Иртәнге чыгарылыш
Казан дәүләт аграр университетында «Татарстан – Яңа Гасыр» республика иҗтимагый хәрәкәтенең Югары советы утырышы узды. Анда быел көзен узачак Татарстан Республикасы Рәисен һәм җирле үзидарәләрнең вәкиллекле органнары депутатларын сайлау кампаниясендә катнашу турында фикер алыштылар. Утырышны Дәүләт Советы Рәисе, иҗтимагый хәрәкәтнең Югары Советы Рәисе Фәрит Мөхәммәтшин үткәрде.
Хәзерге вакытта Татарстанда 7 мең 839 Бөек Ватан сугышы ветераны, сугышта катнашучыларның һәм инвалидларның 1 мең 249 тол хатыны яши. Бу хакта республика хөкүмәтендә узган брифингта Хезмәт, мәшгульлек һәм социаль яклау министры Эльмира Зарипова белдерде.
Татарстанда Ватанны саклаучылар һәм Бөек Ватан сугышында Җиңүнең 80 еллыгын бәйрәм итү елында патриотик акцияләр, хәрби дан көннәре узачак. Бу хакта брифингта Татарстан Премьер-министры урынбасары Ләйлә Фазлыева белдерде. Татарстанның төрле катлам ветераннары 55 мең һәм 80 мең сум күләмендә бер тапкыр бирелә торган түләүләр алачак.
Көндезге чыгарылыш
Баулы район Советының хисап сессиясендә узган елгы социаль-икътисади үсешкә йомгак ясалды, быелгы бурычлар билгеләнде. Утырышта Татарстан Дәүләт Советы Рәисе урынбасары Юрий Камалтынов катнашты. Юрий Камалтынов район башлыгы Ильяс Гозәеров белән сәламәтлек мөмкинлекләре чикләнгән кешеләргә ярдәм күрсәтүче «Мин булдырам» коммерцияле булмаган автоном оешмасының эшчәнлеге белән танышты, шулай ук «Пресскомпозит» заводының пыяла-пластик торбалар җитештерү цехында булды.
Казан дәүләт мәдәният институтында узган тантаналы чарада «Татарстанның иң яхшы яшь галиме» конкурсы лауреатлары игълан ителде. Җиңүчеләр җиде төп номинация буенча билгеләнде. Гран-прига Казан Федераль университеты геология һәм нефть-газ технологияләре институтының геологиядә математик методлар кафедрасы мөдире Тимур Закиров лаек булды.
«Минем бизнес» үзәге Татарстан Икътисад министрлыгы ярдәмендә «Нәтиҗәле һәм конкурентлы икътисад» илкүләм проекты буенча махсус хәрби операция ветераннарын һәм аларның гаилә әгъзаларын эшмәкәрлеккә өйрәтү программасына гаризалар кабул итә.
Кичке чыгарылышлар
Татарстан Дәүләт Советы Рәисе Фәрит Мөхәммәтшин Питрәч районының «Царево утары» торак комплексында яңа балалар бакчасын ачуда катнашты. Ул Питрәч районында яшәүче ветераннарга «Бөек Ватан сугышында Җиңүгә 80 ел» медальләрен тапшырды, шулай ук район Советы утырышында катнаша. Анда районның узган елгы социаль-иктисадый үсеш йомгаклары һәм быелгы бурычлар карала.
Казан дәүләт мәдәният институтында узган тантаналы чарада «Татарстанның иң яхшы яшь галиме» конкурсы лауреатлары игълан ителде. Җиңүчеләр җиде төп номинация буенча билгеләнде. Гран-прига Казан Федераль университеты геология һәм нефть-газ технологияләре институтының геологиядә математик методлар кафедрасы мөдире Тимур Закиров лаек булды.
«Минем бизнес» үзәге Татарстан Икътисад министрлыгы ярдәмендә «Нәтиҗәле һәм конкурентлы икътисад» илкүләм проекты буенча махсус хәрби операция ветераннарын һәм аларның гаилә әгъзаларын эшмәкәрлеккә өйрәтү программасына гаризалар кабул итә.
Татарстан Дәүләт Советы Рәисе Фәрит Мөхәммәтшин Питрәч районының «Царево утары» торак комплексында яңа балалар бакчасын ачуда катнашты. Ул Питрәч районында яшәүче ветераннарга «Бөек Ватан сугышында Җиңүгә 80 ел» медальләрен тапшырды, шулай ук район Советы утырышында катнашты. Анда районның узган елгы социаль-иктисадый үсеш йомгаклары һәм быелгы бурычлар каралды.
28 февральдә, җомга көнне республикада «Хатын-кыз игътибары» дип аталган кайнар телефон линиясе эшләячәк. Халык мөрәҗәгатьләренә Дәүләт Советы депутатлары, «Мәрхәмәт-Милосердие» берләшмәсе әгъзалары, Татарстанда Кеше хокуклары буенча вәкаләтле вәкил белән берлектә, профильле министрлыклар һәм ведомстволар вәкилләре җавап бирәчәк.
Татарстанның иҗади яшьләре XXV «Созвездие – Йолдызлык» Республика телевизион яшьләр фестивале быел Бөек Ватан сугышында Җиңүнең 80 еллыгына багышлана. Анда ике мең 500дән артык чыгыш көтелә, ун зона этабы планлаштырылган. Гала концерт 30 мартта узачак.
