Иртәнге чыгарылыш
Татарстан Премьер-министры урынбасары — Татарстан Республикасының Россия Федерациясендәге Тулы вәкаләтле вәкиле Равил Әхмәтшин җитәкчелегендәге делегация махсус хәрби операция зонасына шефлык ярдәмен китерде.
Татарстан Дәүләт Советы Рәисе вазыйфаларын башкаручы, Татарстанда яшәүче халыкларның татар телен һәм туган телләрен саклау, үстерү мәсьәләләре буенча республика Рәисе каршындагы комиссия рәисе Марат Әхмәтов Казанда гражданнарны кабул итте.
2026 елда Татарстанда репродуктив сәламәтлек диспансерлаштыруын 558 меңгә якын кеше узарга тиеш. Бу хакта Татарстан Министрлар Кабинетында узган брифингта республика сәламәтлек саклау министры Альмир Абашев белдерде.
Көндезге чыгарылыш
Россия Федерациясе Федераль Җыены Дәүләт Думасы Рәисе урынбасары Алексей Гордеев һәм Татарстан Дәүләт Советы Рәисе вазыйфаларын башкаручы Марат Әхмәтов «Казан» агросәнәгать паркында булдылар. Марат Әхмәтов Россия парламенты түбән палатасы вице-спикерына республиканың авыл хуҗалыгы мөмкинлекләре турында сөйләде.
Татарстанда адреслы программа буенча тузган торактан күчерүгә тагын 1 млрд 399 миллион сум акча бирелә. Татарстан Министрлар Кабинетының бу турыдагы карарына республика Премьер-министры Алексей Песошин кул куйды. Программа киләсе, 2027 елга кадәр озайтылды һәм яңа этап белән тулыландырылды.
Татарстанда беренче сыйныфка балаларны кабул итү кампаниясе 1 апрельдә башлана. Документларны кабул итү вакыты, мәктәп сайлавына карап, ике этапка бүленгән. Дәүләт хезмәтләре Порталы аша документларның тулы пакетын кабул итү быелгы яңалык булачак.
Кичке чыгарылышлар
Россия Федерациясе Президенты Владимир Путин Россия крестьян (фермер) хуҗалыклары һәм авыл хуҗалыгы кооперативлары ассоциациясенең Казанда уза торган Бөтенроссия съездында катнашучыларга котлау юллады . Пленар утырышта аны Федераль Җыенның Дәүләт Думасы Рәисе урынбасары Алексей Гордеев укыды.
Татарстан Премьер-министры Алексей Песошин Казан Кремлендә Россия Федерациясе һәм Татарстан Республикасы дәүләт бүләкләрен тапшырды. Ул, Татарстанның Россия төбәкләре арасында алдынгы урынны тотуын ассызыклады.
Татарстан Премьер-министры урынбасары Ләйлә Фазлыева мәдәният хезмәткәрләрен һөнәри бәйрәмнәре белән котлады. «Мәдәният-ул халыкның җаны, бөек Ватаныбызның ныклы нигезе. Сез көн саен җәмгыятебезне ныгыта торган, аны бердәм, көчле һәм әхлакый яктан сәламәт итә торган мәңгелек кыйммәтләр сагында торасыз», – диелә котлауда.
Россия Федерациясе Президенты Владимир Путин Россия крестьян (фермер) хуҗалыклары һәм авыл хуҗалыгы кооперативлары ассоциациясенең Казанда уза торган Бөтенроссия съездында катнашучыларга котлау. Пленар утырышта аны Федераль Җыенның Дәүләт Думасы Рәисе урынбасары Алексей Гордеев укыды.
Татарстанның агросәнәгать комплексы-үсеш потенциалы яхшы булган заманча югары технологияле тармак. Бу хакта Татарстан Дәүләт Советы Рәисе вазыйфаларын башкаручы Марат Әхмәтов Россия крестьян (фермер) хуҗалыклары һәм авыл хуҗалыгы кооперативлары ассоциациясенең Бөтенроссия съездының пленар утырышында белдерде.
Татарстан Премьер-министры Алексей Песошин Казан Кремлендә Россия Федерациясе һәм Татарстан Республикасы дәүләт бүләкләрен тапшырды. Ул, Татарстанның Россия төбәкләре арасында алдынгы урынны тотуын ассызыклады.
