Иртәнге чыгарылыш
“Нефтехим” предприятиесендә фаҗига булу сәбәпле, Түбән Кама районында өч көнлек матәм игьлан ителде. Барлык массакүләм күңел ачу бәйрәмнәре кичектерелде, учреждениеләр биналарында дәүләт флаглары төшерелде.
Татарстан Хөкүмәте Йортында Республика Рәисе Рөстәм Миңнеханов Россия Федерациясе Сәламәтлек саклау министры Михаил Мурашко белән очрашты. Алар төбәктә сәламәтлек саклау системасын үстерү, югары квалификацияле медицина кадрлары хәзерләү мәсьәләләре буенча фикер алыштылар.
Татарстан Премьер-министры Алексей Песошин һәм Россия Сәламәтлек саклау министры Михаил Мурашко Казан дәүләт медицина университеты коллективына яңа ректор вазыйфаларын башкаручы — Айрат Фәрраховны тәкъдим иттеләр.
Көндезге чыгарылыш.
Татарстан Рәисе Рөстәм Миңнеханов, Россия Энергетика министры Сергей Цивилев, Россия Федерациясе Сәнәгать һәм сәүдә министры урынбасары Михаил Иванов, Беларусь Республикасы Премьер-министры урынбасары Виктор Каранкевич, кайбер башка илләрнең энергетика тармагы вәкилләре «Энергопром-2026» Казан Халыкара электр энергетикасы форумын ачу тантанасында катнаштылар.
Татарстан Рәисе Рөстәм Миңнеханов Казанда Үзбәкстанның энергетика министры Җурабәк Мирзамәхмүдев белән очрашты. Кунак «Энергопром-2026» Казан халыкара электр энергетикасы форумында катнаша.
Татарстан Рәисе Рөстәм Миңнехановның Кыргызстан Республикасы Энергетика министры Таалайбәк Ибраев белән очрашуында үзара файдалы элемтәләрне ныгыту һәм хезмәттәшлекне үстерү турында сүз барды.
Кичке чыгарылышлар.
Татарстан Рәисе Рөстәм Миңнеханов, Россия Энергетика министры Сергей Цивилев, Россия Федерациясе Сәнәгать һәм сәүдә министры урынбасары Михаил Иванов, Беларусь Республикасы Премьер-министры урынбасары Виктор Каранкевич, кайбер башка илләрнең энергетика тармагы вәкилләре «Энергопром-2026» Казан Халыкара электр энергетикасы форумын ачу тантанасында катнаштылар.
Татарстан Рәисе Рөстәм Миңнеханов һәм Россия Энергетика министры Сергей Цивилев “Энергопром” форумы мәйданчыгында Новиком Банкы оештырган иртәнге эшлекле аш мәҗлесендә катнаштылар. Алар илнең энергетика үсеше перспективалары, тармак проектларын финанслау мәсьәләләре турында фикер алышты.
Республика Премьер-министры Алексей Песошин Татарстан халкын Россия һәм Беларусь халыкларының берләшү көне белән котлады.
Татарстан Рәисе Рөстәм Миңнеханов һәм Россия Энергетика министры Сергей Цивилев «ЭНЕРГОПРОМ» форумында хезмәттәшлек турында берничә документка кул куюда катнаштылар.
Татарстан Фәннәр Академиясендә татар әдәбияты классигы Габдулла Тукайның тууына 140 ел тулуга багышланган Бөтенроссия фәнни конференциясе ачылды. Конференциядә катнашучыларны республика җитәкчелеге исеменнән Дәүләт Советының мактаулы Рәисе Фәрит Мөхәммәтшин сәламләде.
Татарстан Дәүләт Советы Рәисе вазыйфаларын башкаручы, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов Нурлат районында булды. Ул республика халыкларының туган телләре укытыла торган мәгариф учреждениеләре эше белән танышты
