Кичке чыгарылышлар
Татарстан Рәисе Рөстәм Миңнеханов Берләшкән Гарәп Әмирлекләренең MAWARIDE Group of Companies компаниясенә нигез салучы һәм генераль директоры Мөхәммәд Әхмәт Алаеид белән очрашты.
«Рубин» базасында Николай Сентябрев исемендәге манеж ачылды.
«Бердәм Россия» партиясенең Татарстан төбәк бүлеге Төбәк сәяси советы президиумы әгъзалары Татарстан Республикасы Рәисе вазыйфасына Рөстәм Миңнеханов кандидатурасын хупладылар.
Казаннан Лисичанск һәм Рубежное шәһәрләренә «Бердәм Россия» партиясенең төбәк бүлеге химаясендә җыелган гуманитар йөк төялгән 19 фура китте.
Көндезге чыгарылыш
Татарстанда коммуналь инфраструктураны тулысынча яңарту бурычы тора. Татарстан Рәисе Рөстәм Миңнеханов бу хакта «Бердәм Россия» партиясенең алдан тавыш бирүдә катнашучы кандидатларының партиянең җирле бүлекләре секретарьлары белән очрашуда әйтте.
Россия оборона министрлыгының «Единство в памяти. Сила в подвиге» акциясе буенча иртәгә, 18 июньдә, «Казан-1» тимер юл вокзалына “Җиңү поезды” киләчәк. Биредә Бөек Ватан сугышы чоры хәрби техникасы макетлары, кораллар, милләтчелек идеологиясе турында экспозиция, архив документлары күргәзмәсе белән танышу мөмкинлеге була.
Киләсе шимбә көнне, 21 июньдә Казанда сабантуйлары була. Быелгы бәйрәм өч урында үтәчәк, шулай ук ипподромда ат чабышлары оештырыла. Казан Сабан туеның да үз традицияләре бар. Ел саен Сабантуйдагы уеннарда һәм ярышларда җиңүчеләрне хөрмәтләү өчен бүләк җыю оештырыла. Башкалабызда бүләк җыю 19 июньдә сәгать унбердә башлана.
Кичке чыгарылышлар
21-22 июньдә Питрәч районының Әлбәдән авылында VII Бөтенроссия тарихи реконструкция фестивале узачак. Фестивальне монда үткәрү символик мәгьнәгә ия – Әлбәдән авылы Советлар Союзы Герое, Брест крепостенең легендар каһарманы Петр Гавриловның туган җире.
Казан илкүләм техник университеты — КАИ бинасы янында совет математигы һәм механигы Николай Четаевка һәйкәл ачылды. Тантаналы чара XII Халыкара Четаев фәнни конференциясен ачу барышында узды. Татарстан премьер-министры урынбасары Ләйлә Фазлыева фәнни укуларда катнашучыларга рәхмәт белдерде.
Казанда төрки халыкларның «Нәүрүз» халыкара театр фестивале дәвам итә. Бүгенге көнгә 19 спектакль күрсәтелгән. Төрки халыкларның «Нәүрүз» халыкара театр фестивале һәм Халыкара Театр олимпиадасы 23 июньдә тәмамлана.
Казан илкүләм техник университеты — КАИ бинасы янында совет математигы һәм механигы Николай Четаевка һәйкәл ачылды. Тантаналы чара XII Халыкара Четаев фәнни конференциясен ачу барышында узды. Татарстан премьер-министры урынбасары Ләйлә Фазлыева фәнни укуларда катнашучыларга рәхмәт белдерде.
Республика хуҗалыкларында терлек азыгы хәзерләү дәвам итә. Күпьеллык үләннәр 136 мең гектарда, ягьни барлык мәйданның 44 процентында беренче кат чабылган. 60 мең 124 тонна печән әзерләнгән, 714 мең 888 тонна сенаж салынган.
Казанда төрки халыкларның «Нәүрүз» халыкара театр фестивале дәвам итә. Бүгенге көнгә 19 спектакль күрсәтелгән. Төрки халыкларның «Нәүрүз» халыкара театр фестивале һәм Халыкара Театр олимпиадасы 23 июньдә тәмамлана.
