Иртәнге чыгарылыш
“Татарстан белән Төркиянең сәүдә-икътисадый, мәдәни һәм парламентара элемтәләре актив үсә. Киләчәктә дә без мөнәсәбәтләрне ныгытырга ниятлибез”, — дип белдерде Татарстан Дәүләт Советы Рәисе Фәрит Мөхәммәтшин Казанда Төркия делегациясе белән очрашуда. Ул билгеләп үткәнчә, Төркия парламенты Татарстан Дәүләт Советының беренче чит ил партнеры булды.
Татарстанда фәнни-тикшеренүчеләр саны республиканың яңа тарихында иң югары дәрәҗәгә җитте – якынча 16 мең 500 кеше. Бу хакта Татарстан Министрлар Кабинетында узган брифингта вице-премьеры Ләйлә Фазлыева белдерде. Татарстан фәнни-технологик үсеш идарәсе системасының җитлеккәнлек индексында беренче урында тора.
Казанның Бәшир Рәмиев исемендәге IT-паркында 11 февральдә «Фәнни алгарыш» премиясен тапшыру тантанасы узачак, анда 11 номинация буенча Татарстанның иң яхшы галимнәре хезмәтен билгеләп үтәчәкләр. Бу хакта Министрлар Кабинетында узган брифингта республика Фәннәр академиясе президенты Рифкать Миңнеханов белдерде.
Көндезге чыгарылыш
Татарстан Экология һәм табигый байлыклар министры Азат Җиһаншин Түбән Каманың “Сибур предприятиесендә яңа олефин комплексын карады, экологик стандартлар һәм технологияләр белән танышты. Яңа этилен комплексы-Татарстан нефть-газ химиясенең хәзерге тарихында яңа куәтләр булдыру буенча иң зур проект.
Казанның Бәшир Рәмиев исемендәге IT-паркында 11 февральдә «Фәнни алгарыш» премиясен тапшыру тантанасы узачак, анда 11 номинация буенча Татарстанның иң яхшы галимнәре хезмәтен билгеләп үтәчәкләр.
Беренчел күчемсез милеккә ихтыяҗ арту сәбәпле, “Росреестр”ның Татарстандагы идарәсе бүген яңа төзелгән йортларда фатир сатып алучылар – өлешле төзелештә катнашучылар өчен кайнар телефон элемтәсен оештырды.
Кичке чыгарылышлар
Татарстан Рәисе Рөстәм Миңнеханов Һиндстан Республикасының Казандагы Генераль консулы Джейсундхар әфәнде белән очрашты.
Исегезгә төшерәбез, Джейсундхар әфәнде Һиндстанның Казандагы беренче Генераль консулы. Һиндстанның Генераль консуллыгын ачу икътисадый, сәяси һәм мәдәни элемтәләрне ныгытыр, шулай ук төбәкара хезмәттәшлекне үстерергә ярдәм итәр дип көтелә.
Татарстан Рәисе Рөстәм Миңнеханов хөкүмәт йортында Россия биатлончылар берлеге президенты Виктор Майгуров белән очрашты. Алар төбәктә биатлонны үстерү перспективалары, гомумән спортны үстерүгә ярдәм итү мәсьәләләре турында фикер алыштылар.
2025 ел йомгаклары буенча «Кадрлар» илкүләм проекты ярдәмендә Татарстанда 8 мең 400дән артык кеше һөнәри һәм өстәмә белем алган.
Укыту федераль бюджеттан финанслана.
Татарстан Рәисе Рөстәм Миңнеханов Һиндстан Республикасының Казандагы Генераль консулы Джейсундхар әфәнде белән очрашты. Рөстәм Миңнеханов аңа яңа вазыйфасында уңышлы эшчәнлек теләде. Һиндстанның Генераль консуллыгын ачу икътисадый, сәяси, мәдәни элемтәләрне ныгытыр, хезмәттәшлекне үстерергә ярдәм итәр дип көтелә.
Татарстан Рәисе Рөстәм Миңнеханов хөкүмәт йортында Мисыр Гарәп Республикасы делегациясе вәкилләре белән очрашты. Очрашуда киләчәк хезмәттәшлек мәсьәләләре турында фикер алыштылар. Татарстан Мисырга машина төзелеше продукциясен озатуны арттыру белән кызыксына.
2025 ел йомгаклары буенча «Кадрлар» илкүләм проекты ярдәмендә Татарстанда 8 мең 400дән артык кеше һөнәри һәм өстәмә белем алган.
Укыту федераль бюджеттан финанслана.
