Иртәнге чыгарылыш.
Татарстан Рәисе Рөстәм Миңнеханов Лаеш районының Усад авылында “Тәрбия үзәге” яңа белем бирү үзәгендә булды, үзәкнең матди-техник җиһазланышы, кулланыла торган белем бирү методикалары, эшнең төп юнәлешләре белән танышты. Татарстан Рәисе Лаеш районында «Батареон» компаниясенең аккумулятор батареяләре заводын ачуда катнашты.
16нчы Бөтенроссия сабантуен уздыру буенча оештыру комитеты төзелде. Тиешле карарны Премьер-министр Алексей Песошин имзалады. Сабантуе киләсе елда Пенза өлкәсендә узачак.
Җылыту сезоны башланганнан бирле, беренче тәүлектә Татарстан башкаласында күп фатирлы йортларның яртысыннан күбрәгенә җылылык биргәннәр. Барлыгы 3342 йорт җылытыла башлаган. Социаль учреждениеләрне, торак йортларны җылытуга кагылышлы барлык сораулар буенча «Открытая Казань» системасына 8 (843) 236-41-23 телефоны буенча мөрәҗәгать итәргә була.
Көндезге чыгарылыш.
Россия төзелеш һәм торак-коммуналь хуҗалык министры Ирек Фәйзуллин ХІІ Халыкара төзелеш күргәзмәсенең пленар утырышында чыгыш ясады. Ул бюджет акчасы хисабына белем алучы төзелеш югары уку йортлары студентлары өчен мәҗбүри эшләүне кертергә чакырды.
1 октябрьдә гражданнарны көзге хәрби хезмәткә чакыру башланды, ул 31 декабрьгә кадәр дәвам итәчәк. Хәрби хезмәткә чакырылучыларны Татарстан Республикасы җыю пунктыннан җибәрү 15 октябрьдән башлана.
Татарстан мөселманнары Диния нәзарәтенең «Хәләл» стандарты комитеты вәкилләре Сингапур мөселманнары Советы чакыруы буенча Сингапурда булды. Сәфәр нәтиҗәсе стандартларны үзара тану турында килешү төзелде.
Кичке чыгарылышлар.
Татарстанда яшәүче һәр дүртенче кеше эшкә яраклы яшьтән өлкәнрәк, Республикада 100 яшьтән өлкәнрәк 294 кеше яши.
Бүген илебездә Урта һөнәри белем көне билгеләп үтелә.
Агымдагы елның ноябрендә Һиндстанның Казандагы Генераль консуллыгы ачылачак.
Мәскәүгә эш сәфәре кысаларында Татарстан Рәисе Рөстәм Миңнеханов Росгвардия директоры, Россия Герое, армия генералы Виктор Золотов белән очрашты.
Татарстанда яшәүче һәр дүртенче кеше эшкә яраклы яшьтән өлкәнрәк, Республикада 100 яшьтән өлкәнрәк 294 кеше яши.
Бүген илебездә Урта һөнәри белем көне билгеләп үтелә.
