Иртәнге чыгарылыш
Татарстан Министрлар Кабинетында «Татнефтехиминвест-холдинг» ның чираттагы утырышы узды. Анда Татарстан Рәисе Рөстәм Миңнехановка нефть һәм химия сәнәгатенең яңа эшләнмәләрен тәкъдир иттеләр.
Татарстан Премьер-министры Алексей Песошин хезмәт һәм мәшгульлек буенча Федераль хезмәт җитәкчесе урынбасары Ян Талбацкий белән очрашты. Алар гражданнарның хезмәт хокукларын тәэмин итү, халыкны социаль яклау өлкәсендә Татарстан белән Федераль хезмәт, мәшгульлек һәм социаль яклау министрлыгы арасындагы хезмәттәшлек мәсьәләләре буенча фикер алыштылар.
Республикада 1 декабрьдән инвалидлар ункөнлеге узачак. Бу көннәрдә Казанда 100 дән артык мәдәни-массакүләм һәм спорт чаралары, хәйрия концертлары, төрле акцияләр, осталык дәресләре, китап һәм рәсем күргәзмәләре, иҗади очрашулар, спектакльләр, фестивальләр үткәрү каралган
Көндезге чыгарылыш
Татарстан рәисе Рөстәм Миңнеханов Федераль салым хезмәте җитәкчесе Даниил Егоров белән очрашты. Федераль салым хезмәте белән Татарстан Хөкүмәте арасында хезмәттәшлекнең нәтиҗәле системасын үстерү, бизнесны ачык һәм уңайлы алып бару өчен шартлар тудыру, шулай ук республиканың салым салу өлкәсендәге кайбер проектларда катнашуы турында фикер алыштылар.
Казан Ратушасында «Россия – Көнчыгыш: Казанда Көнчыгыш базары» Халыкара милли мәдәниятләр фестивален ачу тантанасы узды. Республика җитәкчелеге, Дәүләт Советы депутатлары, Татарстан Халыклары ассамблеясе исеменнән кунакларны һәм фестивальдә катнашучыларны Дәүләт Советы Рәисе Фәрит Мөхәммәтшин сәламләде.
Чаллыга зур пассажир автобуслары кайтарылды. Тиздән аларны шәһәр коммуналь хуҗалыгына тапшырачаклар. Әлеге автобуслар «Уңайлы мохит» программасы буенча сатып алынган, салонга 195 пассажирны сыйдыра ала.
Кичке чыгарылыш.
Татарстан рәисе Рөстәм Миңнеханов Федераль салым хезмәте җитәкчесе Даниил Егоров белән очрашты. Федераль салым хезмәте белән Татарстан Хөкүмәте арасында хезмәттәшлекнең нәтиҗәле системасын үстерү, бизнесны ачык һәм уңайлы алып бару өчен шартлар тудыру, шулай ук республиканың салым салу өлкәсендәге кайбер проектларда катнашуы турында фикер алыштылар.
Татарстанда быел юл эшләренә 83 млрд сум акча бүлеп бирелгән, шуның 9 млрд сумы – федераль бюджеттан. Бу хакта Татарстан Министрлар Кабинетында узган брифингта транспорт һәм юл хуҗалыгы министры Фәрит Хәнифов белдерде.
Татарстан делегациясе “Россия-АСЕАН: мөмкинлекләр дөньясы” I халыкара бизнес-форумында катнашты. Пленар утырышта Татарстанның сәнәгать мөмкинлекләрен тәкъдир иттеләр.
Чаллыга зур пассажир автобуслары кайтарылды. Тиздән аларны шәһәр коммуналь хуҗалыгына тапшырачаклар. Әлеге автобуслар «Уңайлы мохит» программасы буенча сатып алынган, салонга 195 пассажирны сыйдыра ала.
