Иртәнге чыгарылыш
Татарстан Рәисе Рөстәм Миңнеханов хөкүмәт йортында «Дөньяда кар барсын өйрәнү һәм саклау. Көчләрне берләштерү» дигән Халыкара конференцияне әзерләү һәм уздыру буенча оештыру комитеты утырышын үткәрде. Анда федераль хакимият органнары вәкилләре, республика министрлыклары, ведомстволары җитәкчеләре, бизнес, мәгариф, фән вәкилләре катнашты.
Республика Рәисе Рөстәм Миңнеханов хөкүмәт йортында Казан илкүләм тикшеренү техник университеты ректоры вазыйфаларын башкаручы Кирилл Охоткин белән очрашты. Алар уку йортының фәнни-белем бирү программаларын гамәлгә ашыру, имиджны күтәрү, башка актуаль мәсьәләләр буенча фикер алыштылар.
Татарстан Премьер-министры урынбасары, Министрлар Кабинеты Аппараты җитәкчесе Шамил Гаффаров юл хәрәкәте иминлеген тәэмин итү комиссиясе утырышын уздырды. Чара Хөкүмәт йортында видео элемтә аша республиканың барлык муниципаль районнары вәкилләре белән үтте.
Көндезге чыгарылыш
Иннополис Университеты белән МИРЭА-Россия Технология университеты арасында мәгариф, фән һәм технологияләр өлкәсендә хезмәттәшлек турында килешү имзаланды. Анда Татарстан Премьер-министры урынбасары Роман Шәйхетдинов катнашты. Килешүгә уку йортлары җитәкчеләре Искәндәр Бариев һәм Станислав Кудж кул куйдылар.
Луганск һәм Донецк Халык Республикаларына Татарстаннан чираттагы гуманитар йөк китерелде. Махсус хәрби операция уздыру зонасына гуманитар йөкне республика Дәүләт Советының Икътисад, инвестицияләр һәм эшмәкәрлек комитеты рәисе Рәгать Хөсәенов, шулай ук Лениногорск муниципаль районы башкарма комитеты вәкилләре озатып йөрде.
Габдулла Кариев исемендәге Казан Татар яшь тамашачы театрында «Театраль Идел буе» балалар һәм яшьләр коллективлары фестиваленең төбәк этабында җиңүчеләрне бүләкләделәр. Әлеге фестиваль Россия Президентының Идел буе федераль округындагы Тулы вәкаләтле вәкиле Игорь Комаров Аппараты ярдәмендә уздырыла.
Кичке чыгарылышлар
8 Март — барлык хатын-кызларга рәхмәт сүзләрен, иң изге теләкләрне җиткерү бәйрәме. Бу хакта Татарстан Рәисе Рөстәм Миңнеханов Хөкүмәт Йортында узган традицион киңәшмәдә билгеләп үтте.
Татарстандаторакны файдалануга тапшырупланы33% ка үтәлгән, 1млн93меңквадратметрфайдалануга тапшырылган. Республика Рәисе барлыкмуниципальрайоннар вәкилләре белән видео элемтә аша уздырган киңәшмәдә шул хакта әйтелде.
Киңшмәдә Премьер-министр урынбасары — Авыл хуҗалыгы һәм азык — төлек министры Марат Җаббаров көзге культураларның торышы һәм язгы кыр эшләренә әзерлек турында сөйләде. Уҗымнарның торышы канәгатьләнерлек, үсентеләрне югалту 4 процентка кадәр генә. Чәчүгә бөртекле культуралар орлыклары запасы күп.
8 Март — барлык хатын-кызларга рәхмәт сүзләрен, иң изге теләкләрне җиткерү бәйрәме. Бу хакта Татарстан Рәисе Рөстәм Миңнеханов Хөкүмәт Йортында узган традицион киңәшмәдә билгеләп үтте.
Хатын-кызлар — теләсә нинди гаиләнең нигезе, мәхәббәт, кайгырту һәм ярдәм чыганагы ул.БухактаТатарстан Рәисе Рөстәм Миңнеханов Халыкара хатын-кызлар көненә багышланган тантаналы чарада белдерде.Тантана Галиәсгар Камал исемендәге Татар дәүләт академия театрының яңабинасындаузды. Анда шулай ук республика Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин, Премьер-министр Алексей Песошин катнашты.
Казан Кремлендә республика оборона-сәнәгать комплексын үстерүгә зур өлеш керткән хатын-кызларны хөрмәтләү тантанасы узды. Хатын-кызларны бәйрәм белән Татарстан Рәисе Рөстәм Миңнеханов котлады.
