Иртәнге чыгарылыш
Татарстан Рәисе Рөстәм Миңнеханов алдынгыларга Россия Федерациясе һәм Татарстан Республикасы дәүләт бүләкләрен тапшырды. Барлыгы 51 кеше Россия Федерациясе һәм Татарстан Республикасы Дәүләт бүләкләрен алды.
Татарстан Дәүләт Советы Рәисе вазыйфаларын башкаручы Марат Әхмәтов Казан аграр университетының дәүләт һәм муниципаль идарә юнәлеше буенча укучы студентлары белән очрашты.
Татарстан Луганск Халык Республикасының республика шефлыкка алган Лисичанск һәм Рубежное шәһәрләрендә яшәүче балаларның ялын оештыру буенча еллык программаны гамәлгә ашыра башлады. Биектау районындагы «Добрый» лагерына беренче сменага 100 бала җибәрелгән.
Көндезге чыгарылыш
Татарстан Рәисе Рөстәм Миңнеханов Казанда Уникаль осталык үзәген ачу тантанасында катнашты. Әлеге үзәк элеккеге Үзәк универсаль кибетнең яңартылган бинасында , Мәскәү урамы, 2 нче йорт адресы буенча урнашкан.
Татарстан Рәисе Рөстәм Миңнеханов чирәмдә хоккей уйнау буенча «Динамо-Ак Барс» командасына 2026 елгы Россия Кубогын яулавы уңаеннан котлау телеграммасын юллады.
Бүген Россиядә — янгын сүндерүчеләрнең һөнәри бәйрәме.1649 елның 30 апрелендә рус патшасы боерыгы буенча Мәскәүдә беренче тапкыр янгын дозорларының даими, тәүлек буе кизү торуы кертелә, аларга янгыннарны сүндерүдә актив катнашырга гына түгел, ә ул вакытта булган янгын куркынычсызлыгы кагыйдәләрен үтәүне контрольдә тотарга кушылган.
Кичке чыгарылышлар
Татарстан Рәисе Рөстәм Миңнеханов 2026 елның март–апрель айлары нәтиҗәләре буенча Россия Федерациясе төбәкләре җитәкчеләренең «Илкүләм рейтингында» беренче урынны алды. Тикшеренүне «Рейтинг» мәгълүмати коммуникацияләр үзәге әзерләгән.
Татарстан Рәисе Рөстәм Миңнеханов Указы белән Бөтенроссия Дәүләт теле – радио компаниясенең Генераль директоры урынбасары – төбәк Департаменты җитәкчесе Рифат Сабитов республикабызның югары Дәүләт бүләге – Татарстан Республикасы алдындагы казанышлары өчен ордены белән бүләкләнде.
Бүген Россиядә — янгын сүндерүчеләрнең һөнәри бәйрәме.1649 елның 30 апрелендә рус патшасы боерыгы буенча Мәскәүдә беренче тапкыр янгын дозорларының даими, тәүлек буе кизү торуы кертелә, аларга янгыннарны сүндерүдә актив катнашырга гына түгел, ә ул вакытта булган янгын куркынычсызлыгы кагыйдәләрен үтәүне контрольдә тотарга кушылган.
Татарстан Рәисе Рөстәм Миңнеханов 2026 елның март–апрель айлары нәтиҗәләре буенча Россия Федерациясе төбәкләре җитәкчеләренең «Илкүләм рейтингында» беренче урынны алды. Тикшеренүне «Рейтинг» мәгълүмати коммуникацияләр үзәге әзерләгән.
Татарстан Дәүләт Советы Рәисе вазифаларын башкаручы, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов «Шүрәле оныгы Шүркәй» беренче татарча 3D-мультсериалына уңай бәя бирде.
Татарстан Дәүләт автоинспекциясе май бәйрәмнәре дәвамында көчәйтелгән режимда эшләячәк. Автоинспекторлар юл хәрәкәте кагыйдәләрен тупас бозуларны ачыклауга һәм булдырмауга аерым игътибар бирәчәкләр.
