Иртәнге чыгарылыш
17-28 февраль көннәрендә республиканың барлык мәктәпләрендә “Ватанга хезмәт итү – изге бурыч!” дигән темага парламент дәресләре узачак. Ул Татарстанда һәм Россиядә игълан ителгән Ватанны саклаучылар елына һәм Бөек Ватан сугышында Җиңүнең 80 еллыгына багышлана. Шул уңайдан Татарстан Дәүләт Советында тарих һәм җәмгыять белеме укытучыларының методик берләшмәләре җитәкчеләре өчен семинар узды. Педагоглар белән Дәүләт Советы Рәисе Фәрит Мөхәммәтшин очрашты.
Татарстан Хөкүмәте быел республика территориясендә язгы ташу суларының тискәре йогынтысын булдырмау буенча чаралар планын раслады. Документны Татарстан премьер-министры Алексей Песошин раслады.
Узган елда Татарстанда беренче тапкыр 19 мең 400 кешедә яман шеш авыруы табылган. Бу алдагы ел белән чагыштырганда 7,2 процентка күбрәк. Бу хакта «Татар-информ» агентлыгындада узган матбугат конференциясендә Татарстан Сәламәтлек саклау министрлыгы баш онкологы Эдуард Нагуманов сөйләде.
Көндезге чыгарылыш
Татарстан Дәүләт Советы Рәисе Фәрит Мөхәммәтшин Киров өлкәсе Закон чыгару Җыены Рәисе Роман Береснев белән очрашты. Очрашу республика парламентында узды. Алар Татарстан белән Киров өлкәсе арасындагы хезмәттәшлекне киңәйтү, шул исәптән гамәлдәге килешү нигезендә парламентара элемтәләре турында фикер алыштылар.
Иннополис шәһәр Советының 2024 ел йомгакларына багышланган хисап утырышы узды. Шәһәр Мэры Дмитрий Вандюков билгеләп үткәнчә, Иннополистан барлык дәрәҗәдәге бюджетларга салым түләүләре суммасы ел саен арта бара, 2024 елда ул 22 процент үсеш белән 9 миллиард 400 миллион сумга җиткән. Шәһәр инфраструктурасына инвестицияләр күләме 7 млрд сумга артып, 31 млрд сум булган.
“Алтын мөнбәр” XXI Казан халыкара кинофестивале гаризалар кабул итә башлады. Конкурска 2023 елдан да иртәрәк төшерелмәгән фильмнар тәкьдим ителә ала.
Кичке чыгарылышлар
Татарстан Премьер-министры Алексей Песошин Россия җәзаларны үтәтү федераль хезмәте Татарстандагы идарәсенең киңәйтелгән еллык йомгаклау коллегия утырышында катнашты. Федераль хезмәтнең Татарстандагы идарәсе җитәкчесе Эдуард Һиалеев 2024 елда җәзаларны үтәтү системасы эшчәнлеге йомгаклары һәм 2025 елга өстенлекле бурычлар турында хисап ясады.
Иннополис шәһәр Советының 2024 ел йомгакларына багышланган хисап утырышы узды. Шәһәр Мэры Дмитрий Вандюков билгеләп үткәнчә, Иннополистан барлык дәрәҗәдәге бюджетларга салым түләүләре суммасы ел саен арта бара, 2024 елда ул 22 процент үсеш белән 9 миллиард 400 миллион сумга җиткән.
“Алтын мөнбәр” XXI Казан халыкара кинофестивале гаризалар кабул итә башлады. Конкурска 2023 елдан да иртәрәк төшерелмәгән фильмнар тәкьдим ителә ала.
«Туполев» акционерлык җәмгыяте филиалы — Казан авиация заводы Россия авиакомпанияләренә быелгы беренче Ту-214 пассажир самолетларын җибәрәчәк. Бу хакта Россия сәнәгать һәм сәүдә министры Антон Алиханов гражданнар авиациясе инфраструктурасы күргәзмәсендә белдерде.
Татарстан Дәүләт Киңәшчесе Минтимер Шәймиев «Теләкләр чыршысы» Бөтенроссия хәйрия акциясе барышында Биектаудан апалы-сеңелле Полина белән Мирослава Якушевич, Казаннан Арсений Корниловның теләкләрен үтәде. Кызларның әтиләре махсус хәрби операциядә катнаша.
Татарстан Премьер-министры Алексей Песошин Россия җәзаларны үтәтү федераль хезмәте Татарстандагы идарәсенең киңәйтелгән еллык йомгаклау коллегия утырышында катнашты. Федераль хезмәтнең Татарстандагы идарәсе җитәкчесе Эдуард Һиалеев 2024 елда җәзаларны үтәтү системасы эшчәнлеге йомгаклары һәм 2025 елга өстенлекле бурычлар турында хисап ясады.
