Иртәнге чыгарылыш
Татарстан Рәисе Рөстәм Миңнеханов Екатеринбургта 15 нче Халыкара Иннопром сәнәгать күргәзмәсе стендларын карады. Быелгы күргәзмәнең төп темасы — «Технология лидерлыгы: индустрия алга китеше» дип атала. Чараларда 60 илдән 40 меңнән артык кеше катнашты.
Екатеринбургта ИННОПРОМ халыкара сәнәгать күргәзмәсе кырларында Татарстан Республикасы һәм Чиләбе өлкәсе арасында хезмәттәшлек турындагы Килешүне гамәлгә ашыру чаралары планына имза салынды. Документка Татарстан Рәисе Рөстәм Миңнеханов һәм Чиләбе өлкәсе губернаторы Алексей Текслер кул куйды.
Дәүләт Советы Рәисе Фәрит Мөхәммәтшин республиканың күп балалы гаиләләренә автобус ачкычларын тапшырды. Тантана Галиәсгар Камал исемендәге яңа театр мәйданчыгында “Тарихта без эзлебез” дигән шәҗәрә фестивалендә узды.
Көндезге чыгарылыш
25-29 июльдә Казанда махсус хәрби операциядә катнашучылар арасында «Абилимпикс» һөнәри осталык буенча беренче чемпионат узачак. Ул Россия Президенты Владимир Путин йөкләмәсе нигезендә үткәрелә. Чараны Россия Федерациясе Мәгариф министрлыгы Россия Хөкүмәте һәм «Ватанны саклаучылар» дәүләт фонды ярдәмендә оештыра.
Татарстан Рәисе Рөстәм Миңнеханов Telegram-каналында Россия Премьер-министры Михаил Мишустинга республика җитәкчелегенең эшен югары бәяләгәне өчен рәхмәт белдерде. Михаил Мишустин Екатеринбургта узучы «ИННОПРОМ» күргәзмәсендә яңа Sollers SP7 машинасын караганда Татарстанның эшенә югары бәя биргән иде.
Татарстан Үзәк сайлау комиссиясе Республика Рәисе вазифасына тәкъдим ителәчәк барлык дүрт кандидаттан да документлар кабул итте. Республиканың гамәлдәге Рәисе Рөстәм Миңнеханов «Бердәм Россия» партиясеннән, Россия Либераль Демократлар партиясеннән Руслан Йосыпов, Россия Федерациясе Коммунистлар партиясеннән Хафиз Миргалимов, «Социаль гаделлек өчен Россия пенсионерлар партиясе»ннән Виталий Смирнов тәкъдим ителгән.
Кичке чыгарылышлар
25-29 июльдә Казанда махсус хәрби операциядә катнашучылар арасында «Абилимпикс» һөнәри осталык буенча беренче чемпионат узачак. Ул Россия Президенты Владимир Путин йөкләмәсе нигезендә үткәрелә. Чараны Россия Федерациясе Мәгариф министрлыгы Россия Хөкүмәте һәм «Ватанны саклаучылар» дәүләт фонды ярдәмендә оештыра.
Татарстан Рәисе Рөстәм Миңнеханов Telegram-каналында Россия Премьер-министры Михаил Мишустинга республика җитәкчелегенең эшен югары бәяләгәне өчен рәхмәт белдерде. Михаил Мишустин Екатеринбургта узучы «ИННОПРОМ» күргәзмәсендә яңа Sollers SP7 машинасын караганда Татарстанның эшенә югары бәя биргән иде.
“Казан-экспо” күргәзмәләр үзәгендә агросәнәгать комплексының традицион “Агроволга-2025” күргәзмәсе ачылды. Ул 400дән артык компанияне, 70тән артык эшлекле чараны берләштерде. Татарстан Рәисе Рөстәм Миңнеханов күргәзмә мәйданчыгында республика авыл хуҗалыгы оешмаларына 105 автомобиль тапшырды.
“Казан-экспо” күргәзмәләр үзәгендә агросәнәгать комплексының традицион “Агроволга-2025” күргәзмәсе ачылды. Ул 400дән артык компанияне, 70тән артык эшлекле чараны берләштерде. Татарстан Рәисе Рөстәм Миңнеханов күргәзмә мәйданчыгында республика авыл хуҗалыгы оешмаларына 105 автомобиль тапшырды.
“Агроволга» күргәзмәсендә катнашучыларга Россия авыл хуҗалыгы министры Оксана Лут сәламләү сүзе юллады. «Агроволга» күргәзмәсендә республиканың кече торак пунктларында 70 база мобиль элемтә станциясен эшләтеп җибәрү тантанасы булды.
Татарстанда «Ватанны саклаучылар» фонды үз эшен башлаганнан бирле, махсус хәрби операциядә катнашучылардан һәм аларның гаиләләреннән 57 меңнән артык мөрәҗәгать кабул иткән, шуларның 99% ы инде хәл ителгән. Бу мәгълүматлар махсус хәрби операциядә катнашучыларга һәм аларның якыннарына ярдәм итү мәсьәләләре буенча Дәүләт Советы профильле комиссиясенең видео элемтә аша узган утырышында әйтелде.
