Татарстан Рәисе Рөстәм Миңнеханов хөкүмәт йортында Казан һәм Татарстан митрополиты Кирилл белән очрашты. Алар Татарстан митрополиясенең агымдагы эшчәнлеге, республикада милләтара һәм конфессияара тынычлыкны ныгыту буенча хезмәттәшлек, киләчәктә дини объектларны яңартудагы уртак эш турында фикер алышты.
Чаллыда ана капиталына сертификатлар тапшыру тантанасы узды. Анда республика Дәүләт Советы Рәисе вазыйфаларын башкаручы Марат Әхмәтов, Чаллы мэры Наил Мәһдиев катнашты. Сертификат 27 гаиләгә бирелде.
Республикада татар театрының күренекле шәхесе — режиссер, драматург һәм актер Кәрим Тинчуринның тууына 139 еллыгына багышланган чаралар узды. Тинчурин паркында Россия театр әһелләре берлеге аллеясына нигез салу тантанасы булды, Кәрим Тинчуринның каберенә чәчәкләр салынды.
Татарстан Рәисе Рөстәм Миңнеханов Россия Федерациясе Федераль Җыенының IX чакырылыш Дәүләт Думасы депутатларын сайлау уңаеннан татарстанлыларга мөрәҗәгать итте.
Алдагы көннәр бик җаваплы, бөтен ил, шул исәптән Татарстан тугызынчы чакырылыш Дәүләт Думасына депутатлар сайлауга әзерләнә. Бу хакта Дәүләт Советының Мактаулы рәисе, «Бердәм Россия» сәяси партиясенең Татарстан төбәк бүлеге секретаре Фәрит Мөхәммәтшин белдерде.
Республикада игеннәрне урып-җыю тәмамланып килә. 1 миллион 20 мең гектарда, ягьни барлык мәйданның 93 процентында бөртек суктырылган.
Россия Федерациясе Президенты Владимир Путин Россия халкын 18, 19. 20 сентябрьдә Федераль Җыенның Дәүләт Думасына һәм төбәк органнарына депутатлар сайлауда катнашырга чакырып, мөрәҗәгатьтә итте.
Татарстан Рәисе Рөстәм Миңнеханов Казанда сәламәтлек мөмкинлекләре чикләнгән кешеләр өчен «Ярдәм» инклюзия үзәген ачуда катнашты. Үзәк Серов урамында урнашкан, күрү сәләте бозылган һәм терәк-хәрәкәт аппараты авырулары булган кешеләр өчен бушлай хезмәт күрсәтә.
Республикада игеннәрне урып-җыю тәмамланып килә. Иң күп ашлык Буа районы хуҗалыкларында җыеп алынган – 172 мең 230 тоннага якын, Арча районында 163 мең 13 тонна бөртек суктырып алынган.
Татарстан Рәисе Рөстәм Миңнеханов Казанда сәламәтлек мөмкинлекләре чикләнгән кешеләр өчен «Ярдәм» инклюзия үзәген ачуда катнашты. Үзәк Серов урамында урнашкан, күрү сәләте бозылган һәм терәк-хәрәкәт аппараты авырулары булган кешеләр өчен бушлай хезмәт күрсәтә.
Республикада игеннәрне урып-җыю тәмамланып килә. Иң күп ашлык Буа районы хуҗалыкларында җыеп алынган – 172 мең 230 тоннага якын. Арча районында 163 мең 13 тонна бөртек суктырып алынган.
Галиәсгар Камал исемендәге Татар Дәүләт Академия театры артистлары 24 сентябрьдә Мәскәүдә Россия Кече театры сәхнәсендә «Әлфия Авзалова. Мәңгелек юл» спектаклен күрсәтергә җыена.
