Иртәнге чыгарылыш
Казанда «Казаныш» IV Халыкара архитектура-төзелеш форумы ачылды. Форумда катнашучыларга видео сәламләү белән Россия Федерациясе Хөкүмәте Рәисе урынбасары Марат Хөснуллин мөрәҗәгать итте. Пленар утырышта республика Рәисе Рөстәм Миңнеханов чыгыш ясады.
Татарстан Дәүләт Советы Рәисе Фәрит Мөхәммәтшин Уфада Башкортстан Дәүләт Җыены – Корылтае Рәисе Константин Толкачев белән очрашты. Төбәк закон җыеннары җитәкчеләре парламентара диалогны киңәйтү, законнарны камилләштерү, төрле дәрәҗәләрдә хезмәттәшлекне ныгыту мәсьәләләре буенча фикер алыштылар.
Татарстанда авыл хуҗалыгы ярминкәләре 15 марттан яңадан үткәреләчәк. Алар 27 апрельгә кадәр дәвам итәчәк. Бу хакта Татарстан Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясенең XXV съездында республика авыл хуҗалыгы һәм азык-төлек министры Марат Җаббаров хәбәр итте. Татарстан Рәисе Рөстәм Миңнеханов кушуы буенча фермерларга логистика, командировка акчалары кайтарыла.
Көндезге чыгарылыш
Татарстан Бөтенроссия мәктәп укучылары олимпиадасының соңгы этабында җиңүчеләр һәм призерларның өчтән ике өлеше тупланган төбәкләр арасына керде. “Республикада андыйлар – 8 процент”, — дип белдерде Россия Президенты Владимир Путин Фән һәм мәгариф советы утырышында.
Бүген — Татарстан Республикасы Дәүләт гербы көне. Шул уңайдан Татарстан Дәүләт Советы Рәисе Фәрит Мөхәммәтшин республика халкын котлады.
Татарстан Премьер-министры Алексей Песошин Бөгелмәдә тыл хезмәтчәннәренә «1941-1945 еллардагы Бөек Ватан сугышында Җиңүгә 80 ел» юбилей медальләрен тапшырды. Бүләкләнүчеләр арасында тылда фидакарь эшләгән Төхвәтуллина Раиса Петровна, Идрисов Мидхәт Миңнәхмәт улы һәм Салмина Зинаида Корниловна бар.
Кичке чыгарылышлар
Татарстан Бөтенроссия мәктәп укучылары олимпиадасының соңгы этабында җиңүчеләр һәм призерларның өчтән ике өлеше тупланган төбәкләр арасына керде. “Республикада андыйлар – 8 процент”, — дип белдерде Россия Президенты Владимир Путин Фән һәм мәгариф советы утырышында.
Бүген — Татарстан Республикасы Дәүләт гербы көне. Шул уңайдан Татарстан Дәүләт Советы Рәисе Фәрит Мөхәммәтшин республика халкын котлады.
Болгар шәһәре район мәдәният йортында Спас муниципаль районы Советының 2024 ел йомгакларына һәм быелгы бурычларга багышланган киңәйтелгән утырышы узды. Утырышта Татарстан Дәүләт Советы Рәисе урынбасары Марат Әхмәтов, Россия Федераль Җыены Дәүләт Думасы депутаты Татьяна Ларионова, башка рәсми затлар катнашты.
“Алдынгы инженерлык мәктәпләрен бизнес ягыннан финанслау күләме 42 млрд сумга җиткән. Бу дәүләт биргәннән 12 млрд сумга күбрәк”, — диде сөйләде фән һәм мәгариф Советы утырышында Россия Фән һәм югары белем министры Валерий Фальков. Совет утырышын Россия Президенты Владимир Путин уздырды.
Казан Кремлендә фән һәм техника өлкәсендә Татарстан Республикасы Дәүләт премияләрен тапшыру тантанасы узды. Бүләкләрне Татарстан Рәисе Рөстәм Миңнеханов тапшырды.
Татарстан Рәисе Рөстәм Миңнеханов «ТАИФ» акционерлык җәмгыяте Директорлар советының планнан тыш киңәйтелгән утырышында катнашты. Башта ул компаниянең яңа бизнес-үзәген карады, аны төзүдә кулланылган заманча материаллар һәм технологияләр белән танышты.
