Иртәнге чыгарылыш
Рөстәм Миңнеханов Үзбәкстан Республикасының рәсми делегациясе белән очрашу үткәрде.
Татарстан Рәисе Чаллыда «РариТэк Холдинг” АҖ автомобиль заводында, Ислам рухи-мәгариф үзәге төзелешендә булды.
Татарстан Рәисе Рөстәм Миңнеханов җәйге лагерьларда ял итүче балалар белән аралашты.
Көндезге чыгарылыш
Татарстан Рәисе Рөстәм Миңнеханов Чаллы катыргы-кәгазь комбинатында булды. Комбинат Россиянең иң зур целлюлоза-кәгазь сәнәгате предприятиеләре унлыгына керә, Татарстанның төп 50 салым түләүчесе, Чаллы шәһәренең бюджет булдыручы икенче төп предприятиесе булып тора. Рөстәм Миңнеханов Чаллыда «Безнең ишегалды» республика программасы буенча эшләр тәмамлану уңаеннан, ГЭС бистәсендә оештырылган ишегалды бәйрәмендә булды.
Зәй районы игенчеләре республикада беренчеләрдән булып, уракка керештеләр. Көзге бодай урдыруны «Зәй шикәре» агрофирмасының «Сәвәләй» бүлеге комбайнчылары башлап җибәрде. Буа, Спас һәм Алексеевск районнары хуҗалыклары да уҗым бодаен суктыра башлады.
2025 елның беренче биш аенда Татарстанда 1 миллион 700 мең турист килгән, бу узган елның шушы чоры белән чагыштырганда 34 процентка күбрәк. Әлеге мәгълүматларны Росстат бастырып чыгарды.
Кичке чыгарылышлар
Татарстан Рәисе Рөстәм Миңнеханов Чаллы катыргы-кәгазь комбинатында булды. Комбинат Россиянең иң зур целлюлоза-кәгазь сәнәгате предприятиеләре унлыгына керә, Татарстанның төп 50 салым түләүчесе, Чаллы шәһәренең бюджет булдыручы икенче төп предприятиесе булып тора. Рөстәм Миңнеханов Чаллыда «Безнең ишегалды» республика программасы буенча эшләр тәмамлану уңаеннан, ГЭС бистәсендә оештырылган ишегалды бәйрәмендә булды.
Зәй районы игенчеләре республикада беренчеләрдән булып, уракка керештеләр. Көзге бодай урдыруны «Зәй шикәре» агрофирмасының «Сәвәләй» бүлеге комбайнчылары башлап җибәрде. Буа, Спас һәм Алексеевск районнары хуҗалыклары да уҗым бодаен суктыра башлады.
2025 ел ахырына кадәр Чаллыда күп пассажирлар сыйдырышлы 80 яңа автобус сатып алу күздә тотыла. Бу хакта шәһәр мэры Наил Мәһдиев аппарат киңәшмәсендә әйтте, тиешле карарның Татарстан Рәисе Рөстәм Миңнеханов тарафыннан хуплануын билгеләп үтте.
Татарстан Рәисе Рөстәм Миңнеханов Казан Богородица монастыре биналары комплексын торгызу эшләренең барышы белән танышты. Дүрт ел элек яңадан торгызылган Казан Изге Ана иконасы соборы ачылган иде. Киләчәктә монастырь комплексын торгызу Татарстан Рәисе йөкләмәләре үтәү планы буенча гамәлгә ашырыла. Хәзер эшләр Никола Тульский чиркәвендә, настоятель һәм хатын-кызлар корпусларында, чиркәү мәктәбендә алып барыла.
Татарстан Рәисе Рөстәм Миңнеханов һәлак булган сугышчылар истәлегенә 1823 елда төзелгән гыйбадәтханә-һәйкәлен торгызу эшләренең барышын бәяләде. Ул федераль әһәмияттәге мәдәни мирас объекты булып тора. Гыйбадәтханә-һәйкәл Казансу елгасы акваториясендә урнашкан һәм күпер аша чыгу юлындагы ярга тоташкан.
Татарстан Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин партия Рәисе Дмитрий Медведевның төбәк иҗтимагый бүлмәсендә гражданнарны кабул итте.
