Иртәнге чыгарылыш
Бөек Ватан сугышында Җиңүнең 80 еллыгы елында Татарстанда күмәк яшьләр чараларын оештыру каралган. Шуларның берсе -«Җиңүгә кадәр 80 көн» акциясе 19 февральдә башлана. Акция барышында яшьләр арасында тарихи хәтерне саклауга, Кызыл Армия каһарманнары, совет халкының хезмәт батырлыгы, буыннар дәвамчанлыгы турындагы истәлекне мәңгеләштерүгә юнәлдерелгән төрле планлы чаралар узачак.
Республиканың яшь парламентарийлары Курск өлкәсенә чираттагы гуманитар ярдәмне илтеп тапшырдылар. БуюлыТатарстаннан өлкәдәяшәүчеләргә4 меңнән артык азык-төлек җыелмасы җибәрелде.
Казан метросының икенче линиясенең беренче участогын төзүгә өстәмә 555 миллион сумнан артык акча бүлеп бирәчәкләр. Әлеге акчалар Татарстан бюджетыннан бүленә.
Көндезге чыгарылыш
Россия Президенты Владимир Путин Россия Хөкүмәтенә дәүләт җитәкчесе хакимияте һәм Волонтерлык үзәкләре ассоциациясе белән бергә, Волонтерлык, башка коммерцияле булмаган оешмалар халыкара ассоциациясен булдыру инициативасын хупларга кушты. Владимир Путин шулай ук мондый оешмаларның эшчәнлегенә ярдәм күрсәтергә йөкләмә бирде.
Татарстан Россия төбәкләре арасында 2024 елда авыл хуҗалыгы продукциясе җитештерү буенча лидерлар өчлегенә керде. Узган елда республикада барысы 341 миллиард сумнан артык авыл хуҗалыгы продукциясе җитештерелде.
КәримТинчурин исемендәге Татар Дәүләт драма һәм комедия театры классик язучы Әмирхан Еники хикәяләре буенча сәхнәләштерелгән «Сезне Ватан Онытмас!» спектаклен күрсәтәчәк.Спектакль Бөек Җиңүнең 80 еллыгына һәм махсус хәрби операция каһарманнарына багышлана.
Кичке чыгарылышлар
Казанда Россия Гадәттән тыш хәлләр министрлыгының янгын-коткару спорты буенча «Татарстан Премьер-министры Кубогы»на 20 нче ярышлар башланды. Ачылыш тантанасында Татарстан Премьер-министры Алексей Песошин, республика Рәисе ярдәмчесе Рәфис Хәбибуллин, Россия гадәттән тыш хәлләр министрлыгының Татарстандагы идарәсе җитәкчесе Ирек Кадамов катнашты.
2024 елда «Иннополис» махсус икътисадый зонасы составына резидентлар, партнерлар һәм стартаплар сыйфатында 37 яңа компания кергән. Хәзер “Иннополис”та 342 югары технологияле компания исәпләнә, шуларның — 136ы резидентлар, 59ы — партнерлар, 147е –стартаплар.
Кәрим Тинчурин исемендәге Татар Дәүләт драма һәм комедия театры классик язучы Әмирхан Еники хикәяләре буенча сәхнәләштерелгән «Сезне Ватан Онытмас!» спектаклен күрсәтәчәк. Спектакль Бөек Җиңүнең 80 еллыгына һәм махсус хәрби операция каһарманнарына багышлана.
17-28 февраль көннәрендә республиканың барлык мәктәпләрендә “Ватанга хезмәт итү – изге бурыч!” дигән темага парламент дәресләре узачак. Ул Татарстанда һәм Россиядә игълан ителгән Ватанны саклаучылар елына һәм Бөек Ватан сугышында Җиңүнең 80 еллыгына багышлана. Шул уңайдан Татарстан Дәүләт Советында тарих һәм җәмгыять белеме укытучыларының методик берләшмәләре җитәкчеләре өчен семинар узды. Педагоглар белән Дәүләт Советы Рәисе Фәрит Мөхәммәтшин очрашты.
Татарстан Хөкүмәте быел республика территориясендә язгы ташу суларының тискәре йогынтысын булдырмау буенча чаралар планын раслады. Документны Татарстан премьер-министры Алексей Песошин раслады.
Узган елда Татарстанда беренче тапкыр 19 мең 400 кешедә яман шеш авыруы табылган. Бу алдагы ел белән чагыштырганда 7,2 процентка күбрәк. Бу хакта «Татар-информ» агентлыгындада узган матбугат конференциясендә Татарстан Сәламәтлек саклау министрлыгы баш онкологы Эдуард Нагуманов сөйләде.
