Иртәнге чыгарылыш.
Татарстан Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды. Аны Татарстан Рәисе, «Татнефтехиминвест-холдинг» АҖ Директорлар советы рәисе Рөстәм Миңнеханов үткәрде. Утырышта нефть, газ, химия тармагындагы кайбер инновация проектлары каралды.
Татарстан Рәисе Рөстәм Миңнеханов кече нефть компанияләре җитәкчеләре белән 2025 елның I кварталындагы эш йомгаклары һәм киләчәккә үсеш бурычлары буенча киңәшмә уздырды. Анда республика Премьер-министры Алексей Песошин катнашты.
Бөгелмә районы Башкарма комитеты җитәкчесе вазифаларын башкару Дамир Илдус улы Фәттаховка йөкләнде. Татарстан Дәүләт Советы Рәисе Фәрит Мөхәммәтшин Бөгелмә район Советының чираттан тыш утырышында депутатларга яңа җитәкче кандидатурасын тәкъдим итте.
Көндезге чыгарылыш.
Татарстан Рәисе Рөстәм Миңнеханов бүген иртән Ингушетия Республикасына эш сәфәре белән килде. Рөстәм Миңнеханов Ингушетия башлыгы Мәхмүт-Али Кәлиматов белән очраша. Алар сәүдә-икътисадый, гуманитар хезмәттәшлекне алга таба үстерү перспективалары турында фикер алышачак.
Татарстан Дәүләт Советы Рәисе урынбасары Марат Әхмәтов бөек шагыйрь Габдулла Тукайның туган ягы — Арча районының Кушлавыч һәм Яңа Кырлай авылларында булды. Киләсе елда Тукайның тууына 140 ел тула. Төбәктә шушы вакыйгага зур әзерлек эшләре дәвам итә.
Быел Бөтенроссия олимпиадасының йомгаклау этабында Татарстаннан 558 укучы катнашкан, шуларның 55е – җиңүче, 210ы призер булган. Бу узган ел белән чагыштырганда 21 призлы урынга күбрәк. Республика мәгариф һәм фән министры Илсур Һадиуллин республика, Бөтенроссия фән олимпиадаларында җиңүчеләрне һәм аларның остазларын хөрмәтләү тантанасында шул хакта белдерде.
Кичке чыгарылышлар.
Татарстан Рәисе Рөстәм Миңнеханов Ингушетиягә эш сәфәре вакытында республика башлыгы Мәхмүт-Али Кәлиматов белән очрашты.
Татарстан Рәисе Рөстәм Миңнеханов һәм Ингушетия Башлыгы Мәхмүд-Али Кәлиматов төбәкләр арасында сәүдә-икътисадый, фәнни-техник, социаль һәм мәдәни хезмәттәшлек турындагы килешүгә кул куйдылар.
Быел Бөтенроссия олимпиадасының йомгаклау этабында Татарстаннан 558 укучы катнашкан, шуларның 55е – җиңүче, 210ы призер булган. Бу узган ел белән чагыштырганда 21 призлы урынга күбрәк. Республика мәгариф һәм фән министры Илсур Һадиуллин республика, Бөтенроссия фән олимпиадаларында җиңүчеләрне һәм аларның остазларын хөрмәтләү тантанасында шул хакта белдерде.
Татарстан Рәисе Рөстәм Миңнеханов Ингушетиягә эш сәфәре вакытында республика башлыгы Мәхмүт-Али Кәлиматов белән очрашты. Татарстан Рәисе Рөстәм Миңнеханов һәм Ингушетия Башлыгы Мәхмүд-Али Кәлиматов төбәкләр арасында сәүдә-икътисадый, фәнни-техник, социаль һәм мәдәни хезмәттәшлек турындагы килешүгә кул куйдылар.
Татарстан Рәисе Рөстәм Миңнеханов Ингушетиянең иң югары бүләге — «Казанышлар өчен» орденына лаек булды. Бүләкне Ингушетия башлыгы Мәхмүд-Али Кәлиматов тапшырды.
“Бердәм Россия” партиясе Генераль советының Халыкара хезмәттәшлек һәм чит илдәге ватандашларга ярдәм итү комиссиясе утырышында халыкара төбәкара элемтәләрне үстерү мәсьәләләре турында фикер алыштылар.Утырышта видео элемтә аша Татарстан Дәүләт Советы Рәисе, Россия Закон чыгаручылар советының Халыкара хезмәттәшлек проблемалары буенча комиссиясе җитәкчесе, партиянең Татарстан төбәк бүлеге Секретаре Фәрит Мөхәммәтшин катнашты.
