Иртәнге чыгарылыш
Татарстан Рәисе Рөстәм Миңнеханов Казан Богородица монастыре биналары комплексын торгызу эшләренең барышы белән танышты. Дүрт ел элек яңадан торгызылган Казан Изге Ана иконасы соборы ачылган иде. Киләчәктә монастырь комплексын торгызу Татарстан Рәисе йөкләмәләре үтәү планы буенча гамәлгә ашырыла. Хәзер эшләр Никола Тульский чиркәвендә, настоятель һәм хатын-кызлар корпусларында, чиркәү мәктәбендә алып барыла.
Татарстан Рәисе Рөстәм Миңнеханов һәлак булган сугышчылар истәлегенә 1823 елда төзелгән гыйбадәтханә-һәйкәлен торгызу эшләренең барышын бәяләде. Ул федераль әһәмияттәге мәдәни мирас объекты булып тора. Гыйбадәтханә-һәйкәл Казансу елгасы акваториясендә урнашкан һәм күпер аша чыгу юлындагы ярга тоташкан.
Татарстан Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин партия Рәисе Дмитрий Медведевның төбәк иҗтимагый бүлмәсендә гражданнарны кабул итте.
Көндезге чыгарылыш
Федераль Җыенның Дәүләт Думасы Ислам банкингын кертү экспериментын 2028 елның 1 сентябренә кадәр озайту турындагы законны өченче укылышта кабул итте. Эксперимент, элеккечә, дүрт төбәктә: Татарстан, Башкортстан, Дагыстан һәм Чечня территориясендә узачак.
Иннополиста «Яшьләр бүгенге Россиянең үсеш двигателе буларак» дигән темага фикер алышулар узды. Аны «ПолитЗавод» иҗтимагый-сәяси проекты нигезендә «Бердәм Россия Яшь гвардиясе» Татарстан төбәк бүлеге оештырды. Сөйләшүдә катнашучыларны республика Дәүләт Советы Рәисе урынбасары Юрий Камалтынов сәламләде.
Татарстан Премьер-министры урынбасары Ләйлә Фазлыева инвалид хәрби ветераннарга «Ватанны саклаучылар» дәүләт фонды ярдәмендә сатып алынган кул белән идарә ителә торган автомобильләр тапшырды. Махсус автомобильләр Яшел Үзәннән Ранис Әхмәтҗановка, Ютазыдан Евгений Яхинга, Питрәчтән Динар Нургатинга һәм Зәйдән Илсур Шәйдуллинга бирелде.
Кичке чыгарылышлар
Яшел Үзәндәге Горький исемендәге суднолар төзү заводы коллективын «Фидакарь хезмәт өчен» ордены белән бүләкләделәр. Мактаулы бүләкне Россия диңгез коллегиясе рәисе, Россия Президенты ярдәмчесе Николай Патрушев тапшырды. Тантанада Татарстан Рәисе Рөстәм Миңнеханов катнашты. Яшел Үзән суднолар төзү заводының үзәк мәйданында — Бөек Ватан сугышы мемориалында, легендар «Калюжный» бронекатеры янында чәчәкләр салу тантанасы да узды.
18 июльдә футбол буенча Россия премьер-лигасының 2025-2026 елгы сезоны башлана. Шул уңайдан Татарстан Рәисе Рөстәм Миңнеханов Казанның «Рубин» футбол клубы базасында уенчылар һәм тренерлар белән очрашты. РөстәмМиңнеханов футболчыларга һәм клубның тренерлар штабына котлау сүзләрен әйтте, шулай ук киләсе сезонда уңышлар теләде.
«Татар-информ» мәгълүмат агентлыгында республикакүләм «Питрау» керәшен мәдәнияте бәйрәмен үткәрүгә багышланган матбугат конференциясе булды. Бәйрәмнең быелгысы 27 нче тапкыр 19 июль көнне, елдагыча Мамадыш районының Җөри авылында урнашкан Тырлау аланында узачак.
Яшел Үзәндәге Горький исемендәге суднолар төзү заводы коллективын «Фидакарь хезмәт өчен» ордены белән бүләкләделәр. Мактаулы бүләкне Россия диңгез коллегиясе рәисе, Россия Президенты ярдәмчесе Николай Патрушев тапшырды. Тантанада Татарстан Рәисе Рөстәм Миңнеханов катнашты. Яшел Үзән суднолар төзү заводының үзәк мәйданында — Бөек Ватан сугышы мемориалында, легендар «Калюжный» бронекатеры янында чәчәкләр салу тантанасы да узды.
Россия гражданнар оборонасы эшләре, гадәттән тыш хәлләр һәм табигый бәла — казалар нәтиҗәләрен бетерү министры Александр Куренков һәм Татарстан Рәисе Рөстәм Миңнеханов Казанда иминлекне тәэмин итү чараларының “Комплекслы куркынычсызлык» XVI халыкара салонын әзерләү һәм уздыру, янгын сүндерүчеләр, коткаручыларның заманча укыту-сынау полигонын булдыру турында килешүгә кул куйдылар.
«Татар-информ» мәгълүмат агентлыгында республикакүләм «Питрау» керәшен мәдәнияте бәйрәмен үткәрүгә багышланган матбугат конференциясе булды. Бәйрәмнең быелгысы 27 нче тапкыр 19 июль көнне, елдагыча Мамадыш районының Җөри авылында урнашкан Тырлау аланында узачак.
