Иртәнге чыгарылыш
Татарстан Рәисе Рөстәм Миңнеханов республика икътисадына зур өлеш керткәннәре өчен төбәкнең барлык предприятиеләре хезмәт коллективларына рәхмәт белдерде. Бу хакта ул Татарстан сәнәгать һәм сәүдә министрлыгының йомгаклау коллегиясе утырышында сөйләде. Коллегия утырышында Россия Федерациясе Сәнәгать һәм сәүдә министры Антон Алиханов катнашты.
Татарстан Рәисе Рөстәм Миңнеханов “Казан Экспо” үзәгендә “Дом.РФ” акционерлык җәмгыяте рәисе урынбасары Алексей Ниденс белән очрашты. Алар торак төзелешен һәм инфраструктура проектларын үстерү, дәүләт ярдәме белән ипотека программаларын гамәлгә ашыру мәсьәләләрt буенча фикер алыштылар.
28 февральдә – кояш баю белән, Ислам календаре буенча изге Рамазан ае башлана. Дин кардәшләребезне изге Рамазан ае һәм Ураза башлану белән Татарстан мөселманнары Диния Нәзарәте рәисе Камил Сәмигуллин тәбрик итте.
Көндезге чыгарылыш
Автомобиль төзелеше республикада төп тармакларның берсе. Бу хакта Татарстан Рәисе Рөстәм Миңнеханов Сәнәгать буенча координация Советының автомобиль компонентлары җитештерүне үстерү мәсьәләләренә багышланган утырышында белдерде. «Казан Экспо» күргәзмә үзәгендә узган чарада Россия Сәнәгать һәм сәүдә министры Антон Алиханов катнашты.
Казанда Татарстан Халыклары ассамблеясе Советы һәм 2032 елга кадәр Татарстанда җирле халыклар телләренең Халыкара унъеллыгына багышланган чаралар үткәрү буенча Оештыру комитетының уртак утырышы булды. Татарстан Дәүләт Советы Рәисе, республика Халыклары ассамблеясе рәисе Фәрит Мөхәммәтшин үткәргән утырышта республикада яшәүче халыкларның телләрен һәм мәдәниятләрен үстерү мәсьәләләре каралды.
Бүген кояш бату белән Рамазан ае керә, ул 29 мартка кадәр дәвам итә. Бу айда мөселманнар Ураза тота. Мәчетләрдә таравих намазын уку да бүгеннән башлана. Быел ураза 29 көн була, 30 мартта Ураза бәйрәме уза.
Кичке чыгарылышлар
Татарстан Рәисе Рөстәм Миңнеханов «Корстон» сәүдә-күңел ачу комплексында Россия төбәкләрендә җитештерелгән продукция һәм халык кәсебе товарлары күргәзмә-ярминкәсе белән танышты. Ул Бөтендөнья татар конгрессының XIII Бөтенроссия татар авыллары эшмәкәрләре җыены пленар утырышында чыгыш ясады.
Бүген кояш бату белән Рамазан ае керә, ул 29 мартка кадәр дәвам итә. Бу айда мөселманнар Ураза тота. Мәчетләрдә таравих намазын уку да бүгеннән башлана. Быел ураза 29 көн була, 30 мартта Ураза бәйрәме уза.
3 марттан «Казан» Гаилә үзәге янындагы транспорт парковкасы түләүле булачак. Җиңел автомобильләр өчен парковка бәясе сәгатенә — 100 сум, ә экскурсия автобуслары өчен 300 сум булачак. Яңа өйләнешүчеләр өчен бирегә керү бушлай кала. Парковка иртәнге сәгать алтыдан төнге унга кадәр эшләячәк.
Бүген Казанда XIII Бөтенроссия татар авыллары эшмәкәрләре җыенының пленар утырышы булды.
Татарстан Рәисе Рөстәм Миңнеханов Бөек Ватан сугышында Җиңүнең 80 еллыгы уңаеннан бер тапкыр бирелә торган акчалата түләү турындагы указны имзалады.
Бүген кояш бату белән Рамазан ае керә һәм ул 29 мартка хәтле дәвам итәчәк.
