Иртәнге чыгарылыш
Татарстан Рәисе Рөстәм Миңнеханов Екатеринбургта узучы 15 нче халыкара сәнәгать күргәзмәсе чараларында катнашты.
Бүген — Гаилә, мәхәббәт һәм тугрылык көне, шул уңайдан республика халкын Татарстан Республикасы Рәисе Р.Н. Миңнеханов котлады.
Туристларга уңайлы булсын өчен Татарстан башкаласында туристлык порталы эшли башлады.
Көндезге чыгарылыш
Татарстан Рәисе Рөстәм Миңнеханов Екатеринбургта 15 нче Халыкара Иннопром сәнәгать күргәзмәсе стендларын карады. Быелгы күргәзмәнең төп темасы — «Технология лидерлыгы: индустрия алга китеше» дип атала. Чараларда 60 илдән 40 меңнән артык кеше катнаша.
Татарстан Рәисе Рөстәм Миңнеханов Гаилә, мәхәббәт һәм тугрылык көне уңаеннан республика халкына мөрәҗәгать белән чыкты. Дәүләт Советы Рәисе Фәрит Мөхәммәтшин үз телеграмм каналында котлау урнаштырган.
Сәяси партияләрдән ике кандидат – Россия Либераль Демократик партиясе вәкиле Руслан Йосыпов һәм «Бердәм Россия» партиясеннән Рөстәм Миңнеханов Республика Үзәк сайлау комиссиясенә Татарстан Рәисе сайлауларында тәкъдим ителү өчен документларын тапшырдылар. Бу хакта Кремль яр буендагы «Сайлау» мәгълүмат үзәгендә узган брифингта Үзәк сайлау комиссиясе рәисе Андрей Кондратьев әйтте.
Кичке чыгарылышлар
Екатеринбургта ИННОПРОМ халыкара сәнәгать күргәзмәсе кырларында Татарстан Республикасы һәм Чиләбе өлкәсе арасында хезмәттәшлек турындагы Килешүне гамәлгә ашыру чаралары планына имза салынды. Документка Татарстан Рәисе Рөстәм Миңнеханов һәм Чиләбе өлкәсе губернаторы Алексей Текслер кул куйды.
Дәүләт Советы Рәисе Фәрит Мөхәммәтшин республиканың күп балалы гаиләләренә автобус ачкычларын тапшырды. Тантана Галиәсгар Камал исемендәге яңа театр мәйданчыгында “Тарихта без эзлебез” дигән шәҗәрә фестивалендә узды.
Дәүләт Советы Экология, табигатьтән файдалану, агросәнәгать һәм азык-төлек сәясәте комитетының һәм комитет каршындагы Эксперт советының Теләче районында узган уртак күчмә утырышында урман хуҗалыгын үстерү һәм урманнарда янгын куркынычсызлыгын тәэмин итү мәсьәләләре хакында фикер алыштылар. Утырышта Дәүләт Советы Рәисе урынбасары Марат Әхмәтов, Республика Урман хуҗалыгы министры Равил Кузюров, республиканың профильле ведомстволары вәкилләре катнашты.
Татарстан Рәисе Рөстәм Миңнеханов Екатеринбургта 15 нче Халыкара Иннопром сәнәгать күргәзмәсе стендларын карады. Быелгы күргәзмәнең төп темасы — «Технология лидерлыгы: индустрия алга китеше» дип атала. Чараларда 60 илдән 40 меңнән артык кеше катнашты.
Екатеринбургта ИННОПРОМ халыкара сәнәгать күргәзмәсе кырларында Татарстан Республикасы һәм Чиләбе өлкәсе арасында хезмәттәшлек турындагы Килешүне гамәлгә ашыру чаралары планына имза салынды. Документка Татарстан Рәисе Рөстәм Миңнеханов һәм Чиләбе өлкәсе губернаторы Алексей Текслер кул куйды.
Дәүләт Советы Рәисе Фәрит Мөхәммәтшин республиканың күп балалы гаиләләренә автобус ачкычларын тапшырды. Тантана Галиәсгар Камал исемендәге яңа театр мәйданчыгында “Тарихта без эзлебез” дигән шәҗәрә фестивалендә узды.
