Иртәнге чыгарылыш
Татарстан рәисе Рөстәм Миңнеханов Федераль салым хезмәте җитәкчесе Даниил Егоров белән очрашты. Федераль салым хезмәте белән Татарстан Хөкүмәте арасында хезмәттәшлекнең нәтиҗәле системасын үстерү, бизнесны ачык һәм уңайлы алып бару өчен шартлар тудыру, шулай ук республиканың салым салу өлкәсендәге кайбер проектларда катнашуы турында фикер алыштылар.
Татарстанда быел юл эшләренә 83 млрд сум акча бүлеп бирелгән, шуның 9 млрд сумы – федераль бюджеттан. Бу хакта Татарстан Министрлар Кабинетында узган брифингта транспорт һәм юл хуҗалыгы министры Фәрит Хәнифов белдерде.
Татарстан делегациясе “Россия-АСЕАН: мөмкинлекләр дөньясы” I халыкара бизнес-форумында катнашты. Пленар утырышта Татарстанның сәнәгать мөмкинлекләрен тәкъдир иттеләр.
Көндезге чыгарылыш
Казанда БРИКС саммиты зур уңыш белән узды. Россия Президенты Владимир Путинның Казахстанга эш сәфәре алдыннан «Казахстанская правда» газетасында чыккан әңгәмәсендә шул хакта бәян ителә.
Дәүләт Советында депутатлар һәм аларның ярдәмчеләре өчен семинар узды, анда парламент эшчәнлеген хокукый һәм оештыру ягыннан тәэмин итү, шулай ук гражданнар мөрәҗәгатьләре белән эшләү мәсьәләләре каралды. Дәүләт Советы Рәисе Фәрит Мөхәммәтшин җиденче чакырылыш Татарстан парламенты депутатларын һәм аларның ярдәмчеләрен закон чыгару эшчәнлегендә генә түгел, ә иҗтимагый-сәяси һәм республиканың хуҗалык тормышында да актив катнашырга өндәде.
Татарстан Хөкүмәте Йортында республика Премьер-министры Алексей Песошин рәислегендә «Татэнерго» акционерлык җәмгыяте директорлар советының чираттагы утырышы узды. Анда быелның 9 аендагы эш йомгаклары буенча фикер алыштылар.
Кичке чыгарылышлар
Казанда БРИКС саммиты зур уңыш белән узды. Россия Президенты Владимир Путинның Казахстанга эш сәфәре алдыннан «Казахстанская правда» газетасында чыккан әңгәмәсендә шул хакта бәян ителә.
Чаллыда яңа «НефАЗ» автобуслары шәһәрдә пассажирлар йөртүгә тапшырылды. Тантаналы чарада Татарстан Рәисе Рөстәм Миңнеханов, Чаллы шәһәре мэры Наил Мәһдиев, «КамАЗ» акционерлык җәмгыяте генераль директоры Сергей Когогин катнашты. Чаллы шәһәр маршрутларын 44 яңа «Нефаз» автобусы тулыландырды.
Татарстан Дәүләт Советының законлылык һәм хокук тәртибе комитеты рәисе урынбасары, Россия Герое Рәсим Баксиков Луганскийда «Белем. Батырлар» форумында мәктәп укучылары һәм студентлар белән очрашты. Ул үзенең эш тәҗрибәсе һәм тормыш кыйммәтләре турында фикерләре белән уртаклашты.
Чаллыда яңа «НефАЗ» автобуслары шәһәрдә пассажирлар йөртүгә тапшырылды. Тантаналы чарада Татарстан Рәисе Рөстәм Миңнеханов, Чаллы шәһәре мэры Наил Мәһдиев, «КамАЗ» акционерлык җәмгыяте генераль директоры Сергей Когогин катнашты. Чаллы шәһәр маршрутларын 44 яңа «Нефаз» автобусы тулыландырды.
Иртәгә җиденче чакырылыш Татарстан Дәүләт Советының бишенче утырышы була. Анда 19 мәсьәлә, шул исәптән 9 республика законы проекты каралачак. Көн тәртибендәге төп мәсьәлә — 2025 елга, 2026 һәм 2027 еллар план чорына Татарстан бюджеты һәм Территория мәҗбүри медицина иминияте фонды бюджеты турындагы закон проектын икенче укылышта тикшерү.
Татарстан Дәүләт Советының законлылык һәм хокук тәртибе комитеты рәисе урынбасары, Россия Герое Рәсим Баксиков Луганскийда «Белем. Батырлар» форумында мәктәп укучылары һәм студентлар белән очрашты. Ул үзенең эш тәҗрибәсе һәм тормыш кыйммәтләре турында фикерләре белән уртаклашты.
