Иртәнге чыгарылыш
Казан Кремлендә чирәмдә хоккей буенча «Динамо — Ак Барс» ир — атлар һәм «Ак Барс — Динамо» хатын-кызлар клубларын — 2024 елгы Россия чемпионнарын хөрмәтләү тантанасы узды. Спортчыларны лаеклы җиңүләре белән Татарстан рәисе Рөстәм Миңнеханов котлады.
Татарстан Республикасының Россия Федерациясендәге Тулы вәкаләтле вәкиллегендә Тулы вәкаләтле вәкиллек оешуга 30 ел тулу уңаеннан хезмәт коллективының тантаналы җыелышы узды. Татарстан Дәүләт Советы Рәисе Фәрит Мөхәммәтшин Республика Рәисе Рөстәм Миңнеханов, парламент һәм республика Хөкүмәте исеменнән Татарстан Премьер-министры урынбасары – Татарстан Республикасының Росия Федерациясендәге Тулы вәкаләтле вәкиле Равил Әхмәтшинны һәм вәкаләтле вәкиллек хезмәткәрләрен истәлекле вакыйга белән котлады.
Казанда БРИКС илләре яшьләр советы утырышы башланды. Аңа Берләшмәнең барлык тугыз дәүләтеннән вәкилләр катнаша. Алар киләчәктә халыкара багланышлар турында фикер алыша, чараларның календарь планын төзи.
Көндезге чыгарылыш
Россиядәкоммунальчелтәрләрнеңтузуынтуктатуһәминфраструктураныңсыйфатыняхшыртуөчен биш-алты елтирәсе вакыт кирәк булачак. БухактаРоссия Президенты Владимир Путин белән очрашуда вице-премьер Марат Хөснуллин белдерде.Ул Владимир Путинга «Яшәү өчен Инфраструктура» яңа илкүләм проекты турында сөйләде.
БРИКС+ шәһәрләре һәм муниципалитетлары ассоциациясе рәисе Илсур Метшин берләшмәдә җиде профильле комитет оештырырга тәкъдим итте. Әлеге тәкъдим оешманың штаб-фатиры урнашкан Берләшкән Гарәп Әмирлекләрендәге җыелышта каралды.
Бүген республика сәүдә-сәнәгать палатасында яшь һәм булачак сайлаучылар өчен традицион чара уза. «Сайлау системасы гражданлык активын формалаштыруда яшьләр проектларының роле» темасына багышланган конференция төрле белгечләрне берләштерә.
Кичке чыгарылышлар
БРИКС+ шәһәрләре һәм муниципалитетлары ассоциациясе рәисе Илсур Метшин берләшмәдә җиде профильле комитет оештырырга тәкъдим итте. Әлеге тәкъдим оешманың штаб-фатиры урнашкан Берләшкән Гарәп Әмирлекләрендәге җыелышта каралды.
Бүген республика сәүдә-сәнәгать палатасында яшь һәм булачак сайлаучылар өчен традицион чара уза. «Сайлау системасы гражданлык активын формалаштыруда яшьләр проектларының роле» темасына багышланган конференция төрле белгечләрне берләштерә.
Татарстан Республикасында Кеше хокуклары буенча вәкаләтле вәкил һәм Республика суд приставлары идарәсе җитәкчелеге 5 ноябрьдә бергәләп гражданнарны кабул итүне оештыра. Чара көндезге сәгать икедән дүрткә кадәр кеше хокуклары буенча вәкаләтле вәкил аппаратында, Казанның Карл Маркс урамы, 61 йорт адресы буенча уза.
Татарстан Рәисе Рөстәм Миңнеханов хөкүмәт йортында геология-минералогия фәннәре докторы, Татарстан Фәннәр Академиясе академигы Ринат Хәлиулла улы Мөслимовны 90 яшьлеге белән котлады. Ул Ринат Мөслимовка «Татарстан Республикасы алдындагы казанышлары өчен» ордены медален тапшырды.
Татарстан Рәисе Рөстәм Миңнеханов хөкүмәт йортында БРИКС илләренең Яшьләр советы әгъзалары белән очрашты. Чарада катнашучыларга БРИКС илләренең Яшьләр советы утырышы турында видеоролик күрсәтелде. БРИКС илләре Яшьләр советының тарихтагы беренче очрашуы кичә 31 октябрьдә башланды.
3-4 ноябрьдә Татарстан музейларында «Сәнгать төне» Бөтенроссия акциясе уза. Быел ул Халыклар бердәмлеге көненә багышлана. «Сәнгать төне» төп вакыйгаларының берсе булып Татарстанның чигелгән картасын республика Милли музее фондларына тапшыру булачак.
