Иртәнге чыгарылыш
9-11 апрельдә Казанда 19 нчы Россия венчур форумы узачак. Ул технология эшмәкәрлеге өлкәсендәге төп вакыйга. Быел форум дөньяның төрле илләреннән, шул исәптән Австрия, Беларусь, Бахрейн, Берләшкән Гарәп Әмирлекләре, Катар, Үзбәкстан, Франциядән әйдәп баручы экспертларны җыячак.
Мәскәүдә Россия Федераль Җыены Дәүләт Думасында «XIX гасырның икенче яртысы — XX гасырның беренче яртысы Идел буе халыкларының традицион костюмы» дигән күргәзмә ачылды. Татарстан җитәкчелеге исеменнән кунакларны Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин сәламләде.
Татарстанда быел сөт җитештерүне 2 миллион 300 мең тоннага җиткеререргә җыеналар. Бу хакта республика Авыл хуҗалыгы һәм азык-төлек министры Марат Җәббаров сөт җитештерүчеләр берлегенең түгәрәк өстәл утырышында белдерде.
Көндезге чыгарылыш
Татарстан Премьер-министры Алексей Песошин һәм Татарстан Рәисе хакимияте җитәкчесе Әсхәт Сәфәров шефлыкка алынган Лисичанск һәм Рубежное шәһәрләрендә булдылар. Эш сәфәре Татарстан Рәисе Рөстәм Миңнеханов кушуы буенча оештырылды. Татарстан вәкилләре объектларда торгызу эшләренең барышы белән таныштылар.
Бүген Казанда «Энергопром” Халыкара энергетика форумы ачылды. Бу масштаблы мәйданчыкта Россия һәм чит ил экспертлары ягулык-энергетика комплексы, сәнәгать үсеше турында фикер алышалар. Форумда Бәйсез Дәүләтләр берлеге илләренең энергетика министрлары катнаша.
Казан федераль университетының Филология һәм мәдәниятара багланышлар институтында язучы, журналист, «Мәгариф» һәм «Гаилә һәм мәктәп» журналлары баш мөхәррире Гөлүсә Закированың «Казан утлары» китапханәсе» сериясендә басылып чыккан «Энекәш» китабы тәкъдир ителде.
Кичке чыгарылышлар
“Казан Экспо” Халыкара күргәзмә үзәгендә «Энергопром» халыкара энергетика форумы ачылды. Анда Россия Энергетика министры Сергей Цивилев, Татарстан Рәисе Рөстәм Миңнеханов, Таҗикстан Республикасы энергетика һәм су ресурслары министры Далер Джума, Бәйсез Дәүләтләр Берлеге илләренең кайбер министрлыклары вәкилләре катнашты. Форумда катнашучыларга Россия Федераль Җыены Дәүләт Думасы Рәисе Вячеслав Володин һәм Россия Премьер-министры Михаил Мишустин мөрәҗәгатьләре укылды.
Татарстан Премьер-министры Алексей Песошин һәм Татарстан Рәисе хакимияте җитәкчесе Әсхәт Сәфәров шефлыкка алынган Лисичанск һәм Рубежное шәһәрләрендә булдылар. Эш сәфәре Татарстан Рәисе Рөстәм Миңнеханов кушуы буенча оештырылды. Татарстан вәкилләре объектларда торгызу эшләренең барышы белән таныштылар.
Казан федераль университетының Филология һәм мәдәниятара багланышлар институтында язучы, журналист, «Мәгариф» һәм «Гаилә һәм мәктәп» журналлары баш мөхәррире Гөлүсә Закированың «Казан утлары» китапханәсе» сериясендә басылып чыккан «Энекәш» китабы тәкъдир ителде.
“Казан Экспо” Халыкара күргәзмә үзәгендә «Энергопром» халыкара энергетика форумы ачылды. Анда Россия Энергетика министры Сергей Цивилев, Татарстан Рәисе Рөстәм Миңнеханов, Таҗикстан Республикасы энергетика һәм су ресурслары министры Далер Джума, Бәйсез Дәүләтләр Берлеге илләренең кайбер министрлыклары вәкилләре катнашты. Форумда катнашучыларга Россия Федераль Җыены Дәүләт Думасы Рәисе Вячеслав Володин һәм Россия Премьер-министры Михаил Мишустин мөрәҗәгатьләре укылды.
Форумда “Татэнерго” компаниясе һәм Урал турбина заводы хезмәттәшлек турындагы килешүне имзаладылар. Чарада Татарстан Рәисе Рөстәм Миңнеханов, Россия Энергетика министры Сергей Цивилев катнашты. Килешү “Татэнерго” акционерлык җәмгыятенең Зәй ГРЭСы филиалында пар, газ җиһазлары инвестиция проектын уңышлы гамәлгә ашыру өчен технология һәм икътисадый базаны булдыруны күздә тота.
Татарстан Рәисе Рөстәм Миңнеханов һәм Россия Энергетика министры Сергей Цивилев форумда Иранның «Mapna Group» компаниясе җитәкчелеге белән очрашты. Әлеге компания җылылык һәм яңартыла торган электр станцияләрен эшләү, гамәлгә кертү белән шөгыльләнә.
