Иртәнге чыгарылыш
«Казан Экспо» үзәгендә авыл хуҗалыгы һәм эшкәртү сәнәгате хезмәткәрләре көненә багышланган тантана узды. Анда Татарстан рәисе Рөстәм Миңнеханов, Премьер-министр Алексей Песошин, Премьер-министры урынбасары – Авыл хуҗалыгы һәм азык-төлек министры Марат Җаббаров, тармак алдынгылары, ветераннар катнашты.
Казан Кремленең күргәзмәләр залында «Бар кешелекне үз туганыңны яраткан кебек ярат…» дигән күргәзмә ачылды. Проектны Казахстанның Абай өлкәсе мәдәният көннәрендә «Җидебай-Бөрили» дәүләт тарихи-мәдәни һәм әдәби-мемориаль музей-тыюлыгы әзерләгән. Күргәзмәдә Татарстан Рәисе Рөстәм Миңнеханов һәм Абай өлкәсе хакиме Нурлан Уранхаев булды.
Күренекле театр режиссеры, СССРның халык артисты, Россия һәм Татарстан Дәүләт премияләре ре лауреаты, «Алтын битлек” иясе, Марсель Хәким улы Сәлимҗановка 90 ел тулуны татар җәмәгатьчелеге зурлап билгеләп үтә. Яңа Татар зиратында Марсель Сәлимҗанов каберенә чәчәкләр салынды. Татарстан Милли музеенда «Марсель Сәлимҗанов: тылсымлы театр» дигән күргәзмә ачылды.
Көндезге чыгарылыш
БРИКС илләр һәм халыклар арасында яңа типтагы мөнәсәбәтләрнең чагылышы булып тора. Бу хакта Россия Федерациясе Президенты Владимир Путин «Валдай» халыкара дискуссия клубының пленар сессиясендә белдерде.
“КамАЗ” акционерлык җәмгыяте Венесуэлада махсус автомобиль техникасы һәм автобуслар җитештерү турындагы килешүне имзалады. Килешүгә кул кую тантанасы Латин Америкасы иле башкаласы Каракаста югары дәрәҗәдәге Россия-Венесуэла Хөкүмәтара комиссиясе утырышында узды.
Киләсе атнаның сишәмбе көнендә, ягьни 12 ноябрьдә, Казан поликлиникаларында шәһәр Думасы депутатлары тарафыннан халыкны кабул итүнең бердәм көне узачак. Халыкны көндезге сәгать икедән алып дүрткә кадәр яшәү урыннарындагы 24 поликлиникада кабул итү оештырыла.
Кичке чыгарылышлар
“КамАЗ” акционерлык җәмгыяте Венесуэлада махсус автомобиль техникасы һәм автобуслар җитештерү турындагы килешүне имзалады. Килешүгә кул кую тантанасы Латин Америкасы иле башкаласы Каракаста югары дәрәҗәдәге Россия-Венесуэла Хөкүмәтара комиссиясе утырышында узды.
Киләсе атнаның сишәмбе көнендә, ягьни 12 ноябрьдә, Казан поликлиникаларында шәһәр Думасы депутатлары тарафыннан халыкны кабул итүнең бердәм көне узачак. Халыкны көндезге сәгать икедән алып дүрткә кадәр яшәү урыннарындагы 24 поликлиникада кабул итү оештырыла.
Бүген Казан Федераль университетының Филология һәм мәдәниятара багланышлар институтында «Татарча диктант» акциясе башланды. Бирегә Филология институты студентлары һәм галимнәре, җәмәгать эшлеклеләре, актив яшьләр җыелды.
10 ноябрьдә Россия Эчке эшләр органнары хезмәткәрләре көне билгеләп үтелә. Бәйрәм алдыннан дәүләт автоинспекциясе идарәсендә эш автомашиналарын тапшыру тантанасы булды, эчке эшләр министрлыгының Актлар залында тантаналы чара узды. Ведомство хезмәткәрләрен Татарстан Рәисе Рөстәм Миңнеханов, башка рәсми затлар котлады.
Татарстан Дәүләт Советы Рәисе урынбасары Марат Әхмәтов Казахстан Республикасының Абай өлкәсе хакиме Нурлан Уранхаев һәм өлкә парламенты рәисе Куаныш Сөләйманов белән очрашты. ике арада мәдәниятара диалог һәм парламентара элемтәләрне киңәйтү мәсьәләләре хакында фикер алыштылар.
Бүген Казан Федераль университетының Филология һәм мәдәниятара багланышлар институтында «Татарча диктант» акциясе башланды. Бирегә Филология институты студентлары һәм галимнәре, җәмәгать эшлеклеләре, актив яшьләр җыелды.
