Иртәнге чыгарылыш
Татарстан Рәисе Рөстәм Миңнеханов автомобиль йөртүчеләрне юлларда сак булырга өндәде. Бу хакта ул үзенең Telegram-каналында язган.
Лениногорск районыннан махсус хәрби операция зонасына чираттагы гуманитар йөк китерелде. Аны Татарстан Дәүләт Советының икътисад, инвестицияләр һәм эшмәкәрлек комитеты рәисе Рәгать Хөсәенов җитәкчелегендәге делегация озата барды.
13 гыйнвардан Казанда Яңа ел чыршыларын җыю пунктлары ачыла. Җыелган агачларда уенчыклар, бизәнү әйберләре булмаска тиеш. Әлеге чыршыларны малларга туклануга яки эшкәртүгә җибәрәчәкләр.
Көндезге чыгарылыш
1 гыйнвардан Татарстанда Россия Оборона министрлыгы белән контракт төзегәндә, хәрбиләргә бер тапкыр бирелә торган түләү 2 миллион 200 мең сумга кадәр артачак. Бу сумма төбәк, федераль һәм муниципаль түләүләрдән тора.
Татарстан шифаханәләрдә ял итү өчен Россия төбәкләре рейтингында 5 нче урынны алды. Сораштыру нәтиҗәләре «Россия санаторийлары» порталында басылган.
Февраль аенда Лаеш районының «Идел» яшьләр үзәгендә эшләүче яшьләрнең VII республика иҗат җыены үткәрелә. Ул «Безнең заман» XIII ачык республика телевизион иҗат фестивалендә катнашуга әзерлекнең беренче этабы булачак.
Кичке чыгарылышлар
Россиядә яшәүче халыклар телләренең дәүләт реестры булдырылачак, аларның статуслары системага салыначак. Хәзерге вакытта гамәлдә булган закон урынына, «Россия Федерациясе халыклары телләре турында»гы федераль закон проекты әзерләнә. Бу уңайдан Россия Федерациясе Президенты Владимир Путин бурычлар куйды.
1 гыйнвардан Татарстанда Россия Оборона министрлыгы белән контракт төзегәндә, хәрбиләргә бер тапкыр бирелә торган түләү 2 миллион 200 мең сумга кадәр артачак. Бу сумма төбәк, федераль һәм муниципаль түләүләрдән тора.
Һава торышына бәйле рәвештә юл шартларының начараюы сәбәпле, Татарстанда М5 трассасы участогында пассажир автобуслары, маршрут таксилары, йөк транспорты өчен хәрәкәтне вакытлыча чикләделәр.
Россиядә яшәүче халыклар телләренең дәүләт реестры булдырылачак.
Лаеш районы башлыгы Илдус Зарипов махсус хәрби операция зонасындагы якташ егетләргә Яңа ел гуманитар конвоен илтеп тапшырды.
Һава торышы начараю сәбәпле, машина йөртүчеләргә автомобильнең техник торышына, аеруча тормозлау системасына һәм шиналарның торышына игътибар итәргә кирәк.
