Иртәнге чыгарылыш
Татарстан Дәүләт Советы Президиумының күчмә утырышы Югары Ослан районында узды. Аны Дәүләт Советы Рәисе Фәрит Мөхәммәтшин алып барды. Утырышта махсус хәрби операциядә катнашучыларга ярдәм итү мәсьәләсе күтәрелде.
14-16 май көннәрендә «Казан Экспо» Халыкара күргәзмәләр үзәгендә Россия инвестиция һәм инфраструктура проектларының иң зур хәләл продукция халыкара күргәзмәсе узачак. Чара «Россия – ислам дөньясы” XVI халыкара икътисадый форумы барышында оештырыла.
Татарстанда күп фатирлы йортларны җылыту сезоны май башына кадәр тәмамланырга мөмкин. Шунда ук киләсе сезонга әзерлекне башларга җыеналар. Бу турыда республика Дәүләт торак инспекциясе җитәкчесе Александр Тыгин төбәкнең идарә Үзәге оештырган турыдан туры эфирда белдерде.
Көндезге чыгарылыш
Татарстан махсус хәрби операция башланганнан бирле, фронтка ярдәм итү өчен 36 миллиард сум акча бүлеп биргән. Бу хакта республика Дәүләт Советы Рәисе Фәрит Мөхәммәтшин белдерде. Татарстан махсус операциянең беренче көненнән үк хәрбиләргә, аларның гаиләләренә ярдәм итү эшенә кушылды. 2022 елда Татарстан Лисичанск шәһәрен, ә соңрак Рубежное шәһәрен шефлыкка алды.
Казанда “Росгвардия” гаскәрләре, Бөек Ватан сугышы ветераннарын һәм тыл хезмәтчәннәрен бүләкләү тантаналары башланды. Иң беренче булып «1941-1945 еллардагы Бөек Ватан сугышында Җиңүгә 80 ел» медале белән отставкадагы милиция полковнигы Мануил Дәүләтшин бүләкләнде.
Киләсе шимбә, 15 марттан республикада гадәттәге язгы авыл хуҗалыгы ярминкәләре эшли башлый, алар Казанда 12 мәйданчыкта, Чаллы шәһәрендә 2 мәйданчыкта, Яшел Үзән, Түбән Кама шәһәрләрендә икешәр урында, Түбән Кама районының Кама Аланы шәһәр тибындагы бистәсендә бер урында оештырылачак.
Кичке чыгарылышлар
Татарстан Дәүләт Советы Рәисе Фәрит Мөхәммәтшин Ульяновскида Идел буе федераль округының Россия Федерациясе төбәкләре дәүләт хакимиятенең закон чыгару органнары ассоциациясе эшендә катнаша. Идел буе округы закон чыгаручыларының чираттагы очрашуын яшь парламентарийлар ачты. Алар Россиянең рухи-әхлакый кыйммәтләрен саклау һәм ныгыту буенча дәүләт сәясәтен гамәлгә ашыру турында фикер алыша.
2024 елда “Роспотребнадзор”ның Татарстандагы идарәсенә республика халкыннан 19 меңгә якын мөрәҗәгать кергән. Бу хакта «Татар-информ» агентлыгында узган матбугат конференциясендә ведомство җитәкчесе урынбасары Юлия Булатова сөйләде.
Киләсе шимбә, 15 марттан республикада гадәттәге язгы авыл хуҗалыгы ярминкәләре эшли башлый, алар Казанда 12 мәйданчыкта, Чаллы шәһәрендә 2 мәйданчыкта, Яшел Үзән, Түбән Кама шәһәрләрендә икешәр урында, Түбән Кама районының Кама Аланы шәһәр тибындагы бистәсендә бер урында оештырылачак.
Казанда «Дөньяда кар барсын өйрәнү һәм саклау. Көчләрне берләштерү» дигән темага багышланган конференция ачылды. Ул 15 мартка кадәр дәвам итә. Мәгьлүм булганча. Алтай Республикасында Татарстан Рәисе Рөстәм Миңнеханов инициативасы белән сирәк очрый торган хайваннар – ирбислар популяциясен торгызу проекты гамәлгә ашырыла.
Ульяновский шәһәрендә Идел буе федераль округының Россия Федерациясе төбәкләре дәүләт хакимиятенең закон чыгару органнары каршындагы Яшьләр парламентлары ассоциациясе утырышы узды. Анда традицион рухи-әхлакый кыйммәтләрне саклау һәм ныгыту буенча дәүләт сәясәтен гамәлгә ашыру мәсьәләләре каралды. Утырышта Россия Президентының Идел буе федераль округындагы Тулы вәкаләтле вәкиле урынбасары Олег Машковцев, тубәкләр парламентлары җитәкчеләре, шул исәптән Татарстан Дәүләт Советы Рәисе Фәрит Мөхәммәтшин да катнашты.
Киләсе шимбә, 15 марттан республикада гадәттәге язгы авыл хуҗалыгы ярминкәләре эшли башлый, алар Казанда 12 мәйданчыкта, Чаллы шәһәрендә 2 мәйданчыкта, Яшел Үзән, Түбән Кама шәһәрләрендә икешәр урында, Түбән Кама районының Кама Аланы шәһәр тибындагы бистәсендә бер урында оештырылачак.
