Иртәнге чыгарылыш
Рөстәм Миңнехановтан Республика Рәисе вазифасына кандидат итеп теркәлү өчен, Татарстан Үзәк сайлау комиссиясенә документлар кергән. Бу хакта Үзәк сайлау комиссиясе рәисе Андрей Кондратьев Казанда «Сайлау” үзәгендә узган брифингта әйтте.
Татарстан халкы һәм кунаклары 10 августка кадәр төзекләндерелгән җәмәгать урыннарының көндәлек яшәешкә йогынтысын бәяләүгә багышланган махсус сораштыруда катнаша ала. Сораштыруның максаты-гражданнарның фикерләрен җыю, гамәлгә ашырылган проектларның шәһәр төзелеше, икътисадый, социаль юнәлештә нәтиҗәләрен бәяләү.
Казанда 25-29 июльдә махсус хәрби операция инвалидлары һәм ветераннары өчен Россиядә беренче «Амбилимпикс» һөнәри осталык чемпионаты узачак. Ярышларга илнең 81 төбәгеннән 250гә якын катнашучы теркәлгән. Шуларның 26сы – Татарстан вәкилләре.
Көндезге чыгарылыш
Татарстан Рәисе Рөстәм Миңнеханов Тында янында Ан-24 самолетының һәлакәткә очравы сәбәпле, Амур өлкәсе губернаторы Василий Орловка кайгы уртаклашу телеграммасын юллады. Анда Татарстан халкыннан һәм шәхсән республика Рәисе исеменнән кайгы уртаклашу сүзләре җиткерелгән.
Татарстанда җирле үзидарәнең вәкиллекле органнарына депутатлар сайлауга 10 мең 500дән артык кандидат тәкъдим ителгән. Бу хакта Казанда «Сайлау» мәгълүмат үзәгендә узган брифингта республиканың Үзәк сайлау комиссиясе рәисе Андрей Кондратьев әйтте.
Болгарда XX Бөтенроссия мөселман яшьләре җыены дәвам итә. Җыен Диния нәзарәте тарафыннан Ислам мәдәнияте, фәне һәм мәгарифенә ярдәм фонды белән берлектә, Болгар Ислам академиясе теләктәшлегендә уздырыла. Анда катнашучылар белән Татарстан Мөфтие Камил хәзрәт Сәмигуллин очрашты.
Кичке чыгарылышлар
Татарстан Рәисе хакимияте җитәкчесе Әсхәт Сәфәров Новороссийск хәрби-диңгез базасында булды. Делегация составында республика Премьер-министр урынбасары — Татарстан Республикасының Россия Федерациясендәге Тулы вәкаләтле вәкиле Равил Әхмәтшин, башка рәсми затлар бар иде.
Татарстанда җирле үзидарәнең вәкиллекле органнарына депутатлар сайлауга 10 мең 500дән артык кандидат тәкъдим ителгән. Бу хакта Казанда «Сайлау» мәгълүмат үзәгендә узган брифингта республиканың Үзәк сайлау комиссиясе рәисе Андрей Кондратьев әйтте.
Бүгенге көнгә республикада игеннәрне урып-җыю мәйданнарының 6 процентка якыны суктырылган. Авыл хуҗалыгы һәм азык-төлек министрлыгыннан хәбәр итүләренчә, 72 мең 382 гектар мәйданнан 342 мең 218 тонна ашлык җыеп алынган. Узган бер көнне Татарстан игенчеләре 34 мең тоннадан артык бөртек суктырып алган.
Татарстан Рәисе Рөстәм Миңнеханов Таулы Алтайда Халыкара экология конференциясендә катнаша. Пленар утырышта Россия Премьер – министры Михаил Мишустин чыгыш ясады. Ул илнең өстенлекле экология программалар арасында «Генераль җыештыру» проектын атады
Татарстанда җирле үзидарәнең вәкиллекле органнарына депутатлар сайлауга 10 мең 500дән артык кандидат тәкъдим ителгән. Бу хакта Казанда «Сайлау» мәгълүмат үзәгендә узган брифингта республиканың Үзәк сайлау комиссиясе рәисе Андрей Кондратьев әйтте.
Бүгенге көнгә республикада игеннәрне урып-җыю мәйданнарының 6 процентка якыны суктырылган. Авыл хуҗалыгы һәм азык-төлек министрлыгыннан хәбәр итүләренчә, 72 мең 382 гектар мәйданнан 342 мең 218 тонна ашлык җыеп алынган. Узган бер көнне Татарстан игенчеләре 34 мең тоннадан артык бөртек суктырып алган.
