Иртәнге чыгарылыш
Җиденче чакырылыш Дәүләт Советының унберенче утырышы 17 июльдә узачак.
Республикада «Татарстанның яшь парларына грантлар» социаль проекты эшли башлады.
Бүген Казанның «Урам» экстрим-паркында Vektor Fest фестивале узачак.
Көндезге чыгарылыш
Татарстан Рәисе Рөстәм Миңнеханов 2025 елның июне йомгаклары буенча Идел буе федераль округы төбәкләре җитәкчеләре арасында иң абруйлы лидер булып танылды.
Җиденче чакырылыш Татарстан Дәүләт Советының унберенче утырышы 17 июльдә узачак. Депутатлар 11 мәсьәлә, шул исәптән дүрт республика законы проектын, бер федераль закон проектын һәм төбәкләрнең ике закон чыгару инициативасын, шулай ук башка мәсьәләләрне карарга җыена. Утырышта 2025 елның беренче яртыеллыгында Дәүләт Советы эшенә Парламент Рәисе Фәрит Мөхәммәтшин хисап ясаячак.
Октябрьдә Россиянең Фән һәм югары белем министрлыгы, Татарстанның мәгариф һәм фән министрлыгы, Казан федераль университеты VI Казан Халыкара лингвистика саммитын уздыра. Саммит Казан лингвистика мәктәбенә нигез салган галим Бодуэн де Куртенэның 180 еллыгына, аның Казан университетында эшли башлавына 150 ел тулуга, университетның Рус филологиясе һәм мәдәнияте югары мәктәбенең 190 еллыгына, шулай ук Каюм Насыйриның 200 еллыгына багышлана.
Кичке чыгарылышлар
Татарстан Рәисе Рөстәм Миңнеханов Әлмәттә Нефть саммиты чараларында катнаша. Россия Хөкүмәте Рәисе урынбасары Александр Новак белән бергә, алар эш программасын Экология олимпиадасында җиңүчеләр, «Мәктәп биолабораторияләре» программасы лидерлары белән очрашудан башладылар.
Татарстан Рәисе Рөстәм Миңнеханов 2025 елның июне йомгаклары буенча Идел буе федераль округы төбәкләре җитәкчеләре арасында иң абруйлы лидер булып танылды.
Татарстан Республикасы Рәисе сайлауларында катнашу өчен сәяси партияләр тарафыннан тәкъдим ителгән кандидатлардан документлар кабул итү бүген 18 cәгатьтә тәмамлана. Документларны Үзәк сайлау комиссиясенә төрле сәяси көчләр тарафыннан тәкъдим ителгән дүрт кандидат тапшырган.
Татарстан Рәисе Рөстәм Миңнеханов Әлмәттә Нефть саммиты чараларында катнаша. Россия Хөкүмәте Рәисе урынбасары Александр Новак белән бергә, алар эш программасын Экология олимпиадасында җиңүчеләр, «Мәктәп биолабораторияләре» программасы лидерлары белән очрашудан башладылар.
Татарстан Рәисе Рөстәм Миңнеханов һәм Россия Хөкүмәте Рәисе урынбасары Александр Новак Әлмәттәге Нефть саммитының панель дискуссиясендә илебезнең ягулык-энергетика комплексын үстерү перспективалары турында фикер алыштылар, “Татнефть” компаниясенең 75 еллыгына багышланган күргәзмәне карадылар.
Татарстан Республикасы Рәисе сайлауларында катнашу өчен сәяси партияләр тарафыннан тәкъдим ителгән кандидатлардан документлар кабул итү тәмамланды. Документларны Үзәк сайлау комиссиясенә төрле сәяси көчләр тарафыннан тәкъдим ителгән дүрт кандидат тапшырган.
