Иртәнге чыгарылыш
Татарстан-бөтен Россиядән һәм башка илләрдән килгән туристларны җәлеп итәрлек кызыклы урын. Туристлык тармагы ел саен республика бюджетына 40 млрд сумга кадәр акча китерә. Бу хакта респуубликаның Туристлык буенча Дәүләт комитеты коллегиясе утырышында Татарстан Дәүләт Советы Рәисе Фәрит Мөхәммәтшин белдерде.
Казанда 2026 елда рекордлы иртә срокларда күпфатирлы йортларны капиталь ремонтлау программасын үтәүгә керештеләр. Ремонт бригадалары инде алты йортта эшли башлаган, ә быел барлыгы 163 объектны яңарту күздә тотыла.
2025 елда «Халык контроле» системасына 89 мең 200 мөрәҗәгать тапшырганнар. Бу хакта Татарстан Министрлар Кабинетында узган брифингта әйтелде. Гаризаларның 76 проценты, ягьни 69 меңгә якынына тикшереп, чара күрелгән.
2026 елның гыйнварына Татарстанда 185 мең 500 кече һәм урта предприятие исәпләнә. Бер елда аларның саны 4 процентка арткан. Шәхси эшмәкәрләр саны 7 процентка, ә үзмәшгульләр саны 16 процентка артып, 447 мең кешегә җиткән.
Мамадыштан махсус хәрби операция зонасындагы аерым хәрби частька хәрбиләр өчен чираттагы гуманитар йөк китте. Мамадыш районы башлыгы Вадим Никитин билгеләп үткәнчә, йөк Чаллыдан, Түбән Камадан һәм Мамадыштан җыелган.
Татарстанда агымдагы уку елында «Физик-химик алга китеш» дигән яңа проект эшли башлады. Аны гамәлгә ашыруга 1 миллиард 400 миллион сумнан артык акча тотылачак. Проект укытучыларга, укучыларга һәм мәктәпләргә ярдәм итүгә, шулай ук физика һәм химияне популярлаштыруга кагылышлы берничә юнәлешне үз эченә ала.
Кичке чыгарылышлар
Татарстан Рәисе Рөстәм Миңнеханов Россия Федерациясе Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры урынбасары Роман Курынин һәм ведомство министры киңәшчесе Даниил Мартынов белән очрашты.
Татарстан Эчке эшләр министрлыгы коллегиясенең киңәйтелгән утырышы узды. Утырышта Татарстан Рәисе Рөстәм Миңнеханов, Дәүләт Советы Рәисе Фәрит Мөхәммәтшин, Премьер-министр Алексей Песошин, Татарстан Рәисе хакимияте җитәкчесе Әсхәт Сәфәров, Татарстан буенча Баш федераль инспектор Виктор Демидов катнашты.
Татарстанда никахны теркәү өчен иң популяр айлар — июль һәм август. 2025 елда никахларның 30 проценты шушы айларга туры килгән. Бу хакта Татарстан Министрлар Кабинетының ЗАГС идарәсе җитәкчесе Эльвира Әхмәтова Казан ИТ-паркында узган ведомство коллегиясенең йомгаклау утырышында әйтте.
Татарстан Рәисе Рөстәм Миңнеханов Россия Федерациясе Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры урынбасары Роман Курынин һәм ведомство министры киңәшчесе Даниил Мартынов белән очрашты.
Татарстан Эчке эшләр министрлыгы коллегиясенең киңәйтелгән утырышы узды. Утырышта Татарстан Рәисе Рөстәм Миңнеханов, Дәүләт Советы Рәисе Фәрит Мөхәммәтшин, Премьер-министр Алексей Песошин, Татарстан Рәисе хакимияте җитәкчесе Әсхәт Сәфәров, Татарстан буенча Баш федераль инспектор Виктор Демидов катнашты.
Татарстан Рәисе хакимияте җитәкчесе Әсхәт Сәфәровка республика җитәкчесенең Татарстан Дәүләт Советында тулы вәкаләтле вәкиле вазыйфаларын башкару йөкләнде. Татарстан Рәисе Рөстәм Миңнеханов шул турыдагы Указга кул куйды.
