Иртәнге чыгарылыш
Татарстан Халыклары Дуслыгы Йортында «Татарстан – Яңа гасыр» республика иҗтимагый хәрәкәте Югары Советының киңәйтелгән утырышы узды. Анда яшь буынга патриотик тәрбия бирү, Ватанны саклаучылар, шулай ук республика үсешенә өлеш керткән күренекле шәхесләр истәлеген мәңгеләштерү мәсьәләләре буенча фикер алыштылар. Утырышны Дәүләт Советының мактаулы Рәисе, иҗтимагый хәрәкәтнең Югары Советы Рәисе Фәрит Мөхәммәтшин үткәрде.
Чаллыда Россия милли театрларының III фестивале ачылды. Ачылу тантанасы «Мастеровые» рус драма театрында узды. Шул ук театрда Горномарийск драма театры труппасы «Левша» спектаклен – әлеге театр сезонының премьерасын күрсәтте.
Республикада рус теле һәм математика фәннәреннән Бердәм дәүләт имтиханнары нәтиҗәләре билгеле булды. Быел чыгарылыш сыйныфны тәмамлаучы 16 мең 314 укучы рус теле буенча БДИ тапшырган.
Көндезге чыгарылыш
Татарстанда Россия Федерациясе Дәүләт Думасы депутатларын сайлауларны күзәтүчеләр җәмәгать штабы эшли башлады. Штабның беренче утырышы узды. Бу структура гражданнарның сайлау хокукының үтәлешен һәм Татарстан территориясендә сайлауларның анда катнашучыларның тануын күзәтүне тәэмин итү өчен булдырылган.
Татарстан Фән һәм мәгариф министрлыгында стратегик килешүләр пакеты имзаланды. Документлар «Яшьләр һәм балалар», шулай ук «Профессионалитет» федераль проекты буенча белем бирү-җитештерү кластерларын булдыруга һәм үстерүгә юнәлдерелгән.
Татарстан Кырым хакимияте тәкъдимнәре нигезендә 1 сентябрьгә кадәр балаларны һәм төркемнәрне Кырым Республикасы территориясендә урнашкан ял — сәламәтләндерү оешмаларына җибәрүне туктатты. Бу хакта республика Яшьләр министрлыгы матбугат хезмәте хәбәр итте.
Кичке чыгарылышлар
Татарстан Рәисе Рөстәм Миңнеханов Казан дәүләт дары заводында булды. Предприятие 238 еллыгын билгеләп үтә. Рөстәм Миңнеханов Бөек Ватан сугышында һәлак булган завод хезмәтчәннәре истәлегенә салынган мемориалга чәчәкләр салды.
Татарстан Рәисе Рөстәм Миңнеханов «Россия сегодня» Халыкара медиа төркеме генераль директоры Дмитрий Киселевка Агентлыкның 85 еллыгы уңаеннан котлау телеграммасын юллады. Ул агентлыкның үзебезнең һәм дөнья журналистикасы үсешенә керткән өлешен билгеләп үтте, аның эчке һәм тышкы сәясәттәге төп вакыйгаларны яктыртуда, шулай ук чит илләрдә Россиянең объектив образын формалаштыруда ролен ассызыклады.
Удмурт халкының «Гырон Быдтон» республикакүләм традицион мәдәнияте бәйрәме Мамадыш районында узачак. Язгы кыр эшләрен тәмамлауга багышланган масштаблы чара 27 июньдә Пуйкә авылында үткәрелә.
Татарстан Рәисе Рөстәм Миңнеханов Казан дәүләт дары заводында булды. Предприятие 238 еллыгын билгеләп үтә. Рөстәм Миңнеханов Бөек Ватан сугышында һәлак булган завод хезмәтчәннәре истәлегенә салынган мемориалга чәчәкләр салды.
Татарстан Рәисе Рөстәм Миңнеханов «Россия сегодня» Халыкара медиа төркеме генераль директоры Дмитрий Киселевка Агентлыкның 85 еллыгы уңаеннан котлау телеграммасын юллады. Ул агентлыкның үзебезнең һәм дөнья журналистикасы үсешенә керткән өлешен билгеләп үтте, аның эчке һәм тышкы сәясәттәге төп вакыйгаларны яктыртуда, шулай ук чит илләрдә Россиянең объектив образын формалаштыруда ролен ассызыклады.
Казанның «Пирамида» мәдәни-күңел ачу комплексында традицион «Ак чәчәкләр» премиясен тапшыру тантанасы узды. Җиңүчеләр алты номинация: «Ел табибы», «Уникаль очрак», «Һөнәргә тугрылык», «Шәфкатьлелек һәм кайгырту», «Яшь гвардия», «Сәламәтлек синергиясе: Команда көче гамәлдә» номинацияләре буенча бүләкләнде.
Бүген ТАССР төзелү көне. Шул уңайдан Татарстан Дәүләт Советы Рәисевазыйфаларын башкаручы Марат Әхмәтовның котлавын тапшырабыз
