Иртәнге чыгарылыш
Татарстан Рәисе Рөстәм Миңнеханов ТР Арбитраж суды коллективына ТР Арбитраж суды Рәисен тәкъдим итүдә катнашты.
2024 елның узган 11 аенда Татарстанда өч меңгә якын юл-транспорт һәлакәте теркәлгән, аларда 288 кеше һәлак булган.
Яңа ел бәйрәмнәрендә Казанның 28 паркы һәм скверында 106 чара узачак.
Көндезге чыгарылыш
Татарстан Рәисе Рөстәм Миңнеханов Әзербәйҗан җитәкчелеге чакыруы буенча эш сәфәре белән Баку шәһәренә килде. Рөстәм Миңнехановның эш программасында-берничә предприятиедә булу, шулай ук рәсми очрашуларда, эшлекле сөйләшүләрдә катнашу.
Россия Федераль Җыены Дәүләт Думасы Рәисе Вячеслав Володин төбәкләрнең закон чыгару органнары җитәкчеләре: Федераль Җыен каршындагы Россия Закон чыгаручылар советы әгъзалары белән очрашты. Очрашуда Татарстан Дәүләт Советы Рәисе Фәрит Мөхәммәтшин катнашты.
Казанда төбәк әһәмиятендәге «Зәңгәр күлләр» махсус сакланучы табигый территориясенә керү бәясе 100 сум итеп билгеләнде. Татарстан Министрлар Кабинетының бу хактагы карарына республика Премьер-министры Алексей Песошин кул куйды.
Кичке чыгарылышлар
Татарстан Рәисе Рөстәм Миңнеханов Әзербәйҗан җитәкчелеге чакыруы буенча эш сәфәре белән Баку шәһәренә килде. Ул «Аләт» ирекле икътисадый зонасында булды. Әзәрбәйҗан Икътисад министры Микаил Җаббаров һәм ирекле зона җитәкчелеге Рөстәм Миңнехановны ирекле икьтисадый зона мөмкинлекләре белән таныштырдылар.
Россия Федераль Җыены Дәүләт Думасы Рәисе Вячеслав Володин төбәкләрнең закон чыгару органнары җитәкчеләре: Федераль Җыен каршындагы Россия Закон чыгаручылар советы әгъзалары белән очрашты. Очрашуда Татарстан Дәүләт Советы Рәисе Фәрит Мөхәммәтшин катнашты.
Казанда төбәк әһәмиятендәге «Зәңгәр күлләр» махсус сакланучы табигый территориясенә керү бәясе 100 сум итеп билгеләнде. Татарстан Министрлар Кабинетының бу хактагы карарына республика Премьер-министры Алексей Песошин кул куйды.
ӘзербайҗанПрезиденты ИлһамАлиев Бакудагы резиденциясендә Татарстан Рәисе Рөстәм Миңнехановныкабулитте. Татарстан Рәисе Әзербайҗанга чакырулары өчен рәхмәт белдерде. «Без дустанәРоссия-Әзербәйҗан мөнәсәбәтләре нигезендә сезнең илбеләнхезмәттәшлекнекиңәйтү мөмкинлеген югары бәялибез, соңгы елларда элемтәләрсизелерлек активлашты”, — дип ассызыклады Рөстәм Миңнеханов.
Әзербәйҗан Президенты Илһам Алиев Татарстан Рәисе Рөстәм Миңнехановка «Достлуг» — («Дуслык») орденын тапшырды. Әлеге орден Әзербәйҗан Республикасы белән чит дәүләтләр арасында дустанә, икътисадый һәм мәдәни багланышларны үстерүдәге аерым казанышлар, халыклар дуслыгын ныгытуга аерым өлеш керткән, илләр, төбәкләр арасында тынычлык һәм тотрыклылык урнаштырудагы казанышлар өчен, Әзербәйҗан һәм чит дәүләтләр гражданнары бүләкләнә.
Татарстан Дәүләт Советы Рәисе Фәрит Мөхәммәтшин Мәскәүдә Россия Федераль Җыены каршындагы Россия Закон чыгаручылар советы утырышында катнашты. Парламентарийлар, тармак министрлыклары һәм ведомстволары җитәкчеләре, фәнни, эксперт җәмәгатьчелеге вәкилләре коммуналь инфраструктураны заманчалаштыру, төбәкләрдә каты коммуналь калдыклар белән эш итү мәсьәләләре буенча фикер алыштылар
