Иртәнге чыгарылыш
Татарстан Премьер-министры Алексей Песошин хөкүмәт йортында Россия Федерациясенең чит илләрдәге сәүдә вәкилләре белән очрашты. Татарстанның чит ил партнерлары белән сәүдә-икътисадый хезмәттәшлеге, республика предприятиеләренең экспорт эшчәнлеге мәсьәләләре, Татарстан продукциясен чит ил базарларына чыгару һәм яңа урыннарны үзләштерү, логистика, төбәкара элемтәләрне үстерү мәсьәләләре турында фикер алыштылар.
«Алдынгылар хәрәкәте» быел да «Биләр Форум»ын үткәрәчәк. Анда рсепублика мәгариф учреждениеләреннән 12-17 яшьлек 800гә якын укучы катнашыр дип көтелә. Белем бирү программасы 27-31 июль көннәренә билгеләнгән.
Республика Авыл хуҗалыгы һәм азык-төлек министрлыгы мәгьлүматларына караганда, Татарстанда күпьеллык үләннәр 266 мең 221 гектарда беренче кат чабылган. Бу барлык мәйданның 87 проценты. Республика хуҗалыкларында 87 мең 403 тонна печән хәзерләнгән, 174 мең 271 тоннадан артык сенаж салынган.
Көндезге чыгарылыш
Мәскәүдә Милләтара мөнәсәбәтләр һәм дини берләшмәләр белән хезмәттәшлек советы утырышы узды. Утырышта видео элемтә аша Татарстан Дәүләт Советы Рәисе, Милләтара мөнәсәбәтләр һәм дини берләшмәләр белән хезмәттәшлек советы Рәисе урынбасары, Татарстан халыклары Ассамблеясе җитәкчесе Фәрит Мөхәммәтшин катнашты.
Татарстан Республикасы Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев Россия Федераль Җыены Дәүләт Думасы депутаты Татьяна Лионовага Дәүләт бүләген – Татарстан Республикасы Рәисе Рөстәм Миңнехановның Рәхмәт хаты тапшырды.
Республика Авыл хуҗалыгы һәм азык-төлек министрлыгы мәгьлүматларына караганда, Татарстанда күпьеллык үләннәр 266 мең 221 гектарда беренче кат чабылган. Бу барлык мәйданның 87 проценты. Республика хуҗалыкларында 87 мең 403 тонна печән хәзерләнгән, 174 мең 271 тоннадан артык сенаж салынган.
Кичке чыгарылыш
«Татарстан – Яңа гасыр» хәрәкәте активистлары республиканың хәзерге Рәисе Рөстәм Миңнехановның Татарстан Рәисе вазифасына кандидатурасын хупладылар. Бу турыдагы документ хәрәкәтнең Югары Советыутырышындакабулителде.
Татарстан Премьер-министры Алексей Песошин хөкүмәт йортында «Федераль Экология операторы» Дәүләт унитар предприятиесе генераль директоры Максим Погодин белән очрашты. Алар сәнәгатьнең әйләнә-тирә мохиткә йогынтысын киметү максатларында җитештерү калдыклары белән эш итү һәм тупланган экология зыяны объектларын бетерү өлкәсендә уртак проектларны гамәлгә ашыру мәсьәләләре буенча фикер алыштылар.
Мәскәүдә көрәш буенча Дөнья Кубогы ярышлары ачылды. Ярышларда 17 илдән йөздән артык спортчы, шулай ук Татарстан вәкилләре дә катнаша. Финал ярышлары һәм бүләкләү тантанасы 5 июльдә «Коломенское» музей-тыюлыгында Мәскәү шәһәре Сабан туенда узачак.
