вәкаләтле вәкиле, «Идел-Янцзы» советы рәистәше Игорь Комаров, Кытай Халык Республикасы Дәүләт Советы премьеры урынбасары, Советның Кытай өлеше рәисе Чжан Гоцин уздырды. Чарада Россия Федерациясе Хөкүмәте Рәисе урынбасары Марат Хөснуллин катнашты.
Казан Ратушасында 2025 – 2027 елларга Татарстан Республикасы һәм Кытайның Чунцин шәһәре Хөкүмәте арасында хезмәттәшлекне үстерү буенча чаралар Планы имзаланды.
Дәүләт Советы Рәисе Фәрит Мөхәммәтшин Мамадыш районының Олыяз авылында авыл халкының эшлекле активлыгын арттыру мәсьәләләре буенча зона семинар-киңәшмәсен үткәрде. Әлеге семинар-киңәшмәләрнең төп максаты — катлаулы хәлләрне хәл итүдә яңа алымнар табарга омтылу, дәүләт, иҗтимагый, кредит оешмалары тарафыннан күрсәтелә торган ярдәм чаралары турында тагын бер кат хәбәр итү.
Көндезге чыгарылыш.
“Идел-Янцзы” югары уку йортлары ассоциациясе Россия һәм Кытай арасында озак вакытлы хезмәттәшлек мөнәсәбәтләрен формалаштыруга мөһим өлеш кертә. Бу хакта Татарстан Рәисе Рөстәм Миңнеханов «Идел-Янцзы» югары уку йортлары ассоциациясенең VIII форумында белдерде. Чара Казан федераль университетында узды.
Татарстан Рәисе Рөстәм Миңнеханов кушуы буенча[i] авыл хуҗалыгы кооперациясен үстерү өчен грант ярдәме бүлеп биреләчәк. Быелдан башлап биш ел дәвамында республика бюджетыннан ел саен гамәлдәге кооперативлар өчен 200 миллион сум акча бүлеп биреләчәк.
Татарстан мөфтияте быел Корбан бәйрәмен һәм Гает намазын үткәрү тәртипләрен раслады. Гарәфә көне итеп 5нче июнь билгеләнде, Корбан гаетенең беренче көне 6нчы июньгә туры килә. Бу көнне Татарстан мәчетләрендә җәмәгать белән гает намазлары үтәчәк. Казан мәчетләрендә төнге сәгать икедә Корьән, сәгать өчтән соң Гает вәгазе, дүренче яртыда Гает намазы укыла.
Кичке чыгарылышлар.
Татарстан Рәисе Рөстәм Миңнеханов 1944 елда нигез салынган Әлмәт татар дәүләт драма театрында булды.Ул Әлмәт театры коллективына «Мәдәният һәм сәнгатьтәге казанышлар өчен» орденын тапшырды. Бүләк мәдәният һәм сәнгать өлкәсендәге казанышлары, күпьеллык нәтиҗәле эшчәнлеге өчен Россия Президенты Владимир Путин Указы белән бирелде.
Россия Дәүләт Думасы өченче укылышта сайлау законнарына үзгәрешләр кертү турындагы федераль законны кабул итте. Яңалыклар киләсе елда узачак Дәүләт Думасына депутатлар сайлауларына кагыла.
Игенчеләр язгы чәчүне тиз арада һәм сыйфатлы итеп башкарып чыгу өчен бу көннәрдә бар тырышлыкларын куеп эшлиләр. Республикада 1 миллион 767 мең гектарда чәчү планлаштырылган, шуның 1 миллион 487 мең гектары чәчелгән. Бу барлык мәйданның 84 проценты.
Россия Президенты Владимир Путин Мәскәүдә югары дәүләт бүләкләрен тапшырды. Казан мэры Илсур Рәис улы Метшин 2 дәрәҗә «Ватан алдындагы казанышлары өчен» ордены, «Казанькомпроссормаш» акционерлык җәмгыяте токаре Геннадий Владимирович Евтеев «Фидакарь хезмәт өчен» ордены белән бүләкләнделәр.
Татарстан Рәисе Рөстәм Миңнеханов 1944 елда нигез салынган Әлмәт татар дәүләт драма театрында булды.Ул Әлмәт театры коллективына «Мәдәният һәм сәнгатьтәге казанышлар өчен» орденын тапшырды. Бүләк мәдәният һәм сәнгать өлкәсендәге казанышлары, күпьеллык нәтиҗәле эшчәнлеге өчен Россия Президенты Владимир Путин Указы белән бирелде.
Азнакай районының Мәлбагыш авылында иҗтимагый-мәдәни үзәкне ачу тантанасы булды. Анда Татарстан Рәисе Рөстәм Миңнеханов катнашты. Үзәк заманча техника белән җиһазландырылган: мультимедиа җиһазлары булган күпфункцияле зал, уңайлы китапханә һәм административ блок.
