Иртәнге чыгарылыш
Россия Федерациясе Президенты Владимир Путин Россия крестьян (фермер) хуҗалыклары һәм авыл хуҗалыгы кооперативлары ассоциациясенең Казанда уза торган Бөтенроссия съездында катнашучыларга котлау. Пленар утырышта аны Федераль Җыенның Дәүләт Думасы Рәисе урынбасары Алексей Гордеев укыды.
Татарстанның агросәнәгать комплексы-үсеш потенциалы яхшы булган заманча югары технологияле тармак. Бу хакта Татарстан Дәүләт Советы Рәисе вазыйфаларын башкаручы Марат Әхмәтов Россия крестьян (фермер) хуҗалыклары һәм авыл хуҗалыгы кооперативлары ассоциациясенең Бөтенроссия съездының пленар утырышында белдерде.
Татарстан Премьер-министры Алексей Песошин Казан Кремлендә Россия Федерациясе һәм Татарстан Республикасы дәүләт бүләкләрен тапшырды. Ул, Татарстанның Россия төбәкләре арасында алдынгы урынны тотуын ассызыклады.
Көндезге чыгарылыш
«Бердәм Россия» партиясенең Халык программасы бик кирәкле һәм күп яктан партия активын, дәүләт, муниципаль хакимият органнарын берләштереп, иҗади эшкә туплый. Бу хакта «Бердәм Россия» сәяси партиясенең Татарстан төбәк бүлеге Секретаре, Дәүләт Советының Мактаулы Рәисе Фәрит Мөхәммәтшин Түбән Новгородта узган «Нәтиҗә бар!» форумында белдерде.
Татарстанда беренче сыйныфка балаларны кабул итү кампаниясе 1 апрельдә башлана. Документларны кабул итү вакыты, мәктәп сайлавына карап, ике этапка бүленгән.
Ветераннар арасында 9нчы “Балкыш” республика фестиваленең зона этаплары дәвам итә. Март аенда фестивальнең зона этаплары Арчада, Алексеевскийда, Әлмәттә, Кукмарада зур уңыш белән узды. Бүген һәвәскәр ветераннар фестиваленең зона этабы Буада үтә.
Кичке чыгарылыш
Узган ел йомгаклары буенча Татарстан республикада яшәүче чит ил гражданнары саны буенча өченче урында тора. Бу хакта матбугат конференциясендә Татарстан Республикасы Эчке эшләр министрының гражданлык һәм чит ил гражданнарын теркәү мәсьәләләре буенча урынбасары Денис Дзьоник сөйләде.
2026 елның ике аенда Татарстанда 69 чит ил гражданы тарафыннан кылынган 77 җинаять тикшерелгән. Матбугат конференциясендә бу хакта да әйтелде.
Бөтендөнья татар конгрессы оештырган «Солдат альбомы» бәйгесе Муса Җәлилнең тууына 120 ел тулуга багышланды. Әлеге конкурска агымдагы елның 1 февраленнән алып 24 февраленә кадәр эшләр кабул ителде. «Мусага хат» номинациясендә оештырылган иншалар конкурсына Россиянең 11 төбәгеннән 300 ләп иҗади эш алынган.
Татарстан Премьер-министры Алексей Песошин һәм Татарстан Республикасы буенча баш федераль инспектор Виктор Демидов Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында катнашты. Чара Түбән Новгородта узды, ул Идел буе федераль округы төбәкләренең авыл территорияләрендә Дәүләт демографик сәясәтен гамәлгә ашыру мәсьәләсенә багышланды.
29-31 мартта XIV Бөтенроссия татар авыллары эшмәкәрләре җыены узачак. Бу форумда Россиянең 37 төбәгеннән 900дән артык делегатның катнашуы көтелә. Җыенда катнашучылар арасында кече бизнес вәкилләре, фермер хуҗалыклары башлыклары, хуҗалык һәм дәүләт хакимияте органнары хезмәткәрләре булачак.
Бөтендөнья татар конгрессы оештырган «Солдат альбомы» бәйгесе Муса Җәлилнең тууына 120 ел тулуга багышланды. Әлеге конкурска агымдагы елның 1 февраленнән алып 24 февраленә кадәр эшләр кабул ителде. «Мусага хат» номинациясендә оештырылган иншалар конкурсына Россиянең 11 төбәгеннән 300 ләп иҗади эш алынган.
