Иртәнге чыгарылыш
Татарстан Рәисе Рөстәм Миңнеханов Казан Кремлендә республика Куркынычсызлык советы утырышын уздырды. Утырышта пилотсыз очу аппаратлары янавына каршы тору чаралары, халыкка хәбәр итүнең нәтиҗәле системасын тәэмин итү, шулай ук куркыныч янаганда, вакытлыча урнашу өчен биналар оештыру турында фикер алыштылар.
Тиздән Татарстан Дәүләт Советына 30 ел тула. 1995 елның 30 мартында Татарстан АССР Югары Советының хокукый варисы булган I чакырылыш Дәүләт Советының беренче утырышы үткәрелгән. Парламентның «ВКонтакте» социаль челтәрендәге рәсми бергәлекләрендә һәм Телеграм-каналында республика парламентаризмы тарихына багышланган проектлар сериясенә старт бирелде.
КазанмэрыИлсурМетшин «Ел укытучысы – 2025» премиясенең шәһәр этабында катнашучыларны бүләкләү тантанасында Татарстан башкаласында БРИКС илләре вәкилләре катнашында укытучылар өчен халыкара форум уздыру турында игълан итте.
Көндезге чыгарылыш
“Бөек Ватан сугышында Җиңүнең 80 еллыгы” медальләре республикадагы 7 мең 800 сугыш ветеранына һәм тыл хезмәтчәннәренә тапшырылачак. Медальләрне тапшыру тантаналары 1 апрельгә кадәр дәвам итә. Бөек Ватан сугышында катнашучыларның барысына да үзләре яшәгән муниципалитетның «Мактаулы гражданы» исеме бирелә.
Татарстан бюджетыннан Казандагы кайбер сәламәтлек саклау объектларын капиталь ремонтлауга 413 млн сумга якын акча бүлеп биреләчәк. Бу акчага Исаев урамында урнашкан сугыш ветераннары госпитале, профессор Камил Зыятдинов исемендәге 18 нче Үзәк шәһәр хастаханәсе һәм стационар бинасы төзекләндереләчәк. Әлеге дәвалау учреждениеләренә җиһазлар сатып алу, биналарның территорияләрен төзекләндерү дә каралган.
Казанда «Ел укытучысы — 2025» конкурсына йомгак ясалды. Идел Буе районы 129 нчы мәктәбенең информатика укытучысы Ерлан Аймаганбәтов абсолют җиңүче булды. Бүләкләү тантанасы Казан Ратушасында узды.
Кичке чыгарылышлар
Татарстан Рәисе Рөстәм Миңнеханов хөкүмәт йортында «Дөньяда кар барсын өйрәнү һәм саклау. Көчләрне берләштерү» дигән Халыкара конференцияне әзерләү һәм уздыру буенча оештыру комитеты утырышын үткәрде. Анда федераль хакимият органнары вәкилләре, республика министрлыклары, ведомстволары җитәкчеләре, бизнес, мәгариф, фән вәкилләре катнашты.
Республика Рәисе Рөстәм Миңнеханов хөкүмәт йортында Казан илкүләм тикшеренү техник университеты ректоры вазыйфаларын башкаручы Кирилл Охоткин белән очрашты. Алар уку йортының фәнни-белем бирү программаларын гамәлгә ашыру, имиджны күтәрү, башка актуаль мәсьәләләр буенча фикер алыштылар.
Татарстан бюджетыннан Казандагы кайбер сәламәтлек саклау объектларын капиталь ремонтлауга 413 млн сумга якын акча бүлеп биреләчәк. Бу акчага Исаев урамында урнашкан сугыш ветераннары госпитале, профессор Камил Зыятдинов исемендәге 18 нче Үзәк шәһәр хастаханәсе һәм стационар бинасы төзекләндереләчәк.
Татарстан Рәисе Рөстәм Миңнеханов хөкүмәт йортында «Дөньяда кар барсын өйрәнү һәм саклау. Көчләрне берләштерү» дигән Халыкара конференцияне әзерләү һәм уздыру буенча оештыру комитеты утырышын үткәрде. Анда федераль хакимият органнары вәкилләре, республика министрлыклары, ведомстволары җитәкчеләре, бизнес, мәгариф, фән вәкилләре катнашты.
Республика Рәисе Рөстәм Миңнеханов хөкүмәт йортында Казан илкүләм тикшеренү техник университеты ректоры вазыйфаларын башкаручы Кирилл Охоткин белән очрашты. Алар уку йортының фәнни-белем бирү программаларын гамәлгә ашыру, имиджны күтәрү, башка актуаль мәсьәләләр буенча фикер алыштылар.
Татарстан Премьер-министры урынбасары, Министрлар Кабинеты Аппараты җитәкчесе Шамил Гаффаров юл хәрәкәте иминлеген тәэмин итү комиссиясе утырышын уздырды. Чара Хөкүмәт йортында видео элемтә аша республиканың барлык муниципаль районнары вәкилләре белән үтте.
