Иртәнге чыгарылыш
Россия Федерациясенең Ислам хезмәттәшлек оешмасына күзәтүче сыйфатында кушылуына 20 ел тулды.
Татарстан Республикасы Рәисе Рөстәм Миңнеханов Россия Федерациясе Президентының гражданнар һәм оешмалар мөрәҗәгатьләре белән эшләү идарәсе башлыгы урынбасары Алексей Михеев белән эшлекле очрашу уздырды.
Казанда Кремль яр буенда республикада узачак сайлаулар алдыннан «Сайлау ноктасы» дигән мәгълүмат үзәге ачылды.
Көндезге чыгарылыш
«Татнефтехиминвест-холдинг» АҖ Директорлар советының чираттагы утырышында кайбер икьтисадый проектларны тәкъдим иттеләр. Утырыш Татарстан Рәисе Рөстәм Миңнеханов җитәкчелегендә узды.
Татарстан Рәисе Рөстәм Миңнеханов инициативасы белән республикадагы 3 меңгә якын яшь гаилә социаль ипотека буенча фатир алды. Бу хакта Республика Рәисе каршындагы Дәүләт торак фонды белдерде. Программа 2020 елның июлендә башланган иде.
Татарстан Дәүләт Советы Рәисе Фәрит Мөхәммәтшин Түбән Новгородта Россия һәм Белоруссия төбәкләренең XII Форумы эшендә катнашты. Форумның темасы «Беларусь һәм Россия яшьләре: Бөек Җиңү варислары һәм Союздаш дәүләтнең киләчәге» дигән темага багышланды.
Кичке чыгарылышлар
Татарстан Рәисе, «Россия-ислам дөньясы» стратегик караш төркеме Рәисе Рөстәм Миңнеханов Россия Федерациясенең Ислам хезмәттәшлеге оешмасына кушылуына 20 ел тулу уңаеннан массакүләм мәгьлүмат чараларына интервью бирде. Ул 2003 елда Россия Федерациясе Президенты Владимир Владимирович Путинның Малайзиядә Ислам Конференциясе Оешмасының дәүләт һәм хөкүмәт җитәкчеләре саммитында илебезнең бу халыкара оешмага кушылу нияте турында белдерүе турында әйтте.
Татарстан Фәннәр академиясе президенты Рифкать Миңнеханов видео элемтә аша Әфганстан Ислам Әмирлеге Фәннәр академиясе президенты Фәридуддин Мәхмүт белән аралашты. Сөйләшүдә 2021 елда имзаланган килешү нигезендә ике яклы фәнни хезмәттәшлекне үстерү перспективалары турында фикер алыштылар.
Татарстанда Гаилә, мәхәббәт һәм тугрылык көненә багышлап, бер атна эчендә, 1-8 июль көннәрендә 600ләп чара уздыру күздә тотыла. Бу хакта «Татар-информ» мәгълүмат агентлыгында узган матбугат конференциясендә Татарстан Министрлар Кабинетының ЗАГС идарәсе җитәкчесе, Татарстанда «Нык гаилә» проектының төбәк координаторы Эльвира Әхмәтова сөйләде.
Россия Президенты Владимир Путин Хөкүмәткә илебез мессенджерын үстерүгә ярдәм итү, аерым алганда, аңа дәүләт һәм банк хезмәтләрен интеграцияләү бурычын йөкләде. Илкүләм мессенджерны сынауның беренче төбәге Татарстан булачак.
Татарстан Министрлар Кабинетында 2025 елда республика югары уку йортларына кабул итү кампаниясенең үзенчәлекләренә багышланган матбугат конференциясе узды. Аны республика Премьер-министры урынбасары Ләйлә Фазлыева үткәрде. Татарстан мәгариф һәм фән министры Илсур Һадиуллин журналистларны уку елы, Бердәм дәүләт имтиханнары йомгаклары белән таныштырды.
Татарстан Фәннәр академиясе президенты Рифкать Миңнеханов видео элемтә аша Әфганстан Ислам Әмирлеге Фәннәр академиясе президенты Фәридуддин Мәхмүт белән аралашты. Сөйләшүдә 2021 елда имзаланган килешү нигезендә ике яклы фәнни хезмәттәшлекне үстерү перспективалары турында фикер алыштылар.
