Иртәнге чыгарылыш
Татарстан Рәисе Рөстәм Миңнеханов Мәгариф һәм фән советы утырышын уздырды. Мондый форматта очрашу фәнни-технология үсеш елын уздыру йомгаклары турында фикер алышканда булган иде. Академик җәмәгатьчелекнең, дәүләт хакимиятенең профильле органнарының югары белем бирү, тикшеренүләр, эшләнмәләр өлкәсендәге эшчәнлеге дәвам итә.
Республика ДәүләтСоветында«Татарстан – Яңа гасыр» иҗтимагый хәрәкәте Югары Советының киңәйтелгән утырышы булды. Анда Татарстанда парламентаризмны үстерү мәсьәләләре буенча фикер алыштылар, киләчәктә территория бүлекләре Советлары тәкъдим иткән кандидатураларны җирле советларга депутатлыкка кандидатлар итеп күрсәтү өчен расладылар.
Татарстанда яшьләр белән эшләүгә, аларның һөнәри осталыкларын камилләштерүгә мөмкинлекләр булдыру һәрвакыт аерым игътибар үзәгендә тора. Бу хакта «Эшче яшьләр һәм иҗтимагый инициативалар» II Республика яшьләр профсоюз активы форумында катнашучылар алдында республика Дәүләт Советы Рәисе Фәрит Мөхәммәтшин белдерде.
Көндезге чыгарылыш
Россия Президенты Владимир Путин күрсәтмәсе буенча тәкъдим ителгән илкүләм мессенджер проекты Татарстанда эшләтеп җибәреләчәк. Бу хакта республика дәүләт идарәсенең цифрлы үсеше, мәгълүмати технологияләр һәм элемтә министры Айрат Хәйруллин белдерде.
Татарстан Рәисе Рөстәм Миңнеханов республика халкын Татарстан Республикасы оешуга 105 ел тулу белән үзенең Telegram-каналында һәм «Вконтакте»социаль челтәрендәге битендә котлады.
Бүген Казанда «Мансур Хәсән улы Хәсәнов: дәүләт эшлеклесе, галим һәм фәнне оештыручы» дигән Халыкара фәнни конференция ачылды. Ул күренекле галим, Татарстан Фәннәр академиясенең беренче президенты Мансур Хәсәновның 95 еллыгына багышлана. Чара Казанның Арча зиратында Мансур Хәсәнов каберенә чәчәкләр салу белән башланды.
Кичке чыгарылышлар
Быел 30 августта, Казан шәһәре һәм Республика көнендә, башкалабызда Россия Президенты призына ат чабышлары узачак. Шул хактагы боерыкны Россия Президенты Владимир Путин имзалады.
Татарстан Рәисе Рөстәм Миңнеханов хөкүмәт йортында Россиядә Кеше хокуклары буенча вәкаләтле вәкил Татьяна Москалькова белән очрашты. Алар махсус хәрби операциядә катнашучылар һәм аларның якыннары мәсьәләләрен хәл итү, халыкка, шул исәптән балалы гаиләләргә социаль ярдәм күрсәтү программаларын гамәлгә ашыру, киләчәктә халыкның хокукый аңын үстерү турында фикер алыштылар.
Татарстанга Мали Республикасының күчеш чоры Президенты Ассими Гойта килде. «Казан» халыкара аэропортында аны Татарстан Рәисе Рөстәм Миңнеханов каршы алды. Ассими Гойта Казан вертолет заводында булачак. республиканың сәнәгать мөмкинлекләре күргәзмәсе белән танышачак, сәүдә-икътисадый һәм гуманитар хезмәттәшлекне үстерү перспективалары каралачак.
Быел 30 августта, Казан шәһәре һәм Республика көнендә, башкалабызда Россия Президенты призына ат чабышлары узачак. Шул хактагы боерыкны Россия Президенты Владимир Путин имзалады.
Татарстан Рәисе Рөстәм Миңнеханов хөкүмәт йортында Россиядә Кеше хокуклары буенча вәкаләтле вәкил Татьяна Москалькова белән очрашты. Алар махсус хәрби операциядә катнашучылар һәм аларның якыннары мәсьәләләрен хәл итү, халыкка, шул исәптән балалы гаиләләргә социаль ярдәм күрсәтү программаларын гамәлгә ашыру, киләчәктә халыкның хокукый аңын үстерү турында фикер алыштылар.
Татарстанга Мали Республикасының күчеш чоры Президенты Ассими Гойта килде. «Казан» халыкара аэропортында аны Татарстан Рәисе Рөстәм Миңнеханов каршы алды. Ассими Гойта Казан вертолет заводында булачак. республиканың сәнәгать мөмкинлекләре күргәзмәсе белән танышачак, сәүдә-икътисадый һәм гуманитар хезмәттәшлекне үстерү перспективалары каралачак.
