Иртәнге чыгарылыш
Татарстан Республикасы Рәисе Рөстәм Миңнеханов эш визиты белән Согуд Гарәбстанына килде.
Казанда Бәшир Рәмиев исемендәге Ай ти паркта Россия фәне көненә багышланган тантана узды. Анда республика Рәисе Рөстәм Миңнеханов катнашты. Чарада республиканың фән тармагы уңышлары турында видеофильм күрсәтелде.
Татарстан Рәисе Рөстәм Миңнеханов һәм “Роснефть” компаниясе акционерлык җәмгыяте башкарма директоры Игорь Сечин хезмәттәшлек турында килешү имзаладылар. Документ импортны алмаштыруны үстерүне, яңа югары технологияле техника һәм технологияләр җитештерүне үзләштерү өлкәсендә якларның үзара хезмәттәшлеген күздә тота.
Татарстан районнарына төрле федераль программаларда катнашуга күбрәк игътибар бирергә кирәк. Бу хакта Республика Дәүләт Советы Рәисе Фәрит Мөхәммәтшин Тукай районы Советының 2024 ел йомгакларына багышланган утырышында белдерде. Ул игътибарны дәүләт программаларының, илкүләм проектларның федераль үзәктән һәм Татарстаннан финанслануына юнәлтте.
Көндезге чыгарылыш
Татарстан Рәисе Рөстәм Миңнеханов эш сәфәре белән Согуд Гарәбстанына килде. Ул Мәккәдә исламдагы иң мөһим дини йолаларның берсен – умруны үтәде. Рөстәм Миңнеханов бүген Согуд Гарәпстанында эшлекле очрашуларда катнаша.
Татарстан Премьер-министры Алексей Песошин Казан вертолет заводында мәгариф учреждениеләрендә сәнәгать предприятиеләренә кадрлар әзерләүдә хезмәттәшлек тәҗрибәсе буенча семинар-киңәшмә үткәрде. Алексей Песошин «Металл белеме һәм контроль» лабораториясен, «Кибердром» проектында катнашучыларны әзерләү участокларын карап чыктылар, заводның җитештерү-укыту үзәгендә булды.
14 февральдә мәгьрифәтче галим Каюм Насыйриның тууына 200 ел тула. Шул уңайдан «Каюм Насыйри институты» оештырган чаралар ункөнлеге дәвам итә. Казан Федераль Университетының Филология һәм мәдәниятара багланышлар институты профессоры Әлфия Йосыпова «Каюм Насыйри институты» фәнни белем бирү үзәкләренең тыңлаучылары өчен онлайн-лекция уздырды.
Кичке чыгарылышлар
Татарстан Рәисе Рөстәм Миңнеханов Согуд Гарәбстанының Җиддә шәһәрендә Ислам дөньясы мәдәният министрларының XIII конференциясендә катнаша. Чара Коръән укудан башланды. Конференция Ислам оешмасы башлангычы белән мәгариф, фән һәм мәдәният мәсьәләләре буенча уза.
Татарстан Премьер-министры Алексей Песошин Казан вертолет заводында мәгариф учреждениеләрендә сәнәгать предприятиеләренә кадрлар әзерләүдә хезмәттәшлек тәҗрибәсе буенча семинар-киңәшмә үткәрде. Алексей Песошин «Металл белеме һәм контроль» лабораториясен, «Кибердром» проектында катнашучыларны әзерләү участокларын карап чыктылар, заводның җитештерү-укыту үзәгендә булды.
14 февральдә мәгьрифәтче галим Каюм Насыйриның тууына 200 ел тула. Шул уңайдан «Каюм Насыйри институты» оештырган чаралар ункөнлеге дәвам итә. Казан Федераль Университетының Филология һәм мәдәниятара багланышлар институты профессоры Әлфия Йосыпова «Каюм Насыйри институты» фәнни белем бирү үзәкләренең тыңлаучылары өчен онлайн-лекция уздырды.
Татарстан Рәисе Рөстәм Миңнеханов Согуд Гарәбстанының Җиддә шәһәрендә Ислам дөньясы мәдәният министрларының XIII конференциясендә катнашты һәм чыгыш ясады. Конференция Ислам хезмәттәшлеге оешмасы башлангычы белән мәгариф, фән һәм мәдәният мәсьәләләре буенча узды.
Татарстан Рәисе Рөстәм Миңнеханов мәгариф, фән һәм мәдәният мәсьәләләре буенча Ислам оешмасы генераль директоры Сәлим Бин Мөхәммәд Әл-Малик белән очрашты. Рөстәм Миңнеханов оешма җитәкчесенә «Россия – Ислам дөньясы” Казан халыкара икътисадый форумында, Казан Глобаль яшьләр саммитында катнашуы өчен рәхмәт белдерде.
Галиәсгар Камал исемендәге Татар дәүләт Академия театры 1 мартта яңа бинада беренче спектаклен күрсәтәчәк. Ул Айдар Җаббаровның шагыйрә Резеда Гобәеваның «Казанга Тукай кайткан» пьесасы буенча сәхнәләштерелгән спектакле.
