Иртәнге чыгарылыш
Татарстан Рәисе Рөстәм Миңнеханов Малайзиягә эш сәфәренә килде.
11 декабрьдә, Куала-Лумпурда Рөстәм Миңнеханов рәислегендә «Россия-Ислам дөньясы» стратегик караш төркеменең күчмә утырышы узачак. Төп тема — «Формалашып килүче күпполярлык чорында Россия һәм Ислам дөньясының үзара хезмәттәшлеге».
Утырышта 200ләп кеше катнашыр дип планлаштырыла. Төркемдә катнашучылардан тыш, шулай ук БРИКС илләре, Азия-Тын Океан төбәге мөселман берләшмәләре лидерлары, профильле экспертлар булачак.
Россиянең беренче вице-премьеры Денис Мантуров Чаллының 400 еллыгын, шулай ук беренче «Камаз» йөк машинасы чыгуның 50 еллыгын бәйрәм итүгә әзерлек буенча оештыру комитетын җитәкләде. Әлеге боерыкны Россия премьер-министры Михаил Мишустин имзалады.
Татарстан Халыклары дуслыгы йортында «Татарстан – яңа гасыр» республика иҗтимагый хәрәкәте Югары Советының киңәйтелгән утырышы булды. Анда махсус хәрби операциядә катнашучыларга, аларның гаиләләренә ярдәм итү мәсьәләләре турында фикер алыштылар. Утырышны Дәүләт Советы Рәисе, хәрәкәтнең Югары Советы Рәисе Фәрит Мөхәммәтшин үткәрде.
Казандагы «Гаилә» мәчете «Гаилә җылысы» хәйрия акциясенә кушылды. Биредә махсус хәрби операциядә катнашучы солдатлар өчен посылкалар әзерли. Оештыручылар барлык теләүчеләрне әлеге чарага кушылырга һәм хәрбиләргә ярдәм итәргә чакыра.
Көндезге чыгарылыш
Татарстан Рәисе Рөстәм Миңнеханов бүген эш сәфәре белән Малайзиядә. Куала-Лумпурда Рөстәм Миңнеханов рәислегендә «Россия-Ислам дөньясы» стратегик караш төркеменең күчмә утырышы уза. Татарстан Рәисе Рөстәм Миңнеханов һәм Малайзия Премьер-министры Әнвәр Ибраһим «Россия-Ислам дөньясы» стратегик караш төркеме утырышы алдыннан очраштылар.
Татарстанда газлаштырып бетерү программасы буенча табигый газ 29 меңгә якын кишәрлек чигенә кадәр китереп җиткерелгән, 23 мең 258 йорт табигый газ куллана башлады инде, дип белдерде «Газпром трансгаз Казан» җаваплылыгы чикләнгән җәмгыяте генераль директоры Рөстәм Усманов республика Хөкүмәте Йортында узган брифингта.
Галиәсгар Камал исемендәге Татар дәүләт Академия театрының яңа бинасында төзү-монтажэшләре 2024 ел ахырына кадәр тулысынчатәмамланыргатиеш. БухактаТатарстан Төзелеш министр Марат Айзатуллин журналистлар белән очрашуда белдерде.
Кичке чыгарылышлар
Татарстан Рәисе Рөстәм Миңнеханов бүген эш сәфәре белән Малайзиядә. Куала-Лумпурда Рөстәм Миңнеханов рәислегендә «Россия-Ислам дөньясы» стратегик караш төркеменең күчмә утырышы узды. Татарстан Рәисе Рөстәм Миңнеханов һәм Малайзия Премьер-министры Әнвәр Ибраһим «Россия-Ислам дөньясы» стратегик караш төркеме утырышы алдыннан очраштылар.
Галиәсгар Камал исемендәге Татар дәүләт Академия театрының яңа бинасында төзү-монтажэшләре 2024 ел ахырына кадәр тулысынчатәмамланыргатиеш. БухактаТатарстан Төзелеш министр Марат Айзатуллин журналистлар белән очрашуда белдерде.
Буа дәүләт драма театрында район үзәк хастаханәнең 175 еллыгы уңеннан оештырылган тантаналы чарада табибларга, шәкать туташларына дәүләт бүләкләре тапшырылды.
Татарстан Рәисе Рөстәм Миңнеханов бүген эш сәфәре белән Малайзиядә. Куала-Лумпурда Рөстәм Миңнеханов рәислегендә «Россия-Ислам дөньясы» стратегик караш төркеменең күчмә утырышы узды.
Татарстан Рәисе Рөстәм Миңнеханов Малайзия Премьер-министры Әнвәр Ибраһимның шәхси чакыруы буенча аның резиденциясендә булды. Очрашу «Россия — Ислам дөньясы» стратегик караш төркеме утырышыннан соң узды. Әңгәмәдә уртак проектларны тикшерделәр, Рөстәм Миңнеханов үткәргән төркем утырышына йомгак ясадылар.
Казандагы «Зәңгәр күлләр» тыюлыгы территориясенә керү түләүле булачак. Татарстан Премьер-министры Алексей Песошин шул хактагы карарны имзалады. Документ текстында әйтелгәнчә, бәяне республика Министрлар Кабинеты билгеләячәк.
