Иртәнге чыгарылыш
Мәскәүдә Россия Төзелеш һәм торак-коммуналь хуҗалык министры Ирек Фәйзуллин һәм Татарстан Премьер-министры Алексей Песошин очрашты. Алар инфраструктура үсеше, яңа төбәкләрне торгызу мәсьәләләре турында фикер алышты.
22 октябрьдә Россия Президентының Татарстан Республикасындагы кабул итү бүлегендә телефон аша турыдан-туры элемтә узачак. Ул «Социаль әһәмиятле һәм әйләнә-тирәдәгеләр өчен куркыныч тудыра торган авырулардан интегүче кешеләрне дару препаратлары белән тәэмин итү» дигән темага багышлана.
22 октябрьдә көндезге сәгать дүрттә Казанның Максим Горький урамында урнашкан «ШАЯН ТВ» телеканалы студиясендә балалар өчен татар һәм рус телләрендә «ШАЯН ШОРТС» дип аталган яңалыклар программасын тәкъдим итәчәкләр.
Көндезге чыгарылыш
Татарстанда агымдагы елның тугыз аенда мәҗбүри медицина иминияте акчалары хисабына 1 мең 900дән артык махсус хәрби операция ветеранына медицина ярдәме күрсәтелгән. Бу максатларга 53 миллион сумнан күбрәк акча юнәлтелгән.
Баулы районы мәдәният йортында «Каһарман әтисе» республика күчмә күргәзмәсе ачылды. Күргәзмә Баулы районында 10 ноябрьгә кадәр дәвам итәчәк. Аннан соң күчмә күргәзмәне Лениногорск һәм Бөгелмә районнары халкы күрә алачак.
Казан шәһәр башкарма комитеты мәктәпкәчә белем бирү программаларын гамәлгә ашыручы муниципаль һәм шәхси бакчаларга балаларын йөртүче гаиләләргә компенсация түләү тәртибен әзерләде. Документ «Казан шәһәрендә мәгарифне үстерү» муниципаль программасы буенча кабул ителде.
Кичке чыгарылышлар
Татарстан Рәисе Рөстәм Миңнеханов Татарстан делегациясенең махсус хәрби операция хәрбиләре белән очрашуы турындагы видеоязманы Telegram-каналында урнаштырган. Очрашуда хәрбиләргә Татарстан Дәүләт бүләкләре тапшырылган.
Бөтенроссия «Ватанны саклаучылар» фондының Татарстан бүлеге җитәкчесе Гүзәл Удачина «Батырлар. Татарстан Геройлары» проектында катнашучыларның уңышларын югары бәяләде. Программаның якынча нәтиҗәләренә багышланган очрашуда ул филиал һәм программада катнашучылар эшчәнлеге турында сөйләде.
Габдулла Кариев исемендәге Татар яшь тамашачылар театры шагыйрь, җәмәгать һәм дәүләт эшлеклесе Роберт Миңнуллинның тормышына, иҗатына багышланган «Гомер моңы» спектакленең премьерасын әзерли. Премьера 30 октябрьдә Габдулла Кариев исемендәге яшь тамашачы театрында була
Россия Хөкүмәте Рәисе Михаил Мишустин «КамАЗ» АҖ генераль директоры Сергей Когогин белән очрашты. Сергей Когогин ассызыклаганча, 2025 елда Россия базарында йөк автомобильләрен сату 50 мең берәмлек дәрәҗәсендә фаразлана. Ул шулай ук хөкүмәткә заказларны арттыруда, дөнья базарына чыгуда гамәлгә ашырыла торган ярдәм чаралары өчен рәхмәт белдерде.
Татарстан Рәисе Рөстәм Миңнеханов Татарстан делегациясенең махсус хәрби операция хәрбиләре белән очрашуы турындагы видеоязманы Telegram-каналында урнаштырган. Очрашуда хәрбиләргә Татарстан Дәүләт бүләкләре тапшырылган.
Бөтенроссия «Ватанны саклаучылар» фондының Татарстан бүлеге җитәкчесе Гүзәл Удачина «Батырлар. Татарстан Геройлары» проектында катнашучыларның уңышларын югары бәяләде. Программаның якынча нәтиҗәләренә багышланган очрашуда ул филиал һәм программада катнашучылар эшчәнлеге турында сөйләде.
