Иртәнге чыгарылыш.
Җиденче чакырылыш Татарстан Дәүләт Советының дүртенче утырышында 2025 елга һәм 2026 һәм 2027 еллар план чорына Татарстан бюджеты турындагы закон проекты беренче укылышта кабул ителде.
Татарстан Рәисе Рөстәм Миңнеханов Казан шәһәренең 2 нче пассажир автотранспорт предприятиесендә булды. Рөстәм Миңнехановка Казандагы маршрутларга чыгарыла торган яңа автобусларны тәкъдир иттеләр.
Татарстан Фәннәр Академиясенең Галимҗан Ибраһимов исемендәге Тел, әдәбият һәм сәнгать институтының 85 еллыгына багышлап, «Хәзерге академия фәнендә Россия халыклары телләре, әдәбияты һәм мәдәнияте» дигән халыкара фәнни форум ачылды.
Көндезге чыгарылыш
БРИКС саммиты алдыннан Татарстан башкаласына 100 яңа автобус биреләчәк. Аларның берничәсе маршрутларда йөри башлады. Республика Рәисе Рөстәм Миңнеханов һәм Казан мэры Илсур Метшин НЕФАЗ маркалы яңа автобусларны карадылар.
Петербург халыкара газ форумында «Газпром» акционерлык җәмгыяте идарәсе рәисе Алексей Миллерга Татарстандагы «Аммоний 2.0» проекты макетын тәкъдир иттеләр.
Мәскәүнең Кремль сараенда XV «Алтын билбау» илкүләм премиясе җиңүчеләрен игълан иттеләр. Россия президенты хакимияте җитәкчесенең беренче урынбасары Сергей Кириенко катнашында узган тантаналы чарада «Ел спортчысы» номинациясендә ирләр арасында җиңүче дип Татарстаннан Динар Кәримуллин танылды.
Кичке чыгарылышлар
Татарстан Дәүләт Советы Рәисе Фәрит Мөхәммәтшин Россия Федерациясе Федераль Җыены Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов белән очрашты. Алар социаль һәм миграция сәясәте өлкәсендә федераль, төбәк законнарын гамәлгә ашыру, федераль бюджетны формалаштыру, шулай ук Татарстанның дәүләт программаларында һәм проектларында катнашуы турында фикер алыштылар.
Петербург халыкара газ форумында «Газпром» акционерлык җәмгыяте идарәсе рәисе Алексей Миллерга Татарстандагы «Аммоний 2.0» проекты макетын тәкъдир иттеләр.
Мәскәүнең Кремль сараенда XV «Алтын билбау» илкүләм премиясе җиңүчеләрен игълан иттеләр. Россия президенты хакимияте җитәкчесенең беренче урынбасары Сергей Кириенко катнашында узган тантаналы чарада «Ел спортчысы» номинациясендә ирләр арасында җиңүче дип Татарстаннан Динар Кәримуллин танылды.
Татарстан Рәисе РөстәмМиңнехановэш сәфәре белән Төрекмәнстанга килде.Россия Федерациясе Президенты Владимир Путин җитәкчелегендәге Россия делегациясе составында ул Мәхтүмколый Фрагиның тууына 300 ел тулуга багышланган Халыкара форум чараларында катнаша.
Татарстан Рәисе Рөстәм Миңнеханов спортның регби төре буенча Россия чемпионатында көмеш медаль яулаган Казанның “Стрела-Ак барс” командасын котлап, телеграмма җибәрде. Республика Рәисе телеграммада клуб Президенты, Татарстан премьер-министры Алексей Песошинга, команда җитәкчеләренә, тренерларга, уенчыларга зур уңышлары өчен рәхмәт белдергән.
Иннополиста чираттагы халыкара вакыйга хисаплауны оптимальләштерү буенча буенча беренче конференция башланды. Анда Татарстан Премьер-министры урынбасары Роман Шәйхетдинов катнаша. Россия, Берләшкән Гарәп Әмирлекләре, Согуд Гарәбстаны, Молдавиядән килгән вәкилләр математика өлкәсендә 126 дөньякүләм эксперт укыту методлары турында фикер алыша. ⠀
