Көндезге чыгарылыш
Татарстан Рәисе Рөстәм Миңнеханов Казанның тарихи үзәгендә — Подлужная урамындагы объектларны карады. Аңа Подлужная урамы, 49 йорт адресы буенча мәдәни мирас объекты булган 19 гасыр шәһәр утарын реставрацияләү проектын тәкъдир иттеләр. Республика Рәисе Укытучы йортын реконструкцияләүнең торышы белән дә танышты.
Татарстанда быел 4 миллион 200 мең тонна ашлык, 1 миллион 800 мең тонна шикәр чөгендере, 1 миллион тонна бәрәңге һәм яшелчә җыеп алу күздә тотыла. Бу хакта республика авыл хуҗалыгы һәм азык-төлек министры Марат Җаббаров Оренбурта Идел буе федераль округында урып-җыю эшләрен уздыруга хәзерлек буенча киңәшмәдә сөйләде.
26 июньдә Татарстан башкаласында Россиянең ХХХІ «Алтын битлек» театр премиясен тапшыру тантанасы узачак. Анда 2023-2024 елгы сезонның иң яхшы спектакльләре, шулай ук шәхси номинацияләрдәге лауреатлар игьлан ителәчәк. Илнең төп театр премиясе Галиәсгар Камал исемендәге театрның яңа бинасында тапшырылачак.
Кичке чыгарылышлар
Татарстанда быел 4 миллион 200 мең тонна ашлык, 1 миллион 800 мең тонна шикәр чөгендере, 1 миллион тонна бәрәңге һәм яшелчә җыеп алу күздә тотыла. Бу хакта республика авыл хуҗалыгы һәм азык-төлек министры Марат Җаббаров Идел буе федераль округында урып-җыю эшләрен уздыруга хәзерлек буенча киңәшмәдә сөйләде.
26 июньдә Татарстан башкаласында Россиянең ХХХІ «Алтын битлек» театр премиясен тапшыру тантанасы узачак. Анда 2023-2024 елгы сезонның иң яхшы спектакльләре, шулай ук шәхси номинацияләрдәге лауреатлар игьлан ителәчәк. Илнең төп театр премиясе Галиәсгар Камал исемендәге театрның яңа бинасында тапшырылачак.
Татарстанда ике укучы кыз химия һәм биологиядән Бердәм Дәүләт имтиханнарын 200әр баллга тапшырган. Әлеге фәннәрдән имтиханнарда өчәр унберенче сыйныф укучысы йөз балл җыйган, Биологиядән имтиханны быел барлыгы 2 мең 500дән артык, географиядән имтиханны 196 унберенче сыйныф укучысы тапшырган.
Татарстан Рәисе Рөстәм Миңнеханов Мәгариф һәм фән советы утырышын уздырды. Мондый форматта очрашу фәнни-технология үсеш елын уздыру йомгаклары турында фикер алышканда булган иде. Академик җәмәгатьчелекнең, дәүләт хакимиятенең профильле органнарының югары белем бирү, тикшеренүләр, эшләнмәләр өлкәсендәге эшчәнлеге дәвам итә.
Республика ДәүләтСоветында«Татарстан – Яңа гасыр» иҗтимагый хәрәкәте Югары Советының киңәйтелгән утырышы булды. Анда Татарстанда парламентаризмны үстерү мәсьәләләре буенча фикер алыштылар, киләчәктә территория бүлекләре Советлары тәкъдим иткән кандидатураларны җирле советларга депутатлыкка кандидатлар итеп күрсәтү өчен расладылар.
Татарстанда яшьләр белән эшләүгә, аларның һөнәри осталыкларын камилләштерүгә мөмкинлекләр булдыру һәрвакыт аерым игътибар үзәгендә тора. Бу хакта «Эшче яшьләр һәм иҗтимагый инициативалар» II Республика яшьләр профсоюз активы форумында катнашучылар алдында республика Дәүләт Советы Рәисе Фәрит Мөхәммәтшин белдерде.
