Иртәнге чыгарылыш
Хәзерге көнүзәк бурыч — махсус хәрби операцияне уңышлы тәмамлау. Бөтен ил Җиңүне тәэмин итү өчен мобилизацияләнгән. Бу хакта Татарстан Рәисе Рөстәм Миңнеханов республика муниципаль берәмлекләре советы ассоциациясенең XIX съездында белдерде. Анда шулай ук Дәүләт Советы Рәисе Фәрит Мөхәммәтшин, Премьер-министр Алексей Песошин катнашты.
Татарстан Рәисе Рөстәм Миңнеханов Казанга яңа маркалы троллейбуслар тапшыруда катнашты. Троллейбуслар Минск автомобиль заводында ясалган. Быел башкалабыз 39 яңа троллейбус алды.
Республика Хөкүмәте 2025 елга Татарстан Рәисе Рөстәм Миңнехановның Дәүләт Советына Юлламасын гамәлгә ашыру буенча комплекслы эш планын әзерләде. Документ Татарстан Министрлар Кабинеты карары белән расланган.
Көндезге чыгарылыш
Татарстан Рәисе Рөстәм Миңнеханов Түбән Кама җылылык электр үзәгендәге берничә обьектта булды. Шуларның берсе — катнаш ягулыкта эшләүче агрегатлар — Россия өчен энергетика өлкәсендәге уникаль проект.
Бүген Россия федерациясе Иминлек органнары хезмәткәрләре көне. Шул уңайдан Татарстан хөкүмәте исеменнән Премьер-министр Алексей Песошин барлык хезмәткәрләрне һәм ветераннарны һөнәри бәйрәмнәре белән котлады.
«Эколидер-2024» республика конкурсына йомгак ясалды. Абсолют җиңүче дип «Татнефть» акционерлык җәмгыяте билгеләнде. «Җирле үзидарә органнары» төркемендә – Биектау районы, «Экология белемен бирү» юнәлешендә Алабуга районы балалар экология-биология үзәге билгеләп үтелде.
Кичке чыгарылышлар
Татарстан Премьер-министры Алексей Песошин “Татэнерго” акционерлык җәмгыяте бинасында энергетика көнен бәйрәм итүгә багышланган чараларда катнашты. Энергетикларныһөнәрибәйрәмнәребелән «Татэнерго» директоры Раузил Хаҗиев котлады.
Татарстан Хөкүмәте Йортында Гадәттән тыш хәлләрне кисәтү һәм һәм янгын куркынычсызлыгын тәэмин итү комиссиясе утырышы булды. Чара республиканың барлык муниципаль районнары белән видео элемтә аша узды. Утырышны комиссия рәисе урынбасары – Татарстан Премьер-министрының беренче урынбасары Рөстәм Нигъмәтуллин үткәрде.
22 декабрьдә, якшәмбе көнне “Татарстан яңа гасыр” телеканалында Россиядә Гаилә елы йомгакларына багышланган 12 сәгатьлек » Яңа ел белән, гаилә!» дигән телевизион марафон уза. Анда 50 гаилә һәм 100 бала катнашырга җыена.
Татарстан Премьер-министры Алексей Песошин “Татэнерго” акционерлык җәмгыяте бинасында энергетика көнен бәйрәм итүгә багышланган чараларда катнашты. Энергетикларныһөнәрибәйрәмнәребелән «Татэнерго» директоры Раузил Хаҗиев котлады.
Татарстан Хөкүмәте Йортында Гадәттән тыш хәлләрне кисәтү һәм һәм янгын куркынычсызлыгын тәэмин итү комиссиясе утырышы булды. Чара республиканың барлык муниципаль районнары белән видео элемтә аша узды. Утырышны комиссия рәисе урынбасары – Татарстан Премьер-министрының беренче урынбасары Рөстәм Нигъмәтуллин үткәрде.
Дәүләт Советында Татарстан Рәисе каршындагы татар телен һәм Татарстан Республикасында яшәүче халыкларның туган телләрен саклау, үстерү мәсьәләләре буенча комиссиянең киңәйтелгән утырышы узды. Анда Россия Федерациясе Дәүләт тел сәясәте концепциясен гамәлгә ашыруда республикада туган телләрне үстерүне тәэмин итү буенча документ проектын эшләү мәсьәләләре каралды.
