Иртәнге чыгарылы
25 декабрьдә “Татнефть Арена» боз спорт сараенда Республика Яңа ел чыршысы бәйрәме була. Чараның программасына ике тамаша кертелгән, алар сәгать көндезге уникедә һәм дүрттә башлана. Тамашаларда махсус хәрби операциядә катнашучыларның гаиләләрендә тәрбияләнүче балалар, олимпиадаларда, конкурсларда җиңүчеләр, шулай ук балалар йортларында һәм интернат мәктәпләрендә тәрбияләнүчеләр катнашачак.
Татарстан Премьер-министры урынбасары — Авыл хуҗалыгы һәм азык-төлек министры Марат Җаббаров «Теләкләр чыршысы» Бөтенроссия хәйрия акциясендә катнашты. Ул Кукмара һәм Биектау районыннан килгән балаларның Яңа Ел теләкләрен үтәячәк.
«Салават күпере» торак комплексында зур яңа поликлиника ел ахырына кадәр ачылачак. Казанның 12 нче клиник хастаханәсе поликлиникасының «Салават Күпере» торак комплексындагы филиалының үзенчәлеге шунда, биредә балалар һәм өлкәннәр бүлекләре, хатын-кызлар консультациясе һәм ашыгыч медицина ярдәме подстанциясе бер урында урнашкан.
Көндезге чыгарылыш
Казанда «Ел җитәкчесе» республика иҗтимагый конкурсы лауреатларын бүләкләү тантанасы узды. Анда Татарстан Рәисе Рөстәм Миңнеханов, Премьер-министр Алексей Песошин катнашты.
Идел буе дәүләт физик культура, спорт һәм туризм университетында «Ел спортчысы» республика премиясен тапшыру тантанасы узды. Татарстан Рәисе, Хөкүмәт һәм республика парламенты исеменнән спорт премиясе җиңүчеләрен Дәүләт Советы Рәисе Фәрит Мөхәммәтшин котлады.
Галимҗан Ибраһимов исемендәге Тел, әдәбият һәм сәнгать институтында язучы һәм галим Нәкый Исәнбәтнең 125 еллыгына багышланган түгәрәк өстәл янында сөйләшү узды. Институт директоры, филология фәннәре кандидаты Илгиз Халиков олы шәхеснең мирасы турында сөйләде.
Кичке чыгарылышлар
Татарстан Рәисе Рөстәм Миңнеханов хөкүмәт йортында республиканың мәгариф һәм фән советы утырышын үткәрде. Рөстәм Миңнеханов билгеләп үткәнчә, хәзерге дөньякүләм вәзгыять шартларында илебезнең һәм республикабызның фәнни-мәгариф комплексы эшенең шартларын, база принципларын тамырдан үзгәртте.Төбәкләрнең фән-технология үсеше илкүләм рейтингында Татарстан лидерлык позициясен саклап калды.
Татарстан Рәисе Рөстәм Миңнеханов Казахстанда самолет һәлакәте сәбәпле, туганнарын һәм якыннарын югалткан кешеләрнең кайгысын уртаклашты, гадәттән тыш хәлдә зыян күрүчеләрнең тизрәк терелүләрен теләде.
Галимҗан Ибраһимов исемендәге Тел, әдәбият һәм сәнгать институтында язучы һәм галим Нәкый Исәнбәтнең 125 еллыгына багышланган түгәрәк өстәл янында сөйләшү узды. Институт директоры, филология фәннәре кандидаты Илгиз Халиков олы шәхеснең мирасы турында сөйләде.
