Казанда регби үзәген ачу тантанасы булды. Анда Татарстан Рәисе Рөстәм Миңнеханов, Премьер-министр Алексей Песошин, Казан мэры Илсур Метшин, монополиягә каршы федераль хезмәтнең Татарстандагы идарәсе җитәкчесе, Татарстанның регби федерациясе рәисе Айрат Шәфигуллин, «Стрела-Ак Барс» регби клубы вәкилләре катнашты.
Татарстан Дәүләт Советы Рәисе вазыйфаларын башкаручы Марат Әхмәтов Түбән Камадагы Балалар экология-биология үзәгендә булды. Быел «Сибур» компаниясе ярдәме белән бинада капиталь ремонт тәмамланган, заманча җиһазлар сатып алынган, экологик агарту программалары яңартылган.
Татарстан Диния Нәзарәте19 сентябрьне Гошер көне дип игьлан итте. Республикада гошер сәдакасын җыю һәм аны мохтаҗларга тарату буенча киң колачлы хәйрия кампаниясе башланды.
Татарстан Рәисе Рөстәм Миңнеханов Горбунов исемендәге Казан авиация заводы — «Туполев»АҖ филиалының хезмәт коллективы белән очрашты.
Россия гадәттән тыш хәлләр министры Александр Куренков Лаеш районында янгын сүндерүчеләр һәм коткаручылар әзерләүче яңа полигонда булды, шәхси состав белән сөйләште, белгечләрне хәзерләү шартларын бәяләде.Казан авиация заводында очу-сынау станциясен карады, Ту-214 самолетларын җыюның барышы белән кызыксынды.
Кыргызстанда VI Бөтендөнья күчмә халыклар уеннары дәвам итә. Кыргыз милли билбау көрәше ярышларында Татарстаннан Илфат Миңнегалиев һәм Ранис Гыйләҗетдинов алтын медаль яулады.
Татарстан Рәисе Рөстәм Миңнеханов Владивостокта Көнчыгыш икътисадый форумы күргәзмәсен карады. Татарстан стендында төбәк икътисадының һәм
сәнәгатенең төп күрсәткечләре, шулай ук республиканың Азия-Тын Океан төбәге
илләре өчен инвестицияләр җәлеп итү буенча тәкъдимнәр күрсәтелгән.
Рөстәм Миңнеханов Көнчыгыш икътисадый форумының пленар утырышында катнашты. Утырышта Россия Федерациясе Президенты Владимир Путин чыгыш ясады.
Татарстан Премьер-министры Алексей Песошинның милитаристлар Япониясен Җиңү һәм Икенче
бөтендөнья сугышы тәмамлану көне уңаеннан мөрәҗәгать белән чыкты.
Татарстан Рәисе Рөстәм Миңнеханов Владивостокта Көнчыгыш икътисадый форумы күргәзмәсен карады, Көнчыгыш икътисадый форумының пленар утырышында катнашты
Республикада 886 мең 479 гектарда, ягьни барлык мәйданның 80 процентында бөртек суктырылган, 3 миллион 115 мең тоннадан артык ашлык җыеп алынган.
Татарстанда урта һөнәри белем бирү учреждениеләренә кабул итүнең төп кампаниясе тәмамланды. Абитуриентлар 29 меңнән артык гариза биргән, 17 меңгә якын кеше бюджет урыннарына укырга кергән.
