Иртәнге чыгарылыш
Татарстан Дәүләт Советы Рәисе Фәрит Мөхәммәтшин Питрәч районының «Царево утары» торак комплексында яңа балалар бакчасын ачуда катнашты. Ул Питрәч районында яшәүче ветераннарга «Бөек Ватан сугышында Җиңүгә 80 ел» медальләрен тапшырды, шулай ук район Советы утырышында катнашты. Анда районның узган елгы социаль-иктисадый үсеш йомгаклары һәм быелгы бурычлар каралды.
28 февральдә, җомга көнне республикада «Хатын-кыз игътибары» дип аталган кайнар телефон линиясе эшләячәк. Халык мөрәҗәгатьләренә Дәүләт Советы депутатлары, «Мәрхәмәт-Милосердие» берләшмәсе әгъзалары, Татарстанда Кеше хокуклары буенча вәкаләтле вәкил белән берлектә, профильле министрлыклар һәм ведомстволар вәкилләре җавап бирәчәк.
Татарстанның иҗади яшьләре XXV «Созвездие – Йолдызлык» Республика телевизион яшьләр фестивале быел Бөек Ватан сугышында Җиңүнең 80 еллыгына багышлана. Анда ике мең 500дән артык чыгыш көтелә, ун зона этабы планлаштырылган. Гала концерт 30 мартта узачак.
Көндезге чыгарылыш
Татарстан Рәисе Рөстәм Миңнеханов республика хөкүмәте йортында «Промсвязьбанк» акционерлык җәмгыяте рәисе Петр Фрадков белән очрашты. Алар Татарстан предприятиеләре хезмәткәрләре өчен арендага торак төзү, партнерлык финанслау проектын гамәлгә ашыру, банкның «Алабуга» аерым икьтисадый зонасы белән хезмәттәшлеген үстерү турында фикер алыштылар.
Россия Федераль Җыены Дәүләт Думасының пленар утырышында Татарстан Дәүләт Советының төбәкләргә җирле үзидарә моделен мөстәкыйль билгеләү, шәһәр, авыл җирлекләрен саклап калып, җирле үзидарәнең бер дәрәҗәле системасына күчәргәме, юкмы икәнен үзләренә хәл итү хокукы бирү турындагы тәкъдимнәре хупланды. Видеоэлемтә аша пленар утырышта Татарстан парламентының Дәүләт төзелеше һәм җирле үзидарә комитеты рәисе Альберт Хәбибуллин катнашты.
XIII Бөтенроссия татар авыллары эшмәкәрләре җыенында Россия Федерациясенең 48 төбәгеннән 900 кече бизнес, фермер хуҗалыклары җитәкчеләре, хакимият органнары вәкилләре катнаша. Бүген алар Апас һәм Тәтеш районнарының эш тәҗрибәсе белән таныша. Иртәгә республика җитәкчелеге катнашында пленар утырыш билгеләнгән.
Кичке чыгарылышлар
Татарстан Рәисе Рөстәм Миңнеханов “Казан-Экспо” күргәзмә үзәгендә Россия Федерациясе Сәнәгать һәм сәүдә министры Антон Алиханов белән очрашты. Татарстанның узган елгы сәнәгать секторы, кулланучылар базары эше нәтиҗәләре, шулай ук быел төбәк сәнәгате алдында торган бурычлар турында фикер алыштылар.
“Казан-Экспо” күргәзмә үзәгендә Татарстан сәнәгать һәм сәүдә министрлыгы коллегиясе утырышында сәнәгать секторының узган елгы эшенә йомгак ясалды, киләчәккә бурычлар, җитештерүнең нәтиҗәлелеген арттыруда заманча алымнар билгеләнде.
XIII Бөтенроссия татар авыллары эшмәкәрләре җыенында Россия Федерациясенең 48 төбәгеннән 900 кече бизнес, фермер хуҗалыклары җитәкчеләре, хакимият органнары вәкилләре катнаша. Бүген алар Апас һәм Тәтеш районнарының эш тәҗрибәсе белән таныша. Иртәгә республика җитәкчелеге катнашында пленар утырыш билгеләнгән.
Татарстан Рәисе Рөстәм Миңнеханов республика икътисадына зур өлеш керткәннәре өчен төбәкнең барлык предприятиеләре хезмәт коллективларына рәхмәт белдерде. Бу хакта ул Татарстан сәнәгать һәм сәүдә министрлыгының йомгаклау коллегиясе утырышында сөйләде. Коллегия утырышында Россия Федерациясе Сәнәгать һәм сәүдә министры Антон Алиханов катнашты.
Татарстан Рәисе Рөстәм Миңнеханов “Казан Экспо” үзәгендә “Дом.РФ” акционерлык җәмгыяте рәисе урынбасары Алексей Ниденс белән очрашты. Алар торак төзелешен һәм инфраструктура проектларын үстерү, дәүләт ярдәме белән ипотека программаларын гамәлгә ашыру мәсьәләләрt буенча фикер алыштылар.
28 февральдә – кояш баю белән, Ислам календаре буенча изге Рамазан ае башлана. Дин кардәшләребезне изге Рамазан ае һәм Ураза башлану белән Татарстан мөселманнары Диния Нәзарәте рәисе Камил Сәмигуллин тәбрик итте.
