Иртәнге чыгарылыш
Татарстан Рәисе Рөстәм Миңнеханов Россия Президенты Владимир Путинның Оман солтаны Хәйсам бән Тарек Әл Сәид белән сөйләшүләрендә катнашты. Татарстан белән Оман Солтанлыгын тотрыклы эшлекле һәм мәдәни элемтәләр бәйли.
Татарстан Рәисе Рөстәм Миңнеханов Мәскәүдә «Киләчәк һөнәрләре» үзәгендә булды. Ул укучыларга һөнәр сайлауда ничек ярдәм итүләре белән танышты. Биредә һөнәрләрне күрсәтү бүлмәсе, эш бирүчеләр белән үзара хезмәттәшлек мәйданчыгы, укучыларны һөнәри юнәлеш бирү үзәге бар, мәшгульлек хезмәте эшли.
Татарстанда яшәүчеләргә 2024 елгы керемнәр буенча, 30 апрельдән дә соңга калмыйча, 3-НДФЛ формасы буенча салым декларациясен тапшырырга кирәк. Бу хакта Республика Министрлар Кабинетында узган брифингта Федераль салым хезмәтенең Татарстандагы идарәсе җитәкчесе Марат Сафиуллин белдерде.
Көндезге чыгарылыш
Татарстан Дәүләт Советында быелгы «Парламент дәресе” проекты буенча узган балалар рәсемнәре, иншалар, эсселар, проектлар, видеороликлар республика бәйгесендә җиңүчеләрне бүләкләү тантанасы булды. Республиканың төрле шәһәр һәм районнарыннан килгән җиңүчеләрне Дәүләт Советы Рәисе Фәрит Мөхәммәтшин котлады.
Иннополиста «Республика робот техникасы көне» узды Анда Татарстанның сәнәгать предприятиеләре вәкилләре җыелды. Россия Сәнәгать һәм сәүдә министрлыгы ярдәмендә Иннополис Университеты оештырган чараның максаты — үзебезнең робот техникасын җитештерү белән кызыксындыру.
. 26 апрельдә бөек Габдулла Тукайның туган көнендә Казанда ике урында сөекле шагыйребез һәйкәленә чәчәкләр салу тантаналары узачак. Муса Җәлил исемендәге Татар дәүләт опера һәм балет театры янында урнашкан Тукай һәйкәленә чәчәкләр салу тантанасы 9 сәгать 30 минутта башлана.
Кичке чыгарылышлар
Татарстан белән Саха-Якутияне хәзерге дустанә һәм хезмәттәшлек мөнәсәбәтләре генә түгел, ә борынгы тарих та бәйли. Татарстан Рәисе Рөстәм Миңнеханов Якутиянең «Улус.Медиа» басмасына биргән интервьюсында шулай дип белдерде.
. 26 апрельдә бөек Габдулла Тукайның туган көнендә Казанда ике урында сөекле шагыйребез һәйкәленә чәчәкләр салу тантаналары узачак. Муса Җәлил исемендәге Татар дәүләт опера һәм балет театры янында урнашкан Тукай һәйкәленә чәчәкләр салу тантанасы 9 сәгать 30 минутта башлана.
Казанның “Гаилә” мәчетендә 14 апрельдән балалар өчен бушлай массаж курслары оештырылды. Проект 2017 елдан бирле мәчеттә Панфилов массаж мәктәбе белән берлектә үткәрелә. 2025 елда ике атналык массаж курсларын 50 гә якын бала узды.
Татарстанның барлык районнары да язгы кыр эшләренә кереште. Барлык мәйданның 17 процентында сабан культуралары чәчелгән. Көзге культураларны, күпьеллык үләннәрне минераль ашламалар белән тукландыру тәмамлану алдында. Буа, Алексеевск, Тәтеш, Чистай һәм Чүпрәле районнарында чәчү темпы югары.
Мароккода 17 нче SIAM Халыкара авыл хуҗалыгы күргәзмәсендәТатарстанэкспозициясетәкъдимителде.Татарстан Авыл хуҗалыгы һәм азык – төлек министры урынбасары Рөстәм Гайнуллов күргәзмәдә катнашучы илләр вәкилләрен «Россия – Ислам дөньясы” ХVI Халыкара икътисадый форумы чараларында катнашырга чакырды.
Казанда “СВОИ” дигән музей ачылды. Ул махсус хәрби операция вакыйгаларына багышланган материлларны бергә җыйган. Музей җиде залдан тора, аларның һәрберсе аерым тематикага багышланган.
