Иртәнге чыгарылыш
Татарстан Рәисе Рөстәм Миңнеханов Кытай коммунистлар партиясенең Сычуань провинциясе комитеты секретаре Ван Сяохуэй белән очрашты. Республика Рәисе җылы кабул иткән өчен рәхмәт белдерде, соңгы елларда Россия белән Кытай арасындагы дустанә мөнәсәбәтләрнең моңарчы күрелмәгән дәрәҗәгә җитүен, ә Татарстанның аларны ныгытуга үз өлешен кертүен билгеләп үтте.
Рөстәм Миңнеханов Кытайның FAW Toyota Motor автомобиль җитештерү компаниясендә булды. Татарстан Рәисе цехларны, җыелган машиналарны карады. Аңа машина төзелеше технологияләре, башка актуаль мәсьәләләр турында сөйләделәр. Рөстәм Миңнеханов Сычуань провинциясендәге Яңа Тянь фу районы концепциясе белән танышты. Ул Чэнду шәһәреннән 30 чакрым Көньякта урнашачак
Бүген Россия Федерациясе салым органнары хезмәткәрлре көне билгеләп үтелә. Шул уңайдан Татарстан Премьер-министры Алексей Песошинның республика салым хезмәткәрләрен һәм ветераннарын котлады.
Көндезге чыгарылыш
Декабрьдә Россия Федерациясе Президенты Владимир Путинның «Турыдан-туры линия» белән берләштерелгән зур матбугат конференциясе була. Анда дустанә мөнәсәбәтләрдә булмаган илләрдән массакүләм мәгълүмат чаралары вкәилләре дә кертеләчәк. Бу хакта Росссия Президентының матбугат секретаре Дмитрий Песков белдерде.
Татарстан Рәисе Рөстәм Миңнеханов Кытайга эш сәфәрен йомгаклап, Татарстан һәм Сычуань провинциясе эшлекле даирәләре белән түгәрәк өстәл утырышында катнашты. Очрашуда Кытайның әйдәп баручы компанияләре җитәкчеләре үз проектларын тәкъдим итте.
Әлмәт районының Түбән Мактама бистәсе делегациясе махсус операция зонасында булган. Җирлек башлыгы Вячеслав Сенин хезмәттәшләре белән 88 нче «Гранит» танк батальоны һәм «Алга» батальоны хәрбиләре белән очрашкан.
Кичке чыгарылышлар
Татарстан Рәисе Рөстәм Миңнеханов хөкүмәт йортында Россия Юстиция министрының беренче урынбасары Евгений Забарчук һәм Россия юстиция министры урынбасары Олег Свириденко белән очрашты. Анда Татарстан Республикасы һәм Россия Юстиция министрлыгы арасындагы хезмәттәшлекне үстерү, шулай ук төбәк суд экспертизасы үзәгенең яңа бинасын төзү өлешендә «Юстиция кварталы» проектын гамәлгә ашыру мәсьәләләре турында фикер алыштылар.
Казанның «Мәскәү» мәдәни үзәгендә «Казань за СВОих» дигән беренче ачык гуманитар форумы ачылды. Чара махсус хәрби операциядә катнашучыларга ярдәм оештыруны камилләштерү өчен бер мәйданчыкта волонтерларны, хакимият, бизнес вәкилләрен берләштерде.
23 ноябрьдә Идел буе дәүләт физик культура, спорт һәм туризм университетында Татарстан Республикасының көрәш сәнгате өлкәсендәге «Алтын билбау» милли премиясен җиденче тапкыр тапшыру тантанасы була.
Татарстан Рәисе Рөстәм Миңнеханов хөкүмәт йортында Россия Юстиция министрының беренче урынбасары Евгений Забарчук һәм Россия юстиция министры урынбасары Олег Свириденко белән очрашты. Анда Татарстан һәм Россия Юстиция министрлыгы арасындагы хезмәттәшлекне үстерү, шулай ук төбәк суд экспертизасы үзәгенең «Юстиция кварталы» проектын гамәлгә ашыру мәсьәләләре турында фикер алыштылар.
60 илнең вәкиле һәм егермегә якын илче Россия илчелеге Япониядә оештырган БРИКС саммитына багышланган чарада катнашты. Россиянең Токиодагы илчесе Николай Ноздрев БРИКСның ролен һәм әһәмиятенә бәйле фикерләре белән уртаклашты, шулай ук Татарстан башкаласында узган саммит йомгаклары турында сөйләде.
Казанның «Мәскәү» мәдәни үзәгендә «Казань за СВОих» дигән беренче ачык гуманитар форумы ачылды. Чара махсус хәрби операциядә катнашучыларга ярдәм оештыруны камилләштерү өчен бер мәйданчыкта волонтерларны, хакимият, бизнес вәкилләрен берләштерде.
