Иртәнге чыгарылыш
Россия Президенты Владимир Путин Хөкүмәткә илебез мессенджерын үстерүгә ярдәм итү, аерым алганда, аңа дәүләт һәм банк хезмәтләрен интеграцияләү бурычын йөкләде. Илкүләм мессенджерны сынауның беренче төбәге Татарстан булачак.
Татарстан Министрлар Кабинетында 2025 елда республика югары уку йортларына кабул итү кампаниясенең үзенчәлекләренә багышланган матбугат конференциясе узды. Аны республика Премьер-министры урынбасары Ләйлә Фазлыева үткәрде. Татарстан мәгариф һәм фән министры Илсур Һадиуллин журналистларны уку елы, Бердәм дәүләт имтиханнары йомгаклары белән таныштырды.
Татарстан Фәннәр академиясе президенты Рифкать Миңнеханов видео элемтә аша Әфганстан Ислам Әмирлеге Фәннәр академиясе президенты Фәридуддин Мәхмүт белән аралашты. Сөйләшүдә 2021 елда имзаланган килешү нигезендә ике яклы фәнни хезмәттәшлекне үстерү перспективалары турында фикер алыштылар.
Көндезге чыгарылыш
Татарстан Рәисе Рөстәм Миңнеханов Әнкарада Төркия Республикасы сәнәгать һәм технологияләр министры Мехмет Фатих Каджир һәм сәүдә министры Омер Болат белән очрашты. Әңгәмәдә төбәкләр хезмәттәшлеген үстерү мәсьәләләре тикшерелде.
Россия югары уку йортларында кабул итү кампаниясе 20 июньдә башланды. Россия Мәгариф һәм фән министрлыгы боерыгы белән быел абитуриентларны кабул итү тәртибенә кайбер үзгәрешләр кертелде. Бу хакта Татарстан Хөкүмәте Йортында узган брифингта Премьер-министр урынбасары Ләйлә Фазлыева сөйләде.
Казанда 2024-2025 уку елында татар теле һәм татар әдәбияты фәннәреннән Бердәм республика имтиханын тапшыручылар белән очрашу узды. Анда республика Дәүләт Советы Рәисе урынбасары, Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов, Мәгариф һәм фән министры Илсур Һадиуллин катнашты.
Кичке чыгарылышлар
Татарстан Рәисе Рөстәм Миңнеханов Әнкарада Төркия Президенты Рәҗәп Эрдоган белән очрашты. Рөстәм Миңнеханов Төркия Президентына төбәкләр арасындагы хезмәттәшлекне үстерүгә игътибары өчен рәхмәт белдерде. Алар товар әйләнешен арттыру перспективалары турында фикер алыштылар.
Апас районы, Казан һәм Чаллы шәһәрләренең махсус хәрби операция зонасындагы хәрбиләре Татарстан Рәисе Рөстәм Миңнехановка, республика җитәкчелегенә, халыкка ярдәмнәре өчен рәхмәт белдерделәр. Алар республиканың гамәлдәге лидерын Татарстан Рәисе вазыйфасына лаеклы кандидат дип атадылар, төбәкнең тотрыклы үсешен дәвам итү өчен якташларын Рөстәм Миңнеханов кандидатурасын якларга чакырдылар.
14 сентябрьдә Татарстандагы сайлауларда 44 участокта сайлау бюллетеньнәрен эшкәртү комплекслары кулланылачак. Бу хакта республика Үзәк сайлау комиссиясе рәисе Андрей Кондратьев әйтте. Мондый җайланмалар меңнән артык сайлаучы теркәлгән участокларда кулланылачак.
Апас районы, Казан һәм Чаллы шәһәрләренең махсус хәрби операция зонасындагы хәрбиләре Татарстан Рәисе Рөстәм Миңнехановка, республика җитәкчелегенә, халыкка ярдәмнәре өчен рәхмәт белдерделәр. Алар республиканың гамәлдәге лидерын Татарстан Рәисе вазыйфасына лаеклы кандидат дип атадылар, төбәкнең тотрыклы үсешен дәвам итү өчен якташларын Рөстәм Миңнеханов кандидатурасын якларга чакырдылар.
14 сентябрьдә Татарстандагы сайлауларда 44 участокта сайлау бюллетеньнәрен эшкәртү комплекслары кулланылачак. Бу хакта республика Үзәк сайлау комиссиясе рәисе Андрей Кондратьев әйтте. Мондый җайланмалар меңнән артык сайлаучы теркәлгән участокларда кулланылачак.
9 июльдә Татарстанда югары уку йортларына кабул итү кампаниясе мәсьәләләре буенча кайнар линия ачыла. Ул көндезге сәгать дүрттән кичке җидегә кадәр эшләячәк. Бу турыда Татарстан Премьер-министры урынбасары Ләйлә Фазлыева белдерде.
