Иртәнге чыгарылыш
Татарстан Рәисе Рөстәм Миңнеханов хөкүмәт йортында Уганда Республикасының Россия Федерациясендәге Гадәттән тыш һәм Тулы вәкаләтле Илчесе Мозес Каваалууко Кизиге белән очрашты. Алар Россия Федерациясе һәм Уганда Республикасы арасындагы хезмәттәшлек нигезендә киләчәктә элемтәләрне үстерү мәсьәләләре турында фикер алышты.
Казанда «Бердәм Россия» партиясенең төбәк оештыру комитеты утырышында тугызынчы чакырылыш Дәүләт Думасына депутатлыкка тәкъдим итү өчен кандидатларга алдан тавыш бирү мәсьәләсе каралды. Татарстан Дәүләт Советында «Бердәм Россия» фракциясе җитәкчесе Юрий Камалтынов оештыру комитетының бурычы – процедураны нигезләмәгә туры китереп үткәрү, дип ассызыклады.
Татарстан Фәннәр Академиясендә Урал-Идел буе археологиясенә багышланган Бөтенроссия фәнни конференциясе ачылды. Пленар утырышта катнашучыларга Татарстан Фәннәр академиясе президенты Рифкать Миңнеханов мөрәҗәгать итте.
Көндезге чыгарылыш.
Казанда Иран Ислам Республикасының һәлак булган җитәкчесе -аятолла Али Хосаен Хамени истәлегенә чәчәкләр салу тантанасы узды. Чара Иранның Генераль консуллыгы бинасы янында үтте.
2026 елның 1 мартыннан Россиядә җир законнарындагы үзгәрешләр үз көченә керде. Алар кишәрлекләр хуҗалары өчен кайбер процедураларны гадиләштерә, шул исәптән җирдән файдалану мөмкинлекләрен киңәйтә һәм кишәрлекләрнең категориясен алмаштыру кагыйдәләрен үзгәртә.
Казан метросы икенче линиясенең беренче участогын төзүгә тагын 1 миллиард ярым сумга якын акча биреләчәк. Хәзер метро төзүчеләр алдында 10 нчы микрорайондагы «Академик» станциясеннән «ТАССРның 100 еллыгы» һәм “Тулпар” станцияләренә кадәр сул як тоннельне төзү, электротехник коммуникацияләрне ясау, эчке суүткәргеч һәм канализация үткәрү бурычы тора.
Кичке чыгарылышлар
Татарстан Рәисе Рөстәм Миңнеханов республика Арбитраж судының 2025 елдагы эшчәнлегенә багышланган киңәшмәдә катнашты. Арбитраж суды рәисе Виталий Гыйльметдинов хисап чыгышында билгеләп үткәнчә, ел ахырына суд хезмәткәрләре саны 288 кеше булган, шуларның 74е судьялар һәм 197се аппарат хезмәткәрләре.
Киләсе атнаның җомга көнендә, 13 мартта «Казан Экспо» Халыкара күргәзмәләр үзәгендә Татарстанда Рамазанның иң көтеп алынган вакыйгаларының берсе – 14 нче Республикакүләм ифтар узачак.
Быел Татарстанда республиканың эшләүче яшьләре арасында «Күңеллеләр һәм тапкырлар клубы» уенын яңартырга җыеналар. Бу хакта «Татар-информ» мәгьлүмат агентлыгында узган матбугат конференциясендә республика Яшьләр эшләре министры Азат Кадыйров әйтте.
Татарстан Рәисе Рөстәм Миңнеханов республика Арбитраж судының 2025 елдагы эшчәнлегенә багышланган киңәшмәдә катнашты. Арбитраж суды рәисе Виталий Гыйльметдинов хисап чыгышында билгеләп үткәнчә, ел ахырына суд хезмәткәрләре саны 288 кеше булган, шуларның 74е судьялар һәм 197се аппарат хезмәткәрләре.
Татарстан Премьер-министры Алексей Песошин «Ел хатын-кызы. Хатын-кыз күзлегеннән ел ир-аты» республика конкурсында җиңүчеләрне бүләкләү тантанасында катнашты. Конкурска республиканың 45 муниципаль берәмлегеннән 300 гә якын гариза килгән. Берничә номинациядә 41 җиңүче билгеләнде.
«Татмедиа» Республика матбугат һәм массакүләм коммуникацияләр агентлыгының киңәйтелгән утырышы булды. Анда узган елгы эш нәтиҗәләренә йомгак һәм быелгы бурычлар турында агентлык җитәкчесе Айдар Сәлимгәрәев чыгыш ясады.
